ഹദീസ്: ആ ജനത; അവരിൽ ഏതെങ്കിലും സച്ചരിതനായ ഒരു ദാസൻ - അല്ലെങ്കിൽ ഒരു സച്ചരിതനായ വ്യക്തി - മരണപ്പെട്ടാൽ അദ്ദേഹത്തിൻ്റെ ഖബറിന് മേൽ അവർ കെട്ടിടം പണിയുകയും, അവിടെ അത്തരം രൂപങ്ങൾ നിർമ്മിക്കുകയും ചെയ്യും. സൃഷ്ടികളിൽ അല്ലാഹുവിങ്കൽ ഏറ്റവും മോശക്കാർ അക്കൂട്ടരാണ്.
عن عائشة - رضي الله عنها-، أن أمَّ سَلَمَة، ذَكَرَت لرسول الله صلى الله عليه وسلم كَنِيسة رأتْهَا بأرض الحَبَشَةِ يُقال لها مَارِيَة، فذَكَرت له ما رأَت فيها من الصُّور، فقال رسول الله صلى الله عليه وسلم : «أولئِكِ قوم إذا مات فيهم العَبد الصالح، أو الرُّجل الصَّالح، بَنُوا على قَبره مسجدا، وصَوَّرُوا فيه تلك الصِّور، أولئِكِ شِرَار الخَلْق عند الله».
[صحيح] - [متفق عليه]
المزيــد ...
ആഇശ -رَضِيَ اللَّهُ عَنْهَا- നിവേദനം: ഉമ്മു സലമ -رَضِيَ اللَّهُ عَنْهَا- ഒരിക്കൽ അവർ അബ്സീനിയയിൽ കണ്ട ഒരു ക്രൈസ്തവ പള്ളിയെ കുറിച്ച് നബി -ﷺ- യോട് പറഞ്ഞു. മാരിയഃ എന്നായിരുന്നു അതിൻ്റെ പേര്. അവിടെ കണ്ട രൂപനിർമ്മിതികളെ കുറിച്ചും അവർ നബി -ﷺ- യോട് പറഞ്ഞു. (അതെല്ലാം കേട്ടപ്പോൾ) അവിടുന്ന് പറഞ്ഞു: "ആ ജനത; അവരിൽ ഏതെങ്കിലും സച്ചരിതനായ ഒരു ദാസൻ - അല്ലെങ്കിൽ ഒരു സച്ചരിതനായ വ്യക്തി- മരണപ്പെട്ടാൽ അദ്ദേഹത്തിൻ്റെ ഖബറിന് മേൽ അവർ കെട്ടിടം പണിയുകയും, അവിടെ അത്തരം രൂപങ്ങൾ നിർമ്മിക്കുകയും ചെയ്യും. സൃഷ്ടികളിൽ അല്ലാഹുവിങ്കൽ ഏറ്റവും മോശക്കാർ അക്കൂട്ടരാണ്."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
ഉമ്മു സലമ -رَضِيَ اللَّهُ عَنْهَا- നബി -ﷺ- യോട് അബ്സീനിയയിൽ കണ്ട ഒരു ക്രൈസ്തവപള്ളിയെ കുറിച്ച് വിവരിച്ചു നൽകിയ സംഭവമാണ് ആഇശ -رَضِيَ اللَّهُ عَنْهَا- ഈ ഹദീഥിൽ വിവരിക്കുന്നത്. അവിടെ കണ്ട മനോഹരമായ അലങ്കാരപ്പണികളും രൂപനിർമ്മിതികളും അത്ഭുതത്തോടു കൂടി അവർ നബി -ﷺ- യോട് പറഞ്ഞു കൊടുത്തു. എന്നാൽ ഈ കാര്യത്തിൻ്റെ ഗൗരവവും, തൗഹീദിൻ്റെ വിഷയത്തിൽ അത് സൃഷ്ടിക്കുന്ന അപകടവും മനസ്സിലാക്കിയ നബി -ﷺ- അത്തരം രൂപനിർമ്മിതികളുടെ പിന്നിലെ കാരണം വിശദീകരിച്ചു നൽകുന്നു. അവർ ചെയ്തതു പോലെ തൻ്റെ ജനതയും ചെയ്യാതിരിക്കാൻ വേണ്ടിയുള്ള താക്കീതാണ് നബി -ﷺ- യുടെ വാക്കുകളിൽ കാണുന്നത്. അവിടുന്ന് പറഞ്ഞു: "നിങ്ങൾ ഇപ്പോൾ പറഞ്ഞ ഈ കൂട്ടർ; അവരിൽ ഏതെങ്കിലും ഒരു സച്ചരിതനായ മനുഷ്യൻ മരണപ്പെട്ടാൽ അവരുടെ ഖബറിൻ്റെ മേൽ കെട്ടിടം പണിയുകയും, അവിടെ ആരാധനകൾ നിർവ്വഹിക്കുകയും ചെയ്യും. നിങ്ങൾ പറഞ്ഞതു പോലുള്ള രൂപങ്ങൾ അവർ അവിടെ നിർമ്മിക്കുകയും ചെയ്യും. അപ്രകാരം ചെയ്യുന്നവനാണ് അല്ലാഹുവിൻ്റെ അടുക്കൽ സൃഷ്ടികളിൽ ഏറ്റവും മോശക്കാർ എന്ന് നബി -ﷺ- വിശദീകരിക്കുന്നു. കാരണം അവരുടെ ഈ പ്രവൃത്തി അല്ലാഹുവിൽ പങ്കുചേർക്കുക എന്ന ഏറ്റവും ഗുരുതരമായ തിന്മയിലേക്കാണ് ജനങ്ങളെ നയിക്കുക.
ഹദീഥിൻ്റെ പാഠങ്ങളിൽ നിന്ന്
- * ഖബറുകൾക്ക് മേൽ പള്ളികൾ നിർമ്മിക്കുന്നത് ഹറാം (നിഷിദ്ധം) ആകുന്നു. പല്ലികൾക്കുള്ളിൽ മരിച്ചവരെ മറവു ചെയ്യുന്നതും അതു പോലെ തന്നെ. ശിർകിൻ്റെ വഴികൾ കൊട്ടിയടക്കുന്നതിനും, വിഗ്രഹാരാധകരോട് സാദൃശ്യപ്പെടാതിരിക്കുന്നതിനും വേണ്ടിയാകുന്നു ഈ കൽപ്പന.
- * ഖബറുകൾക്ക് മേൽ പള്ളികൾ പടുത്തുയർത്തുന്നതും, പള്ളികളിൽ രൂപങ്ങൾ നിർമ്മിക്കുന്നതും യഹൂദ നസ്വാറാക്കളുടെ പ്രവൃത്തിയിൽ പെട്ടതാണ്. ആരെങ്കിലും ഈ പ്രവൃത്തി ചെയ്താൽ അവൻ അവരോടാണ് സദൃശ്യനായിരിക്കുന്നത്. അവർക്ക് അർഹതപ്പെട്ട ശിക്ഷക്ക് അവനും അർഹനാണ്.
- * ഖബറുകൾക്ക് അരികിൽ വെച്ചുള്ള നമസ്കാരം ശിർക്കിലേക്ക് നയിക്കുന്ന കാര്യമാണ്. ഖബറുകൾ മസ്ജിദിൻ്റെ ഉള്ളിലായാലും പുറത്തായാലും ഈ നിയമം ഒരു പോലെ ബാധകമാണ്.
- * ആത്മാവുള്ളവയുടെ രൂപങ്ങൾ നിർമ്മിക്കുന്നത് ഹറാം (നിഷിദ്ധം) ആകുന്നു.
- * ആരെങ്കിലും ഖബറിൻ്റെ മേൽ മസ്ജിദ് നിർമ്മിക്കുകയും, അവിടെ ചിത്രരൂപങ്ങൾ നിർമ്മിക്കുകയും ചെയ്താൽ അവൻ അല്ലാഹുവിൻ്റെ സൃഷ്ടികളിൽ ഏറ്റവും മോശപ്പെട്ടവനാണ്.
- * ശരീഅത്ത് തൗഹീദിൻറെ ഭാഗം പരിപൂർണ്ണമായി സംരക്ഷിച്ചു; ശിർക്കിലേക്ക് നയിക്കുന്ന എല്ലാ മാർഗങ്ങളെയും അത് കൊട്ടിയടച്ചു.
- * ഖബറുകൾക്ക് മേൽ പണിതുയർത്തിയ പള്ളികളിൽ വെച്ചുള്ള നമസ്കാരം ശരിയാവുകയില്ല. കാരണം നബി -ﷺ- അപ്രകാരം ചെയ്യുന്നത് വിലക്കുകയും, അങ്ങനെ ചെയ്യുന്നവരെ ശപിക്കുകയും ചെയ്തിരിക്കുന്നു. ഈ രൂപത്തിലുള്ള വിലക്ക് നമസ്കാരം നിഷ്ഫലമാകുമെന്ന സൂചനയാണ് നൽകുന്നത്.
- * തൻ്റെ ജനതയെ നേർമാർഗത്തിലേക്ക് നയിക്കുന്നതിന് വേണ്ടി നബി -ﷺ- നടത്തിയ കടുത്ത പരിശ്രമം. കാരണം മരണക്കിടക്കയിൽ ആയിരിക്കുന്ന വേളയിലാണ് നബി -ﷺ- യഹൂദ നസ്വാറാക്കൾ തങ്ങളുടെ നബിമാരോട് ചെയ്ത പ്രവൃത്തി നിങ്ങൾ ചെയ്യരുതെന്ന് തൻ്റെ ഉമ്മത്തിനോട് വിലക്കുന്നത്.
വിഭാഗങ്ങൾ
- വിശ്വാസം . അല്ലാഹുവിലുള്ള വിശ്വാസം . ആരാധ്യതയിലുള്ള ഏകത്വം
- വിശ്വാസം . അല്ലാഹുവിലുള്ള വിശ്വാസം . ആരാധ്യതയിലുള്ള ഏകത്വം
- കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും . ആരാധനയുടെ കർമ്മശാസ്ത്രം . സ്വലാത് (നിസ്കാരം) . മസ്ജിദുകളുമായി ബന്ധപ്പെട്ട വിധിവിലക്കുകൾ
- കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും . ആരാധനയുടെ കർമ്മശാസ്ത്രം . സ്വലാത് (നിസ്കാരം) . മസ്ജിദുകളുമായി ബന്ധപ്പെട്ട വിധിവിലക്കുകൾ
കൂടുതൽ
- ഹദീസ്: "യഹൂദ നസ്വാറാക്കൾക്ക് മേൽ അല്ലാഹുവിൻ്റെ ശാപമുണ്ടാകട്ടെ! അവരുടെ നബിമാരുടെ ഖബറുകളെ അവർ മസ്ജിദുകളാക്കി." നബി -ﷺ- അവരുടെ പ്രവർത്തിയിൽ നിന്ന് താക്കീത് നൽകുകയായിരുന്നു. അതല്ലായിരുന്നെങ്കിൽ നബി -ﷺ- യുടെ ഖബർ (ജനങ്ങൾക്ക് കാണാവുന്ന രൂപത്തിൽ) വെളിവാക്കപ്പെടുമായിരുന്നു. എന്നാൽ അവിടുത്തെ ഖബ്ർ മസ്ജിദാക്കപ്പെടുമെന്ന് ഭയപ്പെട്ടു.
- ഹദീസ്: എന്നില് പങ്കുചേര്ക്കുന്നവരുടെ പങ്കുചേര്ക്കലുകളില് നിന്നെല്ലാം ഞാന് മുക്തനാണ്. അതിനാല് ആരെങ്കിലും വല്ല പ്രവൃത്തിയിലും എന്നോടൊപ്പം മറ്റാരെയെങ്കിലും പങ്കുചേര്ത്താല് അവനെയും അവന് പങ്കുചേര്ത്തതിനെയും ഞാന് ഉപേക്ഷിക്കും
- ഹദീസ്: "നിങ്ങളിൽ നിന്നും എനിക്ക് ഒരു കൂട്ടുകാരൻ (ഖലീൽ) ഉണ്ടാകുന്നതിൽ നിന്ന് ഞാൻ അള്ളാഹുവിൽ അഭയം തേടുകയാണു, കാരണം അള്ളാഹു എന്നെ കൂട്ടുകാരനായി സ്വീകരിച്ചിരിക്കുന്നു, അള്ളാഹു. ഇബ്രാഹീമിനെ. കൂട്ടുകാരനായി സ്വീകരിച്ചത് പോലെ; എന്റെ ഉമ്മത്തിൽ നിന്നും വല്ലവരെയും ഞാൻ കൂട്ടുകാരനാക്കുമായിരുന്നെങ്കിൽ ഞാൻ അബൂബക്കറിനെ കൂട്ടുകാരനായി സ്വീകരിക്കുമായിരുന്നു."
- ഹദീസ്: നസ്വാറാക്കൾ മർയമിൻ്റെ മകനെ അമിതമായി പുകഴ്ത്തിയതു പോലെ നിങ്ങൾ എന്നെ അമിതമായി പുകഴ്ത്തരുത്. ഞാൻ അല്ലാഹുവിൻ്റെ അടിമ മാത്രമാണ്. അതിനാൽ അല്ലാഹുവിൻ്റെ അടിമയും അവൻ്റെ ദൂതനുമാണ് എന്ന് പറഞ്ഞു കൊള്ളുക.
- ഹദീസ്: "ആരാണ് അങ്ങയുടെ ശുപാർശ കൊണ്ട് ഏറ്റവും ഭാഗ്യം ലഭിച്ചവർ." നബി -ﷺ- പറഞ്ഞു: "തൻ്റെ ഹൃദയത്തിൽ നിന്ന് നിഷ്കളങ്കമായി ലാ ഇലാഹ ഇല്ലല്ലാഹ് (അല്ലാഹുവല്ലാതെ ആരാധനക്ക് അർഹനായി മറ്റാരുമില്ല) എന്ന് പറഞ്ഞവനാണ്."
- ഹദീസ്: അല്ലാഹുവല്ലാതെ ആരാധനക്ക് അർഹനായി മറ്റാരുമില്ലെന്നും (ലാ ഇലാഹ ഇല്ലല്ലാഹ്), (ആരാധിക്കപ്പെടാനുള്ള അർഹത) അവന് മാത്രമേയുള്ളുവെന്നും, അതിൽ അവന് ഒരു പങ്കാളിയും ഇല്ലെന്നും, മുഹമ്മദ് നബി -ﷺ- അല്ലാഹുവിൻ്റെ അടിമയും അവൻ്റെ ദൂതനുമാണെന്നും (മുഹമ്മദുൻ അബ്ദുഹു വ റസൂലുഹു), ഈസ -عَلَيْهِ السَّلَامُ- അല്ലാഹുവിൻ്റെ അടിമയും അവൻ്റെ ദൂതനും, മർയമിലേക്ക് ഇട്ടുനൽകിയ അല്ലാഹുവിൻ്റെ വചനവും, അവൻ്റെ പക്കൽ നിന്നുള്ള ആത്മാവുമാണെന്നും, സ്വർഗം സത്യമാണെന്നും, നരകം സത്യമാണെന്നും ഒരാൾ സാക്ഷ്യം വഹിച്ചാൽ - അവൻ്റെ പ്രവർത്തനത്തിൻ്റെ അടിസ്ഥാനത്തിൽ - അല്ലാഹു അവനെ സ്വർഗത്തിൽ പ്രവേശിപ്പിക്കുന്നതാണ്.
- ഹദീസ്: "ആരെങ്കിലും അല്ലാഹുവിനു പുറമെ മറ്റു വല്ല സമന്മാരെയും വിളിച്ചുതേടുന്നവനായിക്കൊണ്ട് മരിച്ചാൽ അവൻ നരകത്തിൽ പ്രവേശിക്കുന്നതാണ്."