pellet Alla winndii moƴƴi e bonɗi, refti O ɓanngini ɗuum, kala mbo himmi waɗde moƴƴel o gollaani ngel o winndene moƴƴel timmungel, si o himmarii waɗde ngel o waɗi ngel o Alla winndana mbo moƴƴe sappo haa e cowe teemedde jeeɗiɗi sowre, haa e cowe keewɗe, kala kimmuɗo e waɗde gootel bonngel o waɗaani ngel o winndanee moƴƴel gootel, si o waɗii ngel noon o winndanee bonngel gootel Pellet Alla ndaaratah faade e mbaadiiji mon(sora bali mon) wonah faade e jawɗe mon, kono o ndaarata ko ɓerɗe mon e golle mon eehey mon jiyaaɓe am pellet Mi harmanii tooñannge e fittaandu Am, mbaɗ Mi ɗuum koko harmina e hakkunde mon, wotee tooñandiree Alla ina muñana tooñoowo, haa si O jaggii mbo o ɓoccittaako Joom men ina tello kala jemma e asmaan ɓurɗo leesɗude o si tataɓal jemma battindingal ngal heddiima pellet Alla tooñatah gooŋɗinɗo moƴƴere, o toottete nde ka aduno, o yoɓee nde ka laakara Mbela Alla jahnirɗo mbo koyɗe makko ka aduna hattanaani yahnirde mbo yeeso makko ñande darnga?