Nkramosom ne sɛ wo bɛ di adanseɛ sɛ Onyame biara nni hɔ a ɔfata ɛsom wɔ nokware mu gye Allah nko, na Mohammed yɛ Nyame Somanii, Na w'ayɛ asɔre (Salla) wɔ ne berɛ mu, Na w'ayi Zaka, Na w'akyere Ramadan akɔmkyene, Na w'ayɛ Haj dwumadie (Onyame fie nserahwɛ) sɛ wo nya so tumi a
Ampa woreba nkorɔfoɔ bi a wɔyɛ Nwoma no foɔ,na sɛ woba wɔn hɔ a frɛ wɔn ma wɔnni adanseɛ sɛ Nokware Nyame biara nni hɔ gye sɛ Allaah,na Muhammad yɛ Nyame somafoɔ
nnipa a ɔbɛnya anigyeɛ wɔ me ntamgyina no ho wɔ Wusɔreɛ Da no, ne obi a ɔka sɛ Nyame biara nni hɔ gye sɛ Allaah, wɔ gyidie mu firi n’akoma mu anaa ne kra mu
''Me sombo sene ahokafoɔ biara a wɔde ka Me ho, nti neɛ ɔbɛdi dwuma bi a ɔde obi foforɔ bɛka Me ho no, Megyae ɔne no mmata ho a ɔreyɛ no (abosomsɛm)''
Mma mommu me sɛdeɛ kristofoɔ bu Maria ba no; efiri sɛ meyɛ N’akoa nkutoo, na mmom monka sɛ: Nyame akoa ne Ne somafoɔ
Mommɔ dawuro mfa me nsɛm no ho; sɛ mpo ɛyɛ yikyerɛ koro pɛ mpo a, na monka atetesɛm a ɛfa Israel asefoɔ ho; ɛfiri sɛ akwansideɛ biara nni ho, na mmom neɛ ɔbɛtwa kontompo ato me so boapayɔ mu no deɛ; ɔmmɛ gye ne tenabrɛ wɔ ogya dareɛ no mu
Mma momfa mo afie nyɛ nna so,saa ara nso na momfa me nna so no nyɛ afahyɛ na mommɔ mpaeɛ mma me efiri sɛ mo mpaeɛ no bɛduru me hɔ baabi a mowɔ biara
Mesrɛ twe me ho kɔ Allah nkyɛn sɛ mɛnya hokani bi afiri mo mu, ɛfiri sɛ esipi sɛ Allah Okokuroko no afa me adamfoɔ dada, sɛneɛ Ɔfaa Ibrahim (Abraham) adamfoɔ no
Akoa biara nni hɔ a Allah de nkrɔfoɔ binom bɛhyɛ ne nsa, na wawu wɔ berɛ a ɔyɛ sisifoɔ wɔ ne nkrɔfoɔ no so, agye Allah ayɛ ɔsoro aheman mu akyiwadeɛ ama no
《Oh Onyankopɔn! neɛ ɔbɛdi me dɔm yi anim wɔ wɔn dwumadie bi mu na wayɛ nneɛma mu den ama wɔn no; ma nneɛma mu ɛnyɛ den ma no, na obi a ɔbɛdi me dɔm yi anim na wama nneɛma mu ayɛ mmrɛ ama wɔn no ma nneɛma mu nyɛ mmrɛ ma no》
“Sɛ mode mo ho reto Onyankopɔn so wɔ nokorɛ ahotosoɔ mu a, anka Ɔbɛbɔ mo akɔnhoma sɛnea Ɔma nnomaa a wɔpue anɔpa a ɔkɔm de wɔn na wɔsan ba anwummerɛ a wɔkura nnuane pii no.”
Esipi sɛ Allah atwerɛ papa ne bɔne ahodoɔ nyina ara, ɛna afei Wakyerɛ mu, na obi a ɔbɛbɔ ne ho mmɔden sɛ ɔreyɛ papa bi na wantumi anyɛ no, Allah twerɛ papa n'akatua a ɛhyɛ ma ma no, na sɛ ɔbɔ ne ho mmɔden na ɔyɛ nso a, Allah twerɛ akatua pa ɛfiri ɛdu kɔpem ahanson ne mmɔho mmɔho bebree ma no, na neɛ ɔbɛpɛ sɛ ɔyɛ bɔne bi na wanyɛ no, Allah twerɛ nhyira a ɛhyɛ ma ma no, na sɛ ɔpɛ sɛ ɔyɛ bɔne bi na sɛ ɔyɛ ampa a, Allah twerɛ bɔne baako pɛ na ma no
O abarimaa, merekyerɛkyerɛ wo nsɛm bi: Ma w’adwene nkɔ Nyankopɔn so na Ɔbɛma N’adwene aba wo so. Ma w’adwene nkɔ Nyankopɔn so na wobɛhunu No wɔ w’anim.Sɛ worebisa a, bisa Nyankopɔn
Asɔre mprenum da koro, ne Efiada (nhyiamu asɔre) kɔsi Efiada, ne Ramadan (akɔmkyene) kɔsi Ramadan, yɛ mpata ma bɔne nketewa obi ayɛ wɔ mu sɛ ɔtwe ne ho firi bɔne akɛseɛ no ho nko ara deɛ a
Daabi da! Seraha (adɔeɛ) mma ahonya so nte, na obi nkɔ so mfa bɔne nkyɛ agye sɛ Allah to n'animuonyam mu, na obi mmrɛ ne ho ase Allah nti, agye Allah ma no so
“Obiara a ɔbɛma obi a ɔwɔ sikasɛm mu ahokyere mu ahomegyeɛ, anaasɛ ɔbɛgyae n’aka no, Allah bɛma no dabere wɔ Owusɔreɛ Da no wɔ N’Ahennwa no sunsum ase, da a sunsum biara nni hɔ gye Ne deɛ.”
Allah nhunu obi a ɔdwo na ɔsosɔ afoforɔ so sɛ ɔretɔn adeɛ a mmɔbɔ, ne obia ɔdwo sɛ ɔretɔ a, ne obia ɔdwo sɛ ɔhia a
Na abranteɛ bi wɔ hɔ a ɔde sika bɔ amanfoɔ bosea, na na ɔka kyerɛ ne ba barima sɛ: sɛ woma obia ne ho akyere no (bosea) a, fa firi no ɛbia na Allah nso de yɛn (bɔne) afiri yɛn
Mmranteɛ (Nnipa) no bi wɔ hɔ a wɔde wɔn ho hyɛ Allah ahonyadeɛ mu a ɛnyɛ kwan pa so, na wɔnom wɔ ogya dareɛ mu atemmuada no
Ɔbiara a ɔbɛyɛ akyerewia ɛwɔ gyedie mo na ɔde ɛrehwehwɛ nhyira no; yɛ de nebone a atwam nyinaa ɛkyɛ no
Obiara a ɔde gyidie bɛgyena Ahyɛde Anadwo no mu na ɔde ɛrehwehwɛ nhyira no; yɛ de nebone a atwam nyinaa ɛkyɛ no
Obibiara a ɔbɛkɔ hajj na wamfa ne ho anhyɛ rafath(ɔbaa ne barima nhyiamu anaa kasa fii) mu anaa wanyɛ bɔne no, ɔbɛsan te sɛ ɛda a ne maame woo no
Esipi sɛ Ɔno Allah no Ɔnhwɛ mo bɔbia anaa mo ahonyadeɛ so, (ntua mo ka) na mmom Ɔhwɛ mo akoma mu ne mo nnwumadie so
ɛnyɛ obia ɔde nkabom ba abusua mu ne neɛ ɔyɛ bi tua ka, na mmom neɛ ɔde nkabom ba ne neɛ ɔka abusua no bom sɛ ntetemu bi ba a
Sɛ muslimifoɔ mmienu de wɔn sikan hyia mu a; ɛneɛ na owudifoɔ no ne neɛ wadi no awu no nyina ara yɛ ogya mu nnipa
Ɔmma ho kwan sɛ onipa bi ne onua bɛyɛ aka ama no aboro anadwo mmiɛnsa, sɛ wɔhyia a, na wei adane n’ani na wei nso adane n’ani, na wɔn mu neɛ ɔyɛ ne neɛ ɔbɛhyɛ aseɛ ato no yɔnko no salaam
obibiara a ɔbɛhyɛ me bɔ (sɛ ɔbɛbɔ saa nneɛma mmienu yi ho ban no) ɛyɛ ade a ɛda n'abɔdwe mu ne ne nan ntam no, me nso mɛhyɛ no ɔsoro aheman mu ho bɔ
Wɔbisaa Allah somafoɔ (Allah nhyira ne n'asomdwoeɛ nka no) ɛfa adeɛ a ɛde nnipa pii bɛwura ɔsoro aheman no mu, na ɔkaa sɛɛ: <
Ampa sɛ, atɛntreneefoɔ no bɛka Nyankopɔn ho wɔ hann adwa so, wɔ Mmɔborɔhunufoɔ, Otumfoɔ no nifa so. Ne nsa mmienu no nyinaa yɛ nifa
Ɛnyɛ ɔhoɔdenfoɔ ne deɛ ɔboro ne yɔnko wɔ ntɔkwa mu na mmom ɔhoɔdenfoɔ ne deɛ ɔtumi hyɛ ne ho so wɔ abufuo berɛ mu
Muslimini kyɛfa wɔ no yɔnko Muslimini so yɛ enum: sɛ ɔbɛgye no so sɛ ɔkyea no a (salaam), na ɔbɛkɔ akɔsra no sɛ ɔyare a, na ɔbɛdi n'akyi ama wɔayɛ owufoɔ som ama no, na ɔbɛgye no frɛ so (sɛ ɔto ne nsa frɛ no dwumadie bi ase a), na ɔbɛgye no so sɛ ɔnwansi a
Obi biara a ɔbɛbɔ onua animuonyam ho ban no, Allah bɛbɔ n'anim ho ban afiri ogya dareɛ no ho atemmuada no
Nsɛmfua a Allah ani gye ho pa ara yɛ ɛnan: (Subhanallah) Animmuonyam nka Allah, (Alhamdulillah) Aseda ne ayeyi wɔ Allah, (Laa ilaha illa llahu) Onyame biara nni hɔ gye Allah, (Allahu akbar) Allah yɛ Ɔkɛseɛ, ɛmfa ho ne deɛ wode bɛhyɛ aseɛ biara
Nsɛmfua mmienu a ɛyɛ mmerɛ wɔ kɛtrɛma so, ɛmu yɛ duru wɔ nsania so, na Ahummɔborɔ hene (Allah) no ani gye ho
“Nkaakaeɛ a ɛyɛ sene biara ne sɛ: Onyame biara nni hɔ gye Allaah, na mpaeɛ a ɛyɛ sene biara ne sɛ: Ayeyi nka Onyankopɔn.”
“Obiara a ɔbɛhyia Onyankopɔn, na wamfa biribiara ammata Ne ho no, ɔbɛwura Ɔsoro Ahemman turo no mu, na obiara a ɔbɛhyia No, na ɔde biribi abata Ne ho no, ɔbɛwura egya no mu
Obibiara a ɔbɛdi obi bɔne (ɔbɛha) no, Allah nso bɛha no, na obibiara a ɔbɛyɛ nneɛma mu den ama afoforɔ no, Allah bɛyɛ nneɛma mu den ama no
