Ҳадис: Обе, ки ба андозаи ду "қулла" (зарфи калон) бошад, наҷосатро дар бар намегирад

عَن عَبْدِ اللَّهِ بْنِ عُمَرَ رضي الله عنهما قَالَ: سُئِلَ رَسُولُ اللَّهِ صَلَّى اللهُ عَلَيْهِ وَسَلَّمَ عَنِ الْمَاءِ وَمَا يَنُوبُهُ مِنَ الدَّوَابِّ وَالسِّبَاعِ، فَقَالَ صَلَّى اللهُ عَلَيْهِ وَسَلَّمَ:
«إِذَا كَانَ الْمَاءُ قُلَّتَيْنِ لَمْ يَحْمِلِ الْخَبَثَ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 63]

Аз Абдуллоҳ ибни Умар (разияллоҳу анҳумо) ривоят аст, ки гуфт: Паёмбари Худо (саллаллоҳу алайҳи ва саллам) дар бораи обе, ки чаҳорпоён ва дарандагон аз он менӯшанд (ва эҳтимол онро ифлос кунанд), пурсида шуд. Паёмбар Худо (саллаллоҳу алайҳи ва саллам) фармуданд:
"Обе, ки ба андозаи ду "қулла" (зарфи калон) бошад, наҷосатро дар бар намегирад."
[Саҳеҳ] - [رواه أبو داود والترمذي والنسائي وابن ماجه وأحمد] - [Сунани Абудовуд - 63]

Шарҳ

Паёмбар (саллаллоҳу алайҳи ва саллам) дар бораи ҳукми вузӯ гирифтан аз обе, ки ҳайвонҳо ва ваҳшиҳо барои нӯшидан меоянд, пурсида шуд. Паёмбар (саллаллоҳу алайҳи ва саллам) фармуданд: агар ҳаҷми об ба андозаи ду зарфи калон (баробар ба 210 литр) расад, он оби зиёд аст ва наҷис намешавад, магар ин ки яке аз се хусусияти он: ранг, бӯй ё маззаи он бо олудагӣ тағйир ёбад.

Аз фоидаҳои ҳадис

1. Об агар яке аз се хосияташ: ранг, бӯй ё маззаи он ба сабаби олудагӣ тағйир ёбад, нопок мешавад. Ҳадис бештар ба маънои умумӣ ва ҳолати маъмул баён шудааст, на ба таври маҳдуду мушаххас.
2. Олимон иттифоқи назар доранд, ки ҳар гоҳ об бо олудагӣ тағйир ёбад, новобаста аз зиёд ё кам буданаш, комилан нопок мешавад.