حدیث: خپل کورونه مو هدیرې مه جوړوئ، ځکه شیطان له هغه کوره تښتي
عن أبي هريرة رضي الله عنه : أن رسول الله صلى الله عليه وسلم قال: «لا تجعلوا بيوتكم مَقَابر، إنَّ الشيطان يَنْفِرُ من البيت الذي تُقْرَأُ فيه سورةُ البقرة».
[صحيح] - [رواه مسلم]
المزيــد ...
له ابو هریره - رضي الله عنه - څخه روایت دی چې رسول الله - صلی الله علیه وسلم - فرمایلي دي: « خپل کورونه مو هدیرې مه جوړوئ، ځکه شیطان له هغه کوره تښتي چې البقره سورت پکې لوستل کیږي».
صحيح - مسلم روايت کړی دی
ابو هریره - رضي الله عنه - خبر راکوي چې رسول الله - صلی الله علیه وسلم - منع فرمایلي دي لدې چې کورونه دي مقبرې وګرځول شي، یعنې د هدیرو په څېر شي چې اوسیدونکي یې لمونځونه او تلاوت نه کوي، او کورونه یې لدې امله په مقبرو سره ونومول چې لمونځونه پکې نه کیږي، ځکه چې په مقبره کې لمونځ کول نه صحیح کیږي، بیا پيغمبر - صلی الله علیه وسلم - خبر ورکړ چې شیطان له هغه کوره تښتي چې اوسیدونکي یې پکې د بقرې سورت لولي، ځکه چې د قرآن لوستلو له برکته او پکې د الهي حکمونو د پر ځای کولو له امله شیطان د هغوی له ګمراه کولو او دوکې ورکولو څخه مایوسه کیږي.
د حديث له ګټو څخه
- د سورت بقرې د فضیلت بیان.
- شیطان له هغه کوره تښتي چې البقرة سورت پکې لوستل کیږي، او نه ورنږدې کیږي.
- په مقبرو کې لمونځ کول نه صحیح کیږي.
- په کورونو کې زیات عبادت او نفلي لمونځونه کول مستحب دي.
ډلبندیانې
نور
- حدیث: چا چې په شپه کې د البقرې سورت دوه وروستي آیتونه ولوستل ورته بسنه کوي.
- حدیث: ?قَالَ اللهُ تَعَالَى: قَسَمْتُ الصَّلَاةَ بَيْنِي وَبَيْنَ عَبْدِي نِصْفَيْنِ، وَلِعَبْدِي مَا سَأَلَ
- حدیث: اې ابو المنذره، ته پوهېږې چې د الله په کتاب کې تاسره کوم آيت تر ټولو لوى دى؟» وايي: ما وويل: {اللهُ لا إِلَهَ إِلا هُوَ الْحَيُّ الْقَيُّومُ} [البقرة: 255]. (الله (چې دى) نشته هېڅ لايق د عبادت مګر هم دى دى، همېشه ژوندى دى، د ټولې نړۍ انتظام كوونكى دى)وایي: نو زه یې په سينه کې ووهلم او ويې ويل: په الله قسم، چې علم دې درته مبارک شي (علم دې درته اسان شي) اې ابو المنذره
- حدیث: أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا أَوَى إِلَى فِرَاشِهِ كُلَّ لَيْلَةٍ جَمَعَ كَفَّيْهِ، ثُمَّ نَفَثَ فِيهِمَا فَقَرَأَ فِيهِمَا: {قُلْ هُوَ اللهُ أَحَدٌ}، وَ{قُلْ أَعُوذُ بِرَبِّ الْفَلَقِ}، وَ{قُلْ أَعُوذُ بِرَبِّ النَّاسِ}