హదీస్: “ఫజ్ర్ యొక్క రెండు రకాతుల (సున్నతు) నమాజులో ప్రవక్త సల్లల్లాహు అలైహి వసల్లం, (మొదటి రకాతులో) “ఖుల్ యా అయ్యుహల్ కాఫిరూన్” సూరహ్’ను, (రెండవ రకాతులో) “ఖుల్ హువల్లాహు అహద్” సూరహ్’ను పఠించేవారు.”

عَنْ أَبِي هُرَيْرَةَ رضي الله عنه:
أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَرَأَ فِي رَكْعَتَيِ الْفَجْرِ: {قُلْ يَا أَيُّهَا الْكَافِرُونَ}، وَ{قُلْ هُوَ اللهُ أَحَدٌ}.
[صحيح] - [رواه مسلم] - [صحيح مسلم: 726]

అబూ హురైరహ్ (రదియల్లాహు అన్హు) ఉల్లేఖనం :
“ఫజ్ర్ యొక్క రెండు రకాతుల (సున్నతు) నమాజులో ప్రవక్త సల్లల్లాహు అలైహి వసల్లం, (మొదటి రకాతులో) “ఖుల్ యా అయ్యుహల్ కాఫిరూన్” సూరహ్’ను, (రెండవ రకాతులో) “ఖుల్ హువల్లాహు అహద్” సూరహ్’ను పఠించేవారు.”
[దృఢమైనది] - [దాన్ని ముస్లిం ఉల్లేఖించారు] - [صحيح مسلم - 726]

వివరణ

ఫజ్ర్ యొక్క రెండు రకాతుల రవాతిబ్ (స్వచ్ఛంద – సున్నత్) నమాజులో, మొదటి రకాతులో సూరహ్ అల్ ఫాతిహా పఠించిన తరువాత “ఖుల్ యా అయ్యుహల్ కాఫిరూన్” సూరహ్’ను (సూరహ్ అల్-కాఫిరూన్), మరియు రెండవ రకాతులో సూరహ్ అల్ ఫాతిహా పఠించిన తరువాత “ఖుల్ హువల్లాహు అహద్” సూరహ్’ (సూరహ్ అల్-ఇఖ్లాస్) పఠించుటను ఎక్కువగా ఇష్టపడేవారు.

من فوائد الحديث

1. ఫజ్ర్ యొక్క రెండు రకాతుల సున్నత్ నమాజులో, సూరహ్ అల్ ఫాతిహహ్ పఠించిన తరువాత ఈ రెండు సూరహ్’లను పఠించుట అభిలషణీయము.
2. ఈ రెండు సూరాలలో ప్రతి సూరహ్ “సూరహ్ అల్-ఇఖ్లాస్” (ఇఖ్లాస్ = నిష్కాపట్యము, నిజాయితీ) అనే పిలువబడుతుంది. ఎందుకంటే సూరత్ అల్-కాఫిరూన్ బహుదైవారాధకులు అల్లాహ్’ను కాకుండా వారు పూజించే ప్రతిదాని నుండి ఎటువంటి సంబంధమూ లేనట్లు, విడిపోతున్నట్లు, బంధాలుత్రెంచుకుంటున్నట్లు ప్రకటిస్తుంది; అంతే కాకుండా వారి యొక్క షిర్క్ (బహుదైవారాధన) వారి కర్మలను వ్యర్థం చేస్తుంది, కనుక వారు అల్లాహ్ యొక్క దాసులు కూడా కాదు అని, మరియు సర్వశక్తిమంతుడైన అల్లాహ్ మాత్రమే ఆరాధనకు అర్హుడు అనే వాస్తవాన్ని సూచిస్తుంది. అంతేకాకుండా, సూరత్ అల్-ఇఖ్లాస్ అల్లాహ్ యొక్క ఏకత్వాన్ని ప్రకటిస్తుంది, ఆయన పట్ల నిజాయితీని నొక్కి చెబుతుంది మరియు ఆయన గుణవిశేషణాలను, లక్షణాలను స్పష్టం చేస్తుంది.