Ab Adiis: diggante ñaari nodd yu nekk am na julli, diggante ñaari nodd yu nekk am na julli" topp mu wax ca ñatteel ba: "ñeel ku mu soob

عَنْ عَبْدِ اللهِ بْنِ مُغَفَّلٍ رضي الله عنه قَالَ: قَالَ النَّبِيُّ صلى الله عليه وسلم:
«بَيْنَ كُلِّ أَذَانَيْنِ صَلَاةٌ، بَيْنَ كُلِّ أَذَانَيْنِ صَلَاةٌ» ثُمَّ قَالَ فِي الثَّالِثَةِ: «لِمَنْ شَاءَ».
[صحيح] - [متفق عليه] - [صحيح البخاري: 627]

Jële na ñu ci Abdallah Ibn Muxaffal yal na ko Yàlla dollee gërëm mu wax ne: Yonnente Yàlla bi yal na ko Yàlla dolli xéewal ak mucc- nee na:
«diggante ñaari nodd yu nekk am na julli, diggante ñaari nodd yu nekk am na julli" topp mu wax ca ñatteel ba: "ñeel ku mu soob».
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 627]

Leeral

Yonnente bi yal na ko Yàlla dolli xéewal ak mucc day leeral ne diggante nodd ak liqaam gu nekk am na jullig naafila, mu baamtu ko ñatti yoon, mu xamle ca gu mujj ga ne loolu dañu ko sopp ci ku bëgg a julli.

Bokk na ci njariñi Adiis bi

1. Sopp nañu julli ci diggante nodd ak liqaam.
2. Njubug Yonnente bi yal na ko Yàlla dolli xéewal ak mucc ci baamtu ay wax, loolu nag ngir ñu dégg ko ak mu feddali solos li muy wax
3. Li ñu namm ci ñaari nodd yi: mooy nodd ak liqaam, mu tudde leen (ñaari nodd) ngir notal, niki ñaari weer(jant bi ak weer wi) ak ñaari Umar yi(Abuu Bakrin ak Umar).
4. Nodd mooy yégle duggug waxtu wi, liqaam mooy yégle jotug julli gi.