ھەدىس: ئاللاھ تائالا كىمگە ياخشىلىقنى ئىرادە قىلسا ئۇ كىشىنى دىنى ئەھكاملارنى چۈشىنىدىغان قىلىدۇ

عن معاوية رضي الله عنه قال: سمعت النبي صلى الله عليه وسلم يقول:
«مَنْ يُرِدِ اللهُ بِهِ خَيْرًا يُفَقِّهْهُ فِي الدِّينِ، وَإِنَّمَا أَنَا قَاسِمٌ، وَاللهُ يُعْطِي، وَلَنْ تَزَالَ هَذِهِ الْأُمَّةُ قَائِمَةً عَلَى أَمْرِ اللهِ، لَا يَضُرُّهُمْ مَنْ خَالَفَهُمْ، حَتَّى يَأْتِيَ أَمْرُ اللهِ».
[صحيح] - [متفق عليه] - [صحيح البخاري: 71]

مۇئاۋىيە رەزىيەللاھۇ ئەنھۇدىن بايان قىلىنغان ھەدىستە، ئۇ كىشى پەيغەمبەرئەلەيھىسسالامنىڭ مۇنداق دېگەنلىكىنى ئاڭلىغان ئېدىم دەيدۇ:
«ئاللاھ تائالا كىمگە ياخشىلىقنى ئىرادە قىلسا ئۇ كىشىنى دىنى ئەھكاملارنى چۈشىنىدىغان قىلىدۇ، ھەقىقەتەن مەن تەقسىم قىلغۇچى، ئاللاھ ئاتا قىلغۇچى، مۇشۇ ئۈممەت ئاللاھنىڭ بۇيرىقىنى بەرپا قىلغان مۇددەتچە ئۇلارغا قارشى تۇرغۇچىلار، ئۇلارغا زىيان يەتكۈزەلمەيدۇ، ھەتتا ئاللاھنىڭ بۇيرۇقى كەلگەنگە قەدەر شۇنداق بولىدۇ».
[سەھىھ(بەش شەرت تولۇق بولغادا ھەدىس سەھىھ بولىدۇ)] - [ھەدىسنى بۇخارى ۋە مۇسلىم بىردەك قوبۇل قىلغان] - [سەھى بۇخارى - 71]

شەرھىسى

پەيغەمبەرئەلەيھىسسالام دەيدۇ: ئاللاھ تائالا بىر كىشىگە ياخشىلىق ئىرادە قىلسا، ئۇ كىشىگە دىننى چۈشىنىدىغان بىر ئىدراك ئاتا قىلىدۇ، پەيغەمبەرئەلەيھىسسالام ئاللاھ تائالا ئاتا قىلغان رىزىق، ئىلىم ۋە باشقا نەرسىلەرنى ئۈلەشتۈرۈپ ۋە تەقسىم قىلىپ بەرگۈچىدۇر. ھەقىقەتتە ئاتا قىلغۇچى ئاللاھدۇر. ئەمما ئۇنىڭ غەيرىدىكى ئىشلار بولسا سەۋەپ-چارە بولۇپ، ئۇمۇ پەقەت ئاللاھنىڭ ئىزنى بىلەن مەنپەئەت قىلىدۇ. مۇشۇ ئۈممەت ئاللاھنىڭ بۇيرىقىنى ئادا قىلىشنى داۋام قىلىدىكەن تاكى قىيامەتكە قەدەر ئۇلارغا قارشى تۇرغۇچىلار ئۇلارغا زىيان يەتكۈزەلمەيدۇ.