హదీస్: “సర్వశక్తిమంతుడైన అల్లాహ్ ప్రకటన: “ఓ ఆదము కుమారుడా! (అల్లాహ్ మార్గములో) ఖర్చు చేయి, నీపై ఖర్చు చేయబడుతుంది (అంటే అల్లాహ్ నీపై ఖర్చు చేస్తాడు, ప్రసాదిస్తాడు అని అర్థము)

عن أبي هريرة رضي الله عنه أن رسول الله صلى الله عليه وسلم قال:

«قَالَ اللهُ: أَنْفِقْ يَا ابْنَ آدَمَ أُنْفِقْ عَلَيْكَ».
[صحيح] - [متفق عليه] - [صحيح البخاري: 5352]

అబూ హురైరహ్ రజియల్లాహు అన్హు ఉల్లేఖనం : “రసూలుల్లాహ్ సల్లల్లాహు అలైహి వసల్లం ఇలా పలికినారు:
“సర్వశక్తిమంతుడైన అల్లాహ్ ప్రకటన: “ఓ ఆదము కుమారుడా! (అల్లాహ్ మార్గములో) ఖర్చు చేయి, నీపై ఖర్చు చేయబడుతుంది (అంటే అల్లాహ్ నీపై ఖర్చు చేస్తాడు, ప్రసాదిస్తాడు అని అర్థము).
[దృఢమైనది] - [ముత్తఫిఖ్ అలైహి] - [صحيح البخاري - 5352]

వివరణ

ఈ హదీసులో ప్రవక్త సల్లల్లాహు అలైహి వసల్లం ఇలా తెలియజేస్తున్నారు: పరమ పవిత్రుడు, సర్వోన్నతుడు అయిన అల్లాహ్ ఇలా పలికాడు “ఓ ఆదము కుమారుడా! నీ ఖర్చుల నుండి, నీవు విధిగా చేయవలసిన మరియు వాంఛనీయమైన వాటి కొరకు (అల్లాహ్ మార్గములో) ఖర్చు చేయి. నీవు ఖర్చు చేసిన దానికి ప్రతిగా మరింత ప్రసాదిస్తాను, నిన్ను ఆశీర్వదిస్తాను మరియు (తీర్పు దినమున) నేను నీకు ప్రతిఫలాన్ని ఇస్తాను”.

من فوائد الحديث

1. ఇందులో అల్లాహ్ మార్గములో ఖర్చు చేయుటలోని ఔన్నత్యము గురించి హితబోధ ఉన్నది.
2. (అల్లాహ్ మార్గములో) దానధర్మాలలో ఖర్చు చేయుట అనేది - వ్యక్తి యొక్క జీవనోపాధిలో సమృద్ధిగా అల్లాహ్ యొక్క ఆశీర్వాదము, అందులో అనేక రెట్లు వృద్ధి మరియు దాసుడు చేసిన ఖర్చు కు ప్రతిగా అల్లాహ్ అతనికి మరింత ప్రసాదించుట – వీటన్నిటి సాధనకు ఒక కారకము అవుతుంది.
3. ఈ హదీసులో ప్రవక్త సల్లల్లాహు అలైహి వసల్లం అల్లాహ్ తరఫున అల్లాహ్ యొక్క వాక్కులను ఉచ్చరిస్తున్నారు. ఈ విధంగా ప్రవక్త సల్లల్లాహు అలైహి వసల్లం యొక్క ఏదైనా హదీసులో అల్లాహ్ జనులను సంబోధిస్తున్నట్లుగా ఉంటే అలాంటి హదీసును “హదీసుల్ ఖుద్సీ” అంటారు. ‘హదీసుల్ ఖుద్సీలోని’ పదములు మరియు అర్థము అల్లాహ్ తరఫు నుండి అయి ఉంటాయి. అయితే ‘హదీసుల్ ఖుద్సీలో’ పదములు మరియు అర్థము అల్లాహ్ తరఫు నుండి అయినప్పటికీ ఖుర్’ఆన్ మరియు హదీసుల్ ఖుద్సీ రెండూ సమానము కావు. ఖుర్’ఆన్ పఠనము అనేది ఒక ఆరాధన, ఖుర్’ఆన్ పఠించుట కొరకు ‘వుజూ’ చేయుట (నిర్ణీత శరీర భాగాలను ఇస్లామీయ పద్ధతిలో నీటితో శుభ్రపరుచుకొనుట), ఖుర్’ఆన్ లో అవిశ్వాసులకు చేయబడిన సవాళ్ళు, మరియు ఖుర్’ఆన్ స్వతహాగా ఒక అద్భుతం కావడం – ఈ విషయాలన్నీ ఖుర్’ఆన్ ను హదీసుల్ ఖుద్సీ నుండి వేరు పరుస్తాయి.