فەرموودە: ((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر))

عَنْ جَابِرٍ رضي الله عنه قال: أَخْبَرَنِي عُمَرُ بْنُ الْخَطَّابِ:
أَنَّ رَجُلًا تَوَضَّأَ فَتَرَكَ مَوْضِعَ ظُفُرٍ عَلَى قَدَمِهِ فَأَبْصَرَهُ النَّبِيُّ صَلَّى اللهُ عَلَيْهِ وَسَلَّمَ فَقَالَ: «ارْجِعْ فَأَحْسِنْ وُضُوءَكَ» فَرَجَعَ، ثُمَّ صَلَّى.
[صحيح بشواهده] - [رواه مسلم] - [صحيح مسلم: 243]

جابر (خودێ ژێ ڕازی بیت) دبێژیت: عومه‌رێ كوڕێ خه‌طابی گۆته‌ من:
((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر)).
[صحيح بشواهده] - [رواه مسلم] - [صحيح مسلم - 243]

شیکردنەوە

عومه‌ر (خودێ ژێ ڕازی بیت) به‌حس دكه‌ت كو پێغه‌مبه‌ری (صه‌لات و سه‌لامێن خودێ ل سه‌ر بن) زه‌لامه‌ك دیت پشتی ژ ده‌ستنڤێژێ ب دویماهیك هاتی، هندی نینۆكه‌كێ ل سه‌ر پێیێ وی ئاڤ نه‌گه‌هشتبوویێ، ڤێجا ئاماژه‌ بۆ وی جهی كر یێ خه‌مساری تێدا هاتییه‌ كرن و گۆتێ: بزڤڕه‌ڤه‌ و ده‌ستنڤێژا خۆ ته‌مام بكه‌ و ب جوانی بگره‌ و حەقێ هه‌ر ئه‌ندامه‌كی ژ ئاڤێ بدێ، ئه‌و زه‌لام ژی زڤڕی و ده‌ستنڤێژا خۆ ته‌مام كر و پاشی نڤێژ كر.

لە سوودەکانی فەرموودەکە

1. فه‌ربوونا له‌زكرنێ د فه‌رمانكرنا ب باشییێ و ڕێبه‌ریكرنا كه‌سێن نه‌زان و بێ ئاگه‌هـ، ب تایبه‌تی ئه‌گه‌ر ئه‌و خرابی ژ وان بیت یێن خه‌له‌تییه‌كێ د عیباده‌تیدا په‌یدا بكه‌ت.
2. فه‌ربوونا گه‌هاندنا ئاڤێ بۆ هه‌می ئه‌ندامێن ده‌ستنڤێژێ و ئه‌گه‌ر پشكه‌كا بچویك ژی مابیت ده‌ستنڤێژ دروست نابیت و دڤێت بهێته‌ دووباره‌كرن ئه‌گه‌ر ده‌مه‌كێ درێژ ب سه‌رڤه‌‌ ده‌رباز ببیت.
3. دروستییا جوانگرتنا ده‌ستنڤێژێ ب وی ڕه‌نگێ شه‌ریعه‌تی فه‌رمان پێ كری.
4. هه‌ردوو پێ ژ ئه‌ندامێن ده‌ستنڤێژێنه‌، و مه‌سحكرن ل سه‌ر وان ب تنێ به‌س نینه‌، به‌لكی دڤێت بهێنه‌ شویشتن.
5. پێدڤییه‌ ئه‌ندامێن ده‌ستنڤێژێ ئێك ل دویڤ ئێكی بهێنه‌ شویشتن به‌ری یێ دی هشك ببیت.
6. نه‌زانین و ژبیركرن تشتێن واجب ل سه‌ر مرۆڤی ڕاناكه‌ت، به‌لكی ب تنێ گونه‌هێ ل سه‌ر مرۆڤی ڕادكه‌ن، ئه‌ڤی زه‌لامێ جوان ده‌ستنڤێژ نه‌گرتی ژ به‌ر نه‌زانینا خۆ؛ پێغه‌مبه‌ری (صه‌لات و سه‌لامێن خودێ ل سه‌ر بن) نه‌گۆتێ ده‌ستنڤێژ ل سه‌ر ته‌ ڕابوو، به‌لكی فه‌رمان لێ كر كو دووباره‌ بكه‌ت.