ஹதீஸ்: இறைவா எனது சமாதியை வணங்கப்படும் சிலையாக ஆக்கி விடாதே, தமது நபிமார்களின் சமாதிகளை பள்ளிகளாக ஆக்கிக் கொண்ட ஒரு கூட்டத்தின் மீது அல்லாஹ்வின் கோபம் கடுமையாகி விட்டது.
عن عطاء بن يسار وأبي هريرة رضي الله عنه مرفوعاً: "اللهم لا تجعل قبري وثنا يُعبد، اشتد غضب الله على قوم اتخذوا قبور أنبيائهم مساجد".
[صحيحان] - [حديث عطاء بن يسار: رواه مالك.
حديث أبي هريرة رضي الله عنه: رواه أحمد]
المزيــد ...
நபி (ஸல்) அவர்கள் கூறியதாக அபூ ஹுரைர (ரலி), அதாஃ பின் யஸார் (ரலி) ஆகியோர் கூறினார்கள் : "இறைவா எனது சமாதியை வணங்கப்படும் சிலையாக ஆக்கி விடாதே, தமது நபிமார்களின் சமாதிகளை பள்ளிகளாக ஆக்கிக் கொண்ட ஒரு கூட்டத்தின் மீது அல்லாஹ்வின் கோபம் கடுமையாகி விட்டது".
[ஸஹீஹானது-சரியானது] - [இதனைஅஹ்மத் பதிவு செய்திருக்கிறார் - இதனை மாலிக் பதிவு செய்துள்ளார்]
யூத, கிறிஸ்தவர்கள் தமது நபிமார்களின் சமாதிகள் விடயத்தில் அவை சிலைகளாக மாறுமளவிற்கு அளவு கடந்து சென்ற நிலை தனது சமாதி விடயத்தில் தனது சமூகத்திற்கும் ஏற்பட்டுவிடக் கூடாது என நபியவர்கள் அஞ்சினார்கள். தனது சமாதியை அவ்வாறு ஆக்கிவிடக் கூடாதென இறவனிடம் வேண்டினார்கள். பின் யூத, கிறிஸ்தவர்களுக்கு அல்லாஹ்வின் கோபம் ஏற்படக் காரணமாக இருந்ததை விழிப்பூட்டினார்கள். நபிமார்களின் சமாதிகளை வணங்கப்படும் சிலைகளாக மாற்றியதால், ஓரிறைக் கொள்கைக்கு முரணான இணைவைப்பில் வீழ்ந்ததே அதற்குக் காரணமாகும்.
ஹதீஸிலிருந்து பெறப்பட்ட சில பயன்கள்
- நபிமார்களின் சமாதிகள் விடயத்தில் அளவு கடந்து செல்வது வணங்கப்படும் சிலைகளாக அவற்றை ஆக்கிவிடும்.
- சமாதிகளை மஸ்ஜிதுகளாக எடுப்பதும் அவற்றில் அளவு கடந்து செல்வதில் அடங்கும், மேலும் அது இணைவைப்பிற்கு இட்டுச் செல்லும்.
- அல்லாஹ் தனது தகுதிக்கும் வல்லமைக்கும் ஏற்றவாரு கோபப்படுவான் என்பதால் அவனுக்கு கோபம் எனும் பண்பு உள்ளதை உறுதிப்படுத்தல் வேண்டும்.
- மகிமைப் படுத்துவதற்காக சமாதிகளை நாடிச் செல்வது அவற்றை வணங்குவதாகும். அதிலிருப்பவர் எந்தளவு அல்லாஹ்வுக்கு நெருக்கமானவராக இருந்தாலும் அச்செயல் இணைவைப்பாகும்.
- சமாதிகள் மீது பள்ளிகள் கட்டுவது ஹராமாகும்.
- பள்ளியாகக் கட்டப்படாவிட்டாலும் சமாதிகளிலே தொழுவது ஹராமாகும்.
பிரிவுகள்
மேலதிக விபரங்களுக்கு
- ஹதீஸ்: அல்லாஹ் அல்லாதவர் மீது சத்தியம் செய்தவர் நிராகரித்து விட்டார், அல்லது இணைவைத்து விட்டார்.
- ஹதீஸ்: உங்களிடம் நான் மிக அதிகமாக அஞ்சுவது சிறிய இணைவைப்பாகும், அது ஏதுவென வினவப்பட்ட போது முகஸ்துதி எனக் கூறினார்கள்.
- ஹதீஸ்: "அல்லாஹ் ஹலாலாக்கியதை அவர்கள் ஹராமாக்க நீங்களும் ஹராமாக்கவில்லையா? அல்லாஹ் ஹராமாக்கியதை அவர்கள் ஹலாலாக்க நீங்களும் ஹலாலாக்கவில்லையா? எனக் கேட்க, நான் ஆம் என்றேன், "அதுதான் அவர்களை வணங்குவதாகும்" என்றார்கள்.
- ஹதீஸ்: சூனியத்தை எடுப்பது பற்றி நபி (ஸல்) அவர்களிடம் வினவப் பட்ட போது அது ஷைத்தானின் செயலாகும் எனக் கூறினார்கள்.
- ஹதீஸ்: யாருடைய தேவை நிறைவேறுவதிலிருந்து சகுனம் தடுக்கின்றதோ அவர் இணைவைத்து விட்டார், அதற்குரிய பரிகாரம் என்ன என வினவ, இறைவா நலவு உன்னிடமிருந்து மாத்திரம் தான், நல்ல சகுனமும் உன்னிடமிருந்து மாத்திரம் தான், உன்னைத் தவிர வேறு இறைவனில்லை என்று கூறட்டும்.
- ஹதீஸ்: அல்லாஹ்விற்கு இணைவைக்காத நிலையில் அவனை சந்திப்பவர் சுவனம் நுழைவார். அவனுக்கு இணைவைத்த நிலையில் சந்தித்தவர் நரகில் நுழைவார்.
- ஹதீஸ்: "மேலும் அவர்கள்: “உங்கள் தெய்வங்களை விட்டுவிடாதீர்கள்; இன்னும் வத்து, ஸுவாஉ, யகூஸு, யஊக், நஸ்ரு ஆகியவற்றை நிச்சயமாக நீங்கள் விட்டுவிடாதீர்கள்” என்றும் சொல்கின்றனர்." எனும் வசனத்தைப் பற்றி இப்னு அப்பாஸ் (ரலி) அவர்கள் : இவை நபி நூஹ் (அலை) அவர்களது சமூகத்தில் வாழ்ந்த நல்லடியார்களது பெயர்களாகும் என்றார்கள்.