Ҳадис: Киши бир биродарини яхши кўрса, унга яхши кўришини билдириб қўйсин», дедилар

عن المِقدام بن معدي كرب رضي الله عنه عن النبي صلى الله عليه وسلم قال:
«إِذَا أَحَبَّ الرَّجُلُ أَخَاهُ فَلْيُخْبِرْهُ أَنَّهُ يُحِبُّهُ».
[صحيح] - [رواه أبو داود والترمذي والنسائي في الكبرى وأحمد] - [سنن أبي داود: 5124]

Миқдом ибн Маъдий Кариб разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:
«Киши бир биродарини яхши кўрса, унга яхши кўришини билдириб қўйсин», дедилар».
[Саҳиҳ] - [Абу Довуд, Термизий, Насоий «Сунани Кубро» ва Аҳмад ривояти] - [Сунани Абу Довуд - 5124]

Изоҳ

Расулуллоҳ соллаллоҳу алайҳи ва саллам ушбу ҳадиси шарифда мўминларнинг бир-бирларига бўлган алоқаларини кучайтирадиган ва улар орасида муҳаббатни ёядиган сабаблардан бирини баён қилмоқдалар. Шунга кўра, бир киши биродарини яхши кўрса, унга яхши кўришини билдириб қўйиши керак.

Ҳадиснинг фойдалари

1. Дунёвий манфаатни кўзламасдан, холис Аллоҳ учун яхши кўришнинг фазилати.
2. Ораларидаги муҳаббат ва дўстлик кучайиши учун биродарига уни Аллоҳ учун яхши кўришини хабар бериш мустаҳаб амалдир.
3. Мўминлар орасида меҳр-муҳаббатнинг ёйилиши Аллоҳ йўлидаги биродарликни кучайтиради ҳамда жамиятни парокандалик ва бўлинишдан сақлайди.