Ҳадис: Наздиктарин вақте ки Парвардигор ба банда наздик аст, дар охири шаб аст

عَن أَبِي أُمَامَةَ قَالَ: حَدَّثَنِي عَمْرُو بْنُ عَبَسَةَ رضي الله عنه أَنَّهُ سَمِعَ النَّبِيَّ صَلَّى اللَّهُ عَلَيْهِ وَسَلَّمَ يَقُولُ:
«أَقْرَبُ مَا يَكُونُ الرَّبُّ مِنَ العَبْدِ فِي جَوْفِ اللَّيْلِ الآخِرِ، فَإِنْ اسْتَطَعْتَ أَنْ تَكُونَ مِمَّنْ يَذْكُرُ اللَّهَ فِي تِلْكَ السَّاعَةِ فَكُنْ».
[صحيح] - [رواه أبو داود والترمذي والنسائي] - [سنن الترمذي: 3579]

Аз Абуумома ривоят аст, ки гуфт: Амр ибни Абса (разияллоҳу анҳу) бароям ривоят кард, ки Паёмбар (саллаллоҳу алайҳи ва саллам)-ро шунидам, ки мегуфт:
"Наздиктарин вақте ки Парвардигор ба банда наздик аст, дар охири шаб аст. Агар тавонисти дар он вақти шаб аз он касоне бошӣ, ки Худовандро зикр мекунанд, чунон бош."
[Саҳеҳ] - [رواه أبو داود والترمذي والنسائي] - [Сунани Тирмизӣ - 3579]

Шарҳ

Паёмбар (саллаллоҳу алайҳи ва саллам) хабар медиҳад, ки Парвардигор дар сеяки охири шаб нисбат ба дигар вақтҳо ба бандааш наздиктар аст; агар - эй муъмин - тавонӣ, ки дар он вақт аз он нафарони ибодаткунанда, намозгузор, зикркунанда ва тавбакунанда бошӣ, ин фурсате аст, ки бояд ғанимат шумурд ва дар он талош намуд.

Аз фоидаҳои ҳадис

1. Ташвиқи мусалмон бар зикр кардан дар охири шаб.
2. Бартарии вақтҳо бар якдигар, барои зикр, дуо ва намоз.
3. Мирак дар бораи тафовут миёни ин ду ҳадис чунин гуфтааст: "Наздиктарин вақте ки Парвардигор ба банда бештар наздик аст," ва ҳадиси "Наздиктарин ҳолати банда ба Парвардигораш, дар ҳоли дар саҷда буданаш аст." Дар ҳадиси аввал баёни вақте аст, ки Парвардигор беш аз дигар вақтҳо ба банда наздик аст, ки он дили шаб аст. Дар ҳадиси дувум баёни наздиктарин ҳолати банда ба Парвардигор мебошад, ки он ҳолати дар саҷда будани банда аст.