Hadith: ((پێنج تشت ژ خۆرستییێنه: سوننهتكرن، تڕاشینا وان مویێن ل دۆرێن عهورهتی ههین، كورتكرنا سمبێلان، بڕینا نینۆكان و ههلكێشانا مویێن بنكهفشان))
عن أبِي هريرة رضي اللَّه عنه: سمعتُ النبِيّ صلى الله عليه وسلم يقول:
«الفِطْرَةُ خمسٌ: الخِتَانُ والاستحدادُ وقصُّ الشَّارِبِ وتقليمُ الأظفارِ وَنَتْفُ الآبَاطِ».
[صحيح] - [متفق عليه] - [صحيح البخاري: 5891]
المزيــد ...
ئهبو هورهیره (خودێ ژێ ڕازی بیت) دبێژیت: من گوھ ل پێغهمبهری (صهلات و سهلامێن خودێ ل سهر بن) بوو دگۆت:
((پێنج تشت ژ خۆرستییێنه: سوننهتكرن، تڕاشینا وان مویێن ل دۆرێن عهورهتی ههین، كورتكرنا سمبێلان، بڕینا نینۆكان و ههلكێشانا مویێن بنكهفشان)).
[صحيح] - [متفق عليه] - [صحيح البخاري - 5891]
پێغهمبهر (صهلات و سهلامێن خودێ ل سهر بن) پێنج سالۆخهت و خهسلهتێن دینێ ئیسلامێ و پێنج سوننهتێن پێغهمبهران ئاشكهرا دكهت:
یا ئێكێ: سوننهتكرنه، كو ئهڤه ژی بڕینا چهرمێ زێدهیه ل سهر عهورهتێ زارۆكێ كوڕ، و بڕینا سهرێ چهرمییه ل سهر عهورهتێ زارۆكا كچ كو دكهڤیته پشكا سهری یا عهورهتێ وێ.
دوو: تڕاشینا وان مویێن ل دۆرێن عهورهتێ مرۆڤی ههین.
سێ: كورتكرنا سمبێلان، كو ئهڤه ژی كورتكرنا وان مویانه یێن ل سهر لێڤا زهلامی یا سهری شوین دبن، ههتا وی ڕادهی كو لێڤا وی دیار بكهت و بهێته دیتن.
چار: كورتكرنا نینۆكان.
پێنج: ههلكێشانا مویێن بنكهفشان.
Benefits from the Hadith
- سوننهتێن پێغهمبهران، ئهوێن كو خودێ حهز ژێ دكهت و پێ ڕازی دبیت و فهرمانێ پێ دكهت؛ سهردكێشن بۆ تهمامهتی و پاقژی و جوانییێ.
- پێدڤییه مرۆڤ بهردهوامییێ ل سهر ڤان تشتان بكهت و ژێ بێئاگهھ نهبیت.
- ڤان خهسلهتان كۆمهكان مفایێن دین و دونیایێ ههنه، ژ وان ژی: جوانبوونا سهروبهرێ مرۆڤی، پاقژبوونا لهشێ مرۆڤی، مرۆڤ ب ڤێ چهندێ یهدهگێ خۆ وهردگریت بۆ پاقژبوونێ، ههروهسا سهرپێچیكرنا كافران تێدایه و جێبهجێكرنا فهرمانا خودێ ژی تێدایه.
- د هندهك فهرموودهیێن دیدا ژ بلی ڤان پێنج خهسلهتان بهحسێ هندهكێن دی ژی هاتییه كرن، وهكی: بهردانا ڕیهان و بكارئینانا سیواكی و ژ بلی وان.