فەرموودە: ((ئه‌رێ هوین چ دبێژن ئه‌گه‌ر ڕویباره‌ك ل به‌ر ده‌رگه‌هێ مالا ئێك ژ هه‌وه‌ بیت و هه‌ر ڕۆژ پێنج جاران خۆ تێدا بشۆت، ئه‌رێ تشته‌ك ژ پیساتییا وی دێ ل سه‌ر وی مینیت؟

عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«أَرَأَيْتُمْ لَوْ أَنَّ نَهَرًا بِبَابِ أَحَدِكُمْ يَغْتَسِلُ فِيهِ كُلَّ يَوْمٍ خَمْسًا، مَا تَقُولُ ذَلِكَ يُبْقِي مِنْ دَرَنِهِ؟» قَالُوا: لَا يُبْقِي مِنْ دَرَنِهِ شَيْئًا، قَالَ: «فَذَلِكَ مِثْلُ الصَّلَوَاتِ الخَمْسِ، يَمْحُو اللَّهُ بِهِ الخَطَايَا».
[صحيح] - [متفق عليه] - [صحيح البخاري: 528]

ئه‌بو هوره‌یره‌ (خودێ ژێ ڕازی بیت) دبێژیت: من گوهـ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بوو دگۆت:
((ئه‌رێ هوین چ دبێژن ئه‌گه‌ر ڕویباره‌ك ل به‌ر ده‌رگه‌هێ مالا ئێك ژ هه‌وه‌ بیت و هه‌ر ڕۆژ پێنج جاران خۆ تێدا بشۆت، ئه‌رێ تشته‌ك ژ پیساتییا وی دێ ل سه‌ر وی مینیت؟)) گۆتن: چ پیساتی ل سه‌ر نامینیت، گۆت: ((ئه‌ڤه‌ وه‌كی مه‌ته‌لا هه‌ر پێنج نڤێژانه‌، خودێ گونه‌هان پێ ژێدبه‌ت)).
[صحيح] - [متفق عليه] - [صحيح البخاري - 528]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) هه‌ر پێنج نڤێژێن شه‌ڤ و ڕۆژێ ب ڕویباره‌كی شوبهاندن كو ل به‌ر ده‌رگه‌هێ مالا مرۆڤی بیت و ڕۆژێ پێنج جاران خۆ تێدا بشۆت، ڤێجا كا چاوا ب ڤێ شویشتنێ چ پیساتی ل سه‌ر له‌شێ وی نامینیت؛ ئاها هۆسا نڤێژ ژی گونه‌هێن بچویك ژ ناڤ دبه‌ن و كه‌فاره‌ته‌ بۆ وان.

لە سوودەکانی فەرموودەکە

1. ئه‌ڤ قه‌در و بهایه‌ یێ تایبه‌ته‌ ب كه‌فاره‌تا گونه‌هێن بچویكڤه‌، به‌لێ گونه‌هێن مه‌زن دڤێت ته‌وبه‌ بۆ بهێته‌ كرن.
2. قه‌در و بها و خێرا ئه‌نجامدانا هه‌ر پێنج نڤێژان و پاراستنا وان ب هه‌می مه‌رج و ستوین و واجب و سوننه‌تێن وانڤه‌.