Hadith: តើអំពើល្អណាមួយដែលអល់ឡោះស្រឡាញ់ជាងគេ? លោកបានឆ្លើយថា៖ “គឺការសឡាតទាន់ពេលវេលារបស់វា”។ គាត់សួរថា៖ បន្ទាប់មក តើអ្វីទៅ? លោកបានឆ្លើយថា៖ “បន្ទាប់មក គឺកតញ្ញូចំពោះឪពុកម្តាយ”។ គាត់សួរទៀតថា៖ បន្ទាប់ មក តើអ្វីទៀត? លោកបានឆ្លើយថា៖ “គឺការតស៊ូក្នុងមាគ៌ាអល់ឡោះ”
عَنْ عَبْدِ اللَّهِ بِن مَسْعُودٍ رضي الله عنه قَالَ:
سَأَلْتُ النَّبِيَّ صَلَّى اللهُ عَلَيْهِ وَسَلَّمَ: أَيُّ العَمَلِ أَحَبُّ إِلَى اللَّهِ؟ قَالَ: «الصَّلاَةُ عَلَى وَقْتِهَا»، قَالَ: ثُمَّ أَيٌّ؟ قَالَ: «ثُمَّ بِرُّ الوَالِدَيْنِ» قَالَ: ثُمَّ أَيٌّ؟ قَالَ: «الجِهَادُ فِي سَبِيلِ اللَّهِ» قَالَ: حَدَّثَنِي بِهِنَّ، وَلَوِ اسْتَزَدْتُهُ لَزَادَنِي.
[صحيح] - [متفق عليه] - [صحيح البخاري: 527]
المزيــد ...
អំពី អាប់ទុលឡោះ ពិន ម៉ាស្អ៊ូទ رضي الله عنه បាននិយាយថា៖
ខ្ញុំបានសួរណាពី ﷺ ថា៖ តើអំពើល្អណាមួយដែលអល់ឡោះស្រឡាញ់ជាងគេ? លោកបានឆ្លើយថា៖ “គឺការសឡាតទាន់ពេលវេលារបស់វា”។ គាត់សួរថា៖ បន្ទាប់មក តើអ្វីទៅ? លោកបានឆ្លើយថា៖ “បន្ទាប់មក គឺកតញ្ញូចំពោះឪពុកម្តាយ”។ គាត់សួរទៀតថា៖ បន្ទាប់ មក តើអ្វីទៀត? លោកបានឆ្លើយថា៖ “គឺការតស៊ូក្នុងមាគ៌ាអល់ឡោះ”។ គាត់បាននិយាយថា៖ លោកបានប្រាប់ខ្ញុំអំពីរឿងទាំងនេះ ហើយប្រសិនបើខ្ញុំសួរបន្ថែមទៀត លោកនឹងប្រាប់ខ្ញុំបន្ថែមទៀត។
[صحيح] - [متفق عليه] - [صحيح البخاري - 527]
មានគេសួរណាពី ﷺ ថា តើអំពើល្អមួយណាដែលអល់ឡោះជាម្ចាស់ទ្រង់ស្រឡាញ់ជាងគេ? ពេលនោះ លោកបានឆ្លើយថា៖ គឺការសឡាតកាតព្វកិច្ច(សឡាតហ្វើរទូ)ទៅតាមពេលវេលារបស់វាដែលបានកំណត់ដោយច្បាប់អ៊ីស្លាម។ បន្ទាប់មក គឺការមានភាពកតញ្ញូចំពោះឪពុកម្តាយតាមរយៈការធ្វើល្អចំពោះពួកគាត់ បំពេញនូវសិទ្ធិរបស់ពួកគាត់ និងបោះបង់ការធ្វើអកតញ្ញូចំពោះពួកគាត់។ បន្ទាប់មកទៀត គឺការតស៊ូ(ប្រយុទ្ធ)ក្នុងមាគ៌ារបស់អល់ឡោះដើម្បីលើកតម្កើងបន្ទូលរបស់អល់ឡោះឲ្យខ្ពង់ខ្ពស់ឡើង ការពារសាសនាអ៊ីស្លាម និងអ្នកកាន់សាសនានេះ ហើយនិងបង្ហាញនូវអត្តសញ្ញាណសាសនាឥស្លាមតាមរយៈជីវិតនិងទ្រព្យសម្បត្តិ។
អ៊ិពនូម៉ាស្អ៊ូទ رضي الله عنه បាននិយាយថា៖ លោកបានប្រាប់ខ្ញុំពីទង្វើទាំងនេះ។ ហើយប្រសិនបើខ្ញុំសួរលោកថា៖ បន្ទាប់មក តើអ្វីទៀត? នោះលោកប្រាកដជានឹងប្រាប់ខ្ញុំបន្ថែមទៀតជាមិនខាន។
Benefits from the Hadith
- ទង្វើល្អមានកម្រិតខុសៗគ្នាអាស្រ័យទៅតាមក្តីស្រឡាញ់របស់អល់ឡោះជាម្ចាស់ចំពោះទង្វើនោះ។
- ជំរុញជនមូស្លីមឲ្យព្យាយាមសាងទង្វើកុសលដោយចាប់ផ្តើមពីទង្វើកុសលដែលល្អជាងគេបំផុតមុន។
- ចម្លើយរបស់ណាពី ﷺ ទាក់ទងនឹងទង្វើដែលល្អបំផុត គឺមានលក្ខណៈខុសៗគ្នាទៅតាមមនុស្ស(ដែលមកសួរលោក) និងស្ថានភាពរបស់ពួកគេ ហើយនិងអ្វីដែលផ្តល់ប្រយោជន៍ដល់ពួកគេម្នាក់ៗជាង។
Categories
More ...
- Hadith: “ចូរពួកអ្នកកុំចាត់ទុកផ្ទះរបស់ពួកអ្នកជាផ្នូរ ហើយចូរពួកអ្នកកុំយកផ្នូររបស់ខ្ញុំធ្វើជាកន្លែងធ្វើបុណ្យ។ ប៉ុន្ដែចូរពួកអ្នកសឡាវ៉ាតមកចំពោះខ្ញុំចុះ ព្រោះការសឡាវ៉ាតរបស់ពួកអ្នកនឹងមកដល់ខ្ញុំ ទោះជាពួកអ្នកស្ថិតនៅទីណាក៏ដោយ”។
- Hadith: “សឡាតទាំងប្រាំពេល ពីជុមអាត់(ថ្ងៃសុក្រ)មួយទៅជុមអាត់មួយ និងពីខែរ៉ម៉ាហ្ទនមួយទៅខែរ៉ម៉ាហ្ទនមួយទៀត វាជម្រុះចោលនូវបាបកម្មដែលនៅចន្លោះនោះ ដរាបណាគេជៀសវាងពីបាបកម្មធំៗ”។
- Hadith: “ជាការពិតណាស់ មានមនុស្សជាច្រើនដែលពួកគេចាត់ចែងទ្រព្យសម្បត្ដិរបស់អល់ឡោះ(សម្បត្តិសាធារណៈដែលខ្លួនគ្រប់គ្រង)មិនបានត្រឹមត្រូវ។ ហេតុនេះ នៅថ្ងៃបរលោក ឋាននរកគឺសម្រាប់ពួកគេ”។
- Hadith: “រាល់ទង្វើល្អទាំងអស់ គឺជាការបរិច្ចាគទាន”។
- Hadith: “ចូរពួកអ្នកកុំជេរប្រមាថអ្នកស្លាប់។ ជាការពិតណាស់ ពួកគេបានទៅដល់អ្វីដែលពួកគេបានសាងហើយ”។
- Hadith: “គេមិនអនុញ្ញាតឲ្យបុរសម្នាក់បោះបង់ចោល(មិននិយាយរក)បងប្អូនរបស់ខ្លួនលើសពីបីថ្ងៃឡើយ ដោយពេលពួកគេជួបគ្នា ម្នាក់បែរមុខទៅខាងនេះ ម្នាក់ទៀតបែរមុខទៅខាងនោះ។ ហើយអ្នកដែលល្អបំផុតនៃពួកគេ គឺអ្នកដែលផ្តើមឲ្យសាឡាមមុន”។
- Hadith: “មិនចូលឋានសួគ៌ឡើយអ្នកដែលកាត់ផ្ដាច់ចំណងសាច់សាលោហិត”។