Hadith: ((هه‌ر كه‌سێ نڤێژه‌ك ژبیركر؛ بلا ل ده‌مێ هاته‌ بیرا وی ئێكسه‌ر بكه‌ت و ژ بلی ڤێ چه‌ندێ چ كه‌فاره‌ت بۆ وێ نینه‌‌

عن أنس بن مالك رضي الله عنه عن النبي صلى الله عليه وسلم قال:
«مَنْ نَسِيَ صَلَاةً فَلْيُصَلِّ إِذَا ذَكَرَهَا، لَا كَفَّارَةَ لَهَا إِلَّا ذَلِكَ: {وَأَقِمِ الصَّلاةَ لِذِكْرِي} [طه: 14]».
[صحيح] - [متفق عليه] - [صحيح البخاري: 597]

ئه‌نه‌سێ كوڕێ مالكی (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ نڤێژه‌ك ژبیركر؛ بلا ل ده‌مێ هاته‌ بیرا وی ئێكسه‌ر بكه‌ت و ژ بلی ڤێ چه‌ندێ چ كه‌فاره‌ت بۆ وێ نینه‌‌: {وَأَقِمِ الصَّلاةَ لِذِكْرِي}، ئانكو: ((و نڤێژێ بكه‌ دا كو من ب وێ نڤێژێ بینییه‌ بیرا خۆ)).
[صحيح] - [متفق عليه] - [صحيح البخاري - 597]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كو هه‌ر كه‌سێ كرنا نڤێژه‌كا فه‌ڕز ژبیر بكه‌ت هه‌تا ده‌مێ وێ بچیت، هنگی پێدڤییه‌ ل سه‌ر وی ئه‌و ده‌ستپێشخه‌رییێ و له‌زێ بكه‌ت و هه‌ما ده‌مێ هاته‌ بیرا وی ئێكسه‌ر وێ نڤێژێ قه‌زا بكه‌ته‌ڤه‌، چونكی چ تشت گونه‌ها هێلانا نڤێژێ ژێنابه‌ت و ڤه‌ناشێریت، ئه‌گه‌ر ئه‌و نەبیت كو مرۆڤ ده‌مێ هاته‌ بیرا وی ئه‌نجام بده‌ت، وه‌كی خودێ د په‌ڕتووكا خۆدا گۆتی: {وأقم الصلاة لذكري}، ئانكو: ((ئه‌و نڤێژا ته‌ ژبیركری؛ ئه‌نجام بده‌ ده‌مێ دهێته‌ بیرا ته))‌.

Benefits from the Hadith

1. دیاركرنا گرنگییا نڤێژێ و نه‌كرنا سستییێ د ئه‌نجامدان و قه‌زاكرنا وێدا.
2. دروست نینه‌ مرۆڤ ژ كه‌یف و ب مه‌ره‌م و بێی (عوزر) نڤێژێ ژ ده‌مێ وێ پاش بێخیت.
3. پێدڤییه‌ ئه‌و كه‌سێ نڤێژێ ژبیر دكه‌ت نڤێژێ قه‌زا بكه‌ت ده‌مێ دهێته‌ بیرا وی و كه‌سێ نڤستی ژی ده‌مێ ژ خه‌و ڕادبیت.
4. پێدڤیبوونا قه‌زاكرنا نڤێژان ب زویترین ده‌م، هه‌ر چه‌نده‌ د وان ده‌مان ژیدا بیت یێن كو نڤێژ تێدا هاتینه‌ قه‌ده‌غه‌كرن.