Ҳадис: Ким намоз ўқишни унитса, ёдига келиши билан уни ўқисин, бундан бошқа унга каффорат йўқ

عن أنس بن مالك رضي الله عنه عن النبي صلى الله عليه وسلم قال:
«مَنْ نَسِيَ صَلَاةً فَلْيُصَلِّ إِذَا ذَكَرَهَا، لَا كَفَّارَةَ لَهَا إِلَّا ذَلِكَ: {وَأَقِمِ الصَّلاةَ لِذِكْرِي} [طه: 14]».
[صحيح] - [متفق عليه] - [صحيح البخاري: 597]

Анас ибн Молик разияллоҳу анҳудан ривоят қилинади: «Набий соллаллоҳу алайҳи ва саллам:
«Ким намоз ўқишни унитса, ёдига келиши билан уни ўқисин, бундан бошқа унга каффорат йўқ: {Ва Мени зикр этиш учун намозни тўкис адо эт} [ Тоҳа:14]» –дедилар».
[Тўғри матн] - [Муттафақун алайҳ] - [Саҳиҳул Бухорий - 597]

Изоҳ

Набий соллаллоҳу алайҳи ва саллам бу ҳадиси шарифда ким фарз намозини вақти чиқиб кетгунча эсидан чиқарган бўлса, ёдига тушиши билан уни ўташга шошилмоғи лозим эканини баён қилдилар. Намозни тарк қилиш гуноҳини фақат эслаши билан ўқиш ўчира олади. Аллоҳ таоло ўз китобида: {Мени зикр этиш учун намозни тўкис адо эт}, яъни эсингдан чиқарган намозни уни эслашинг билан ўқи деб марҳамат қилган.

Ҳадиснинг фойдалари

1. Намознинг муҳимлиги ва уни қазосида ҳамда адо қилишда эътиборсиз бўлмаслик лозим.
2. Узрсиз атайин намозни ўз вақтидан кечиктириш жоиз эмас.
3. Намозни эсидан чиқарган одам эсласа, ундан ухлаб қолган одам уйғанса ўқиши вожибдир.
4. Қазо бўлган намозларни қайтарилган вақтларда бўлса ҳам ўқиш лозим.