Hadiis: Lɩslaangã sɩnga ne sãando, a na n leb n baasame, tɩ yaa wala a sẽn sɩngã, ne sãando, rẽnd arzãn tɩɩg be ne sãambã

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«بَدَأَ الْإِسْلَامُ غَرِيبًا، وَسَيَعُودُ كَمَا بَدَأَ غَرِيبًا، فَطُوبَى لِلْغُرَبَاءِ».
[صحيح] - [رواه مسلم] - [صحيح مسلم: 145]

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame:
«Lɩslaangã sɩnga ne sãando, a na n leb n baasame, tɩ yaa wala a sẽn sɩngã, ne sãando, rẽnd arzãn tɩɩg be ne sãambã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 145]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare tɩ lɩslaangã, a sɩnga ne sãando, nebã yembr-yembr nengẽ, la a pʋgdbã sẽn paoodã, a na n leb n baasame ne sãando, tɩ neb nins sẽn yãs ne-a wã yaa bilfu, wala a sẽn sɩngã, rẽnd maan sũ-kiir n rat rẽ, la neemã be ne sãambã, la sũ-noogo la nim-maagr be ne-ba.

Sẽn be Hɑdiisã yõod-rãmbẽ

1. Yaa b sẽn kõ kibare tɩ lɩslaamdã sãandã na n leb n yɩɩme, a sẽn sẽeg n pukã poorẽ.
2. Be a pʋgẽ tagmas sẽn yaa Nabiyaamã (Wẽnd pʋʋsg lɑ A tɩlgr be ɑ yĩngɑ) nabiyaamdem tagmase, bala Nabiyaamã kõo kibar ne bũmb ninga sẽn na n yɩ nabiyaamã poorẽ, t'a sɩd yɩ wala a sẽn togs-a wã.
3. Wilgda ned ning sẽn bas a ba-yirã la a buudã, lɩslaangã yĩnga, tɩ ad a tara arzãnã.
4. Sãambã bãmb la neb nins sẽn manegd bũmb ning nebã sẽn sãamdã.