නබි වදන: “කවරෙකු ඔහුගේ පෝෂණ සම්පත්හි ඔහුට විස්තීරණය කරනු ලැබීමත්, ඔහුගේ ආයු කාලයේ ඔහුට (අමතර කාලයක්) එකතු කරනු ලැබීමත් ප්‍රිය කරන්නේ ද, ඔහු ඔහුගේ ඥාතී සම්බන්ධකම් පවත්වා ගනිත්වා!”
«مَنْ أَحَبَّ أَنْ يُبْسَطَ لَهُ فِي رِزْقِهِ، وَيُنْسَأَ لَهُ فِي أَثَرِهِ، فَلْيَصِلْ رَحِمَهُ».
[صحيح] - [متفق عليه] - [صحيح البخاري: 5986]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව අනස් ඉබ්නු මාලික් (රළියල්ලාහු අන්හු) තුමා විසින් මෙසේ වාර්තා කරන ලදී:
“කවරෙකු ඔහුගේ පෝෂණ සම්පත්හි ඔහුට විස්තීරණය කරනු ලැබීමත්, ඔහුගේ ආයු කාලයේ ඔහුට (අමතර කාලයක්) එකතු කරනු ලැබීමත් ප්‍රිය කරන්නේ ද, ඔහු ඔහුගේ ඥාතී සම්බන්ධකම් පවත්වා ගනිත්වා!”
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත] - [صحيح البخاري - 5986] විවරණය
ඥාතීන් බැහැදැකීම, ශාරීරිකව හා මූල්‍යමය වශයෙන් ඔවුනට උපකාර කිරීම හා එවන් වෙනත් කටයුතු තුළින් ඥාතී සම්බන්ධකම් රැක ගැනීම සම්බන්ධයෙන්, නබි (සල්ලල්ලාහු අලයිහි වසල්ලම්) තුමාණන් උනන්දු කර ඇත. සැබැවින්ම එය පෝෂණ සම්පත් හි විස්තීරණභාවය හා දිගු ආයුෂ ලබන්නට හේතුවන්නේය.
හදීසයේ හරය
- ඥාතීන් යනු මව හා පිය පාර්ශවයෙන් වූ නෑදෑයෝ වෙති. ඔවුන් වඩාත් සමීපවන සෑම අවස්ථාවකම සම්බන්ධකම් රැකීම වඩාත් උචිත වන්නේය.
- ප්‍රතිඵල අදාළ ක්‍රියා වර්ගයෙන්ම පිහිටනු ඇත. ඒ අනුව කවරෙකු යහපත සලසමින් හා උපකාර කරමින් තම ඥාතී සම්බන්ධකම් රැක ගන්නේ ද අල්ලාහ් ද ඔහුගේ ආයුෂ හා ඔහුගේ පෝෂණ සම්පත් ඔහුට ළඟා කර දෙනු ඇත.
- ඥාතී සම්බන්ධකම් රැකීම, පෝෂණ සම්පත්හි අභිවෘද්ධියට හා සමෘධියට හේතුවක් වන අතරම ආයුෂ දිගු වීමට ද හේතුවක් වන්නේය. ආයු කාලය හා පෝෂණ සම්පත් සීමිත වුව ද එම ආයු කාලයේ හා පෝෂණ සම්පත්වල අභිවෘධිය පිහිටනු ඇත. ඔහුගේ ආයු කාලය තුළ අනෙකුත් අය සිදු කළ දෑට වඩා වැඩි හා ප්‍රයෝජනවත් දෑ ඔහු සිදු කරනු ඇත. පෝෂණ සම්පත් හා ආයු කාලයේ වැඩි වීම යනු එය යථාර්ථයෙන්ම වැඩි වීමක් වන බව පැවසේ. මැනවින් දන්නා අල්ලාහ් පමණය.
අමතර
- නබි වදන: නුඹලාගේ නිවෙස් මිනීවළවල් බවට පත් නොකරනු. මාගේ මිනීවළ උත්සව සමරන්නක් බවට පත් නොකරනු. මා වෙත සලවාත් (ආශිර්වාද) පවසනු. සැබැවින්ම නුඹලාගේ සලවාත් පැවසීම නුඹලා සිටින පරිදිම මා වෙත දැනුම් දෙනු ලැබේ.
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: සැබැවින්ම ජනයා කිසිදු යුක්තියකින් තොරව අල්ලාහ්ගේ සම්පත් අතර ගනුදෙනු කරති. එහෙයින් මළවුන් කෙරෙන් නැගිටුවනු ලබන දිනයේ අපා ගින්න ඔවුනට හිමිය.
- නබි වදන: සෑම යහපත් කටයුත්තක්ම දානයකි.
- නබි වදන: මියගිය ඇත්තන්හට දොස් නොකියනු. සැබැවින්ම ඔවුන් ඉදිරිපත් කළ දෑ වෙතට ශීඝ්රයෙන් ගිය අය වෙති.
- නබි වදන: මුස්ලිම්වරයකුට තම සහෝදරයාව රාත්රී තුනක් අතහැර දැමීම අනුමත වන්නේ නැත. ඔවුන් දෙදෙනා එකිනෙකා මුණ ගැසෙති. ඔහු හරහට පැමිණෙයි. මොහු ද හරහට පැමිණෙයි. ඔවුන් දෙදෙනාගෙන් ශ්රේෂ්ඨ වනුයේ සලාමය ගෙන ආරම්භ කරන තැනැත්තාය.
- නබි වදන: ඥාතී සම්බන්ධකම් බිඳ දමන්නා ස්වර්ගයට පිවිසෙන්නේ නැත.