1. नबी (सल्लल्लाहु अलैहि वसल्लम) आफ्नो जुत्ता लगाउदा, आफ्नो कपाल कोर्दा, वुजू गर्दा यहाँसम्म आफ्नो सबै मामिलाहरूमा दायाँतिरबाट आरम्भ गर्न मन पराउनुहुन्थ्यो । 2. मैले कहिल्यै पनि पैगम्बर (सल्लल्लाहु अलैहि वसल्लम) लाई पूरै मुटुबाट हाँसेको देखिनँ, यहाँसम्म कि मैले उहाँको लापीचा (घाँटी भित्रको मास भाग) देख्न सकूँ। उहाँ प्रायः मुस्कुराउनु हुन्थ्यो। - 2 ملاحظة 3. यदि तिमीहरू मध्ये कसैले कुनै यस्तो सपना देख्छ जुन उसलाई मनपर्छ भने, त्यो अल्लाहतर्फबाट हो, त्यसैले, उसले यसको लागि अल्लाहको प्रशंसा गर्नुपर्छ र यसको बारेमा अरूसँग कुरा गर्नुपर्छ, तर यदि उसले यस्तो सपना देख्छ जसलाई उसले नापसन्द गर्छ, भने त्यो शैतानतर्फबाट हो, त्यसैले, उसले यसको शर (बुराई) बाट अल्लाहको शरण माग्नुपर्छ, र यसलाई कसैलाई भन्नुपर्दैन, किनभने यसले तिमीलाई हानी पुर्‍याउने छैन। 4. जसले दुई छोरीहरूको पालनपोषण उनीहरू परिपक्व भए सम्म गर्छ, ऊ कियामतको दिन मसँग एकसाथ हुनेछ," र उहाँले आफ्ना औँलाहरू जोडेर देखाउनुभयो। 5. यदि मलाई आफ्नो उम्मत (अनुयायीहरू) लाई कठिनाइमा पार्ने डर नभए, म उनीहरूलाई प्रत्येक नमाजको समयमा मिस्वाक (दाँत सफा) गर्ने आदेश दिन्थेँ। 6. हरेक दिन जब बिहान हुन्छ, दुई फरिश्ता पृथ्वीमा अवतरण गर्छन्, ती मध्ये एक फरिश्ता भन्छ: हे अल्लाह खर्चा गर्नेलाई यसको बदला र परिणाम दिनु , र अर्को फरिश्ता भन्छ: हे अल्लाह खर्चा नगर्नेलाई अर्थात् सम्पतिलाई रोकेर राख्नेलाई नष्ट गरी दिनु। 7. तिमीहरूले मध्यमार्ग अपनाऊ र सही मार्गमा लाग, र जानि राख कि तिमीहरूमध्ये कुनै पनि केवल आफ्ना कर्महरूद्वारा मुक्ति पाउन सक्दैन।" सहाबाहरूले सोधे: "हे अल्लाहका रसूल! तपाईँ पनि होइन?" उहाँले भन्नुभयो: "म पनि होइन, जबसम्म अल्लाहले मलाई आफ्नो रहमत र कृपाले ढाक्नुहुन्न। 8. हे अल्लाह! म तपाईको क्रोधबाट बच्न तपाईको प्रसन्नतामा शरण लिन्छु, तपाईको सजायबाट बच्न तपाईको क्षमामा शरण लिन्छु। र म तपाईबाटै तपाईमा शरण लिन्छु। म तपाईको प्रशंसा गर्न असमर्थ छु, जस्तो तिमीले आफैलाई प्रशंसा गर्नुभएको छ "। 9. के म तिमीलाई स्वर्गका बासिन्दाहरूको बारेमा जानकारी नदिउँ? प्रत्येक कमजोर व्यक्ति, यदि उनी अल्लाहसँग कुनै कुरा मागेर कसम खान्छन् भने, अल्लाहले त्यसलाई पूरा गर्नुहुन्छ। के म तिमीलाई नर्कका बासिन्दाहरूको बारेमा जानकारी नदिउँ? प्रत्येक कठोर, घमण्डी, र अहंकारी व्यक्ति हुन्। 10. म एक यस्तो कुरा जान्दछु, जुन यदि उसले भनेको भए, उसको मनको क्रोध हट्ने थियो। यदि उसले भनेको भए: अउजु बिल्लाहि मिन अश्शैतानिर रजिम (म शैतानको प्रलोभनबाट अल्लाहको शरण चाहन्छु ), तब उसको क्रोध शान्त हुने थियो 11. राम्रो सपना (रुया) अल्लाहबाट हुन्छ, र डरलाग्दो सपना (हुल्म) शैतानबाट हुन्छ। यदि तिमीहरू मध्ये कसैले यस्तो सपना देख्छ जसले डर उत्पन्न गराउँछ भने उसले आफ्नो देब्रे (बायाँ) पट्टि थुकोस् र त्यसको खराबीबाट बच्न अल्लाहसँग शरण मागोस्। किनभने यसले त्यसपछि कुनै हानि गर्दैन। 12. मैले भनेँ: “हे अल्लाहका रसूल, उद्धार (रक्षाको उपाय) भनेको के हो?” उहाँले भन्नुभयो: «आफ्नो जिब्रो नियन्त्रणमा राख, आफ्नो घरमा सुरक्षित रह, र आफ्नो पापमा पश्चात्ताप गर्दै रोऊ। 13. मेरो दासले मेरो बारेमा जस्तो सोच राख्छ, म त्यही अनुसार उसको लागि हुन्छु। म उसको साथमा हुन्छु जब ऊ मलाई सम्झिन्छ - 4 ملاحظة 14. मैले आइशा (रजियल्लाहु अन्हा) लाई सोधेँ, जब नबी (सल्लल्लाहु अलैहि वसल्लम) आफ्नो घरमा प्रवेश गर्नुहुन्थ्यो भने उहाँ के बाट सुरु गर्नुहुन्थ्यो? उहाँले भन्नुभयो, 'मिस्वाक' बाट। 15. नबी (सल्लल्लाहु अलैहि वसल्लम)को सामु एक व्यक्तिको चर्चा भयो, जसले रातभर सुतेर बिहानसम्म उठेन। उहाँले भन्नुभयो: " यो त्यो व्यक्ति हो, जसको कानमा वा दुवै कानमा शैतानले पिसाब गरेको छ। 16. रासूलुल्लाह (सल्लल्लाहु अलैहि वसल्लम)ले पवित्र रमजान महिना का अन्तिम दस दिनमा इबादत गर्नमा यसरी परिश्रम गर्नुहुन्थ्यो जुन उहाँ अन्य समयहरूमा गर्दैन थिए। 17. जो व्यक्तिले संसारमा अरूको (गल्ती वा कमजोरी) लुकाउँछ, अल्लाहले प्रलयको दिन त्यस व्यक्तिको गलतीलाई लुकाउनेछ। 18. तिमीहरूमध्ये कसैको पनि यस्तो अवस्थामा मृत्यु नहोस्, जबसम्म ऊ अल्लाहप्रति राम्रो आशा (र विश्वास) राख्दैन। 19. 'यदि तिमीले भनेझैं गर्यौ भने, मानौं तिमी तिनीहरूलाई तातो खरानी ख्वाउँदैछौ, र अल्लाहको समर्थन सधैं तिमीसँग हुनेछ, जबसम्म तिमी त्यही मार्गमा रहन्छौ।।' 20. अल्लाहको मार्गमा कुनै बन्दाको खुट्टा धूलोले भरिएमा त्यो खुट्टालाई आगोले कहिल्यै छोदैन। 21. कुनै समूह वा मानिसहरू यस्तो सभाबाट निस्किन्छन् जसमा तिनीहरूले अल्लाहलाई सम्झिएका हुँदैनन् भने तिनीहरू त्यो सभाबाट मरेको गधाको लाशजस्तो निस्किन्छन्, र यो उनीहरूका लागि पछुतोको कारण बन्छ। 22. जो व्यक्ति आफ्नो पालनकर्ताको स्मरण गर्छ र जो स्मरण गर्दैन, तिनीहरूको उदाहरण जीवित र मृत व्यक्तिको जस्तै हो। 23. मलाई तिम्रो बारेमा मेरो पछि सबभन्दा धेरै डर यही छ कि तिम्रो लागि यो संसारको चमकधमक र शोभा खोलिनेछ। - 2 ملاحظة 24. जो कोही चाहन्छ कि अल्लाहले उसलाई क़ियामतको दिनका दुःखद घडीहरूबाट मुक्त गरून्, उसले कुनै असमर्थ (ऋणी) को दुःख हल गरिदिनु पर्छ वा उसको ऋण माफ गरिदिनु पर्छ»। 25. नरकका सबैभन्दा हल्का यातना भोग्ने व्यक्ति त्यो हुनेछ जसका खुट्टामा आगोले बनेका दुई जुत्ता र पट्टी हुनेछ। जसबाट उसको दिमाग कढाई उम्लिएझैं उम्लिन्छ। उसले सोच्नेछ कि कुनै पनि व्यक्ति उसभन्दा कठोर सजायमा छैन, तर वास्तवमा उसलाई सबैभन्दा कम सजा मिल्नेछ। 26. प्रलयको दिन मूमिनलाई उसको पालनहार नजिक ल्याइन्छ, यहाँसम्म कि उहाँले आफ्नो रक्षा छत्र उसमाथि राख्नुहुन्छ, उसलाई उसका पापहरूको बारेमा स्मरण गराइन्छ, 27. पुण्य भनेको सुन्दर व्यवहार हो। र पाप भनेको जुन कुरा तिम्रो मनमा सङ्का पैदा गर्छ, र तिमी चाहँदैनौ कि मानिसहरूले त्यसलाई थाहा पाउन»। 28. तीन व्यक्तिहरूबाट कलम उठाइएको छ: सुतिरहेको व्यक्तिबाट नब्युँझुन्जेलसम्म, नाबालकबाट बालिग नहुन्जेलसम्म र पागलबाट चेतना नआउन्जेलसम्म । - 2 ملاحظة