ஹதீஸ்: சுவனம் உங்களொருவரின் செருப்பு நாரை விட மிக நெருக்கமானதாகும், நரகமும் அதே போன்றுதான்.
عن ابن مسعود رضي الله عنه قال: قال النبي صلى الله عليه وسلم : «الجنة أقرب إلى أحدكُم من شِرَاكِ نَعْلِه، والنار مِثلُ ذلك».
[صحيح] - [رواه البخاري]
المزيــد ...
நபி (ஸல்)அவர்கள் கூறியதாக இப்னு மஸ்ஊத் (ரலி) கூறுகின்றார்கள் : "சுவனம் உங்களொருவரின் செருப்பு நாரை விட மிக நெருக்கமானதாகும், நரகமும் அதே போன்றுதான்".
[ஸஹீஹானது-சரியானது] - [இதனை புஹாரி பதிவு செய்திருக்கிறார்]
ஒரு மனிதனுக்கு தனது செருப்பு நார் எவ்வளவு சமீபமாக உள்ளதோ அதேபோன்று சுவனமும் நரகமும் அவனுக்கு சமீபமாக உள்ளதாக நபியவர்கள் எமக்கு அறியத் தருகின்றார்கள். அது மனிதனுக்கு மிக நெருக்கமாகவே உள்ளது. ஏனெனில் அவன் சிலவேளை அல்லாஹ்வைத் திருப்திப்படுத்தும் ஒரு வணக்கத்தைச் செய்வான், அது இவ்வளவு தூரம் வந்து சேரும் என நினைக்க மாட்டான். ஆனால் அது அவனை சுவனத்தில் நுழைவித்து விடுகின்றது. சிலவேளை தான் அலட்டிக் கொள்ளாத ஒரு பாவத்தைச் செய்திருப்பான், அது அல்லாஹ்வின் கோபத்திற்குக் காரணமாகி அவனை நரகில் அவன் அறியாமலே பல வருடங்கள் தள்ளிவிடுகின்றது.
ஹதீஸிலிருந்து பெறப்பட்ட சில பயன்கள்
- நன்மை சுவனத்திற்கு இட்டுச் செல்லும், பாவங்கள் நரகிற்கு இட்டுச் செல்லும்.
- எண்ணம் முறையாக இருந்து, நற்செயல்களும் செய்தால் சுவனத்தை அடைவது இலகுவான காரியமாகும்.
- நன்மையும் பாவமும் சிலவேளை மிக அற்பமான விடயத்திலும் இருக்கலாம். எனவே சிறிய நன்மையாக இருந்தாலும் அதனைச் செய்வதிலும், சிறிய பாவமாக இருந்தாலும் அதனைத் தவிர்ந்து கொள்வதிலும் அலட்சியமாக இருந்துவிடக் கூடாது.
- நன்மை குறைவாக இருந்தாலும் அதனைச் செய்வதில் ஆர்வமூட்டல், பாவம் சிறியதாக இருந்தாலும் அதனை விட்டும் எச்சரித்தல்.
- கேட்பவர் விரைவாக விளங்குவதற்காக உதாரணங்கள் கூறி தெளிவுபடுத்தல்.
பிரிவுகள்
மேலதிக விபரங்களுக்கு
- ஹதீஸ்: வணக்கத்திற்குரியவன் அல்லாஹ்வைத் தவிர வேறெவருமில்லை' என்றும் 'முஹம்மது அல்லாஹ்வின் அடியாரும் அவனுடைய தூதரும் ஆவார்' என்றும் 'ஈஸா(அலை) அவர்கள் அல்லாஹ்வின் அடியாரும அவனுடைய தூதரும் ஆவார்' என்றும், 'அல்லாஹ் மர்யமை நோக்கிச் சொன்ன ('ஆகுக!' என்னும்) ஒரு வார்ததை(யால் பிறந்தவர்)' என்றும், 'அவனிடமிருந்து (ஊதப்பட்ட) ஓர் உயிர்' என்றும், சொர்க்கம், நரகம் (இருப்பது) உண்மை தான்' என்றும், (சொல்லால் உரைத்து, உள்ளத்தால் நம்பி) உறுதிமொழி கூறுகிறவரை அல்லாஹ் அவரின் செயல்களுக்கேற்ப சொர்க்கத்தில் புகுத்துவான்'
- ஹதீஸ்: அல்லாஹ்விற்கு இணைவைக்காத நிலையில் அவனை சந்திப்பவர் சுவனம் நுழைவார். அவனுக்கு இணைவைத்த நிலையில் சந்தித்தவர் நரகில் நுழைவார்.
- ஹதீஸ்: தன் இரண்டு தாடைகளுக்கிடையே உள்ள (நா)வையும், தன் இரு கால்களுக்கிடையே உள்ள மறைவுறுப்பையும் (பாவத்திலிருந்து பாதுகாப்பதாக) எவர் பொறுப்பேற்கிறாரோ அவருக்கு சொர்க்கம் கிடைக்க நான் பொறுப்பு ஏற்கிறேன்.
- ஹதீஸ்: ஐவேளை தொழுகை, ஒரு ஜும்ஆவிலிருந்து மறு ஜும்ஆ வரை, ஒரு ரமழான் முதல் அடுத்த ரமழான் வரை பெரும் பாவங்களைத் தவிர்ந்து கொள்ளும் பட்சத்தில் அவற்றுக்கிடையிலுள்ள சிறுபாவங்களுக்கு குற்றப்பரிகாரமாக அமைந்து விடுகிறது.
- ஹதீஸ்: நரகம் ஆசா பாசங்களைக் கொண்டு திரையிடப்பட்டுள்ளது,சுவர்க்கம் விருப்பமற்ற விடயங்களைக் கொண்டு திரையிடப்பட்டுள்ளது.
- ஹதீஸ்: மனிதர்கள் சிலர் அல்லாஹ்வின் செல்வத்தை நியாயமாகப் பங்கிடாமல் (அநியாயமாகப் பங்கீடு செய்து) கையாள்கிறார்கள். அவர்களுக்கு மறுமை நாளில் நரகமே உரியதாகும்.
- ஹதீஸ்: 'இறந்தோரை ஏசாதீர்கள்! ஏனெனில் அவர்கள் தாம் முற்படுத்தியவைகளின் பால் சென்று சேர்ந்துவிட்டார்கள்''.