حدیث: چا چې د خپل مسلمان ورور څخه -د هغه په نه شتون کې- دفاع وکړه، الله به یې د قیامت په ورځ له مخ څخه اور وګرځوي.

عن أبي الدرداء رضي الله عنه عن النبي صلى الله عليه وسلم قال: «مَنْ رَدَّ عَنْ عِرْضِ أَخِيهِ رَدَّ اللَّهُ عَنْ وَجْهِهِ النَّارَ يَوْمَ الْقِيَامَةِ».
[صحيح] - [رواه الترمذي وأحمد]

له ابو الدرداء رضي الله عنه څخه روایت دی چې رسول الله - صلی الله علیه وسلم - وفرمایل: څوک چې د خپل ورور له عزت څخه دفاع وکړي، الله به یې د قیامت په ورځ له مخ څخه اور واړوي"
صحيح - ترمذی روایت کړی دی

تشریح

په حدیث کې د هغه چا فضیلت بیان شوی چې د خپل مسلمان ورور له ابرو او عزت څخه دفاع وکړي، که په مجلس کې له ناستو خلکو یې یو غیبت وکړي، نو پر تا فرض دي چې د خپل مسلمان ورور څخه دفاع وکړې، او غیبت کوونکی چپ کړې، او ناروا کار منع کړې، خو که چېرته دې پرېښود نو دا دې د مسلمان ورور ذلیلول بلل کیږي، هغه څه چې پر دې دلیل دی چې موخه ورڅخه د هغه په نه شتون کې دفاع ده د أسماء بنت یزید، حدیث دی چې له پیغمبر- صلی الله علیه وسلم -څخه روایت کوي چې فرمایلي یې دي: چا چې د مسلمان ورور غوښه په غیبت سره له خوړلو وساتله، نو په الله یې حق دی چې له اور څخه به یې ازادوي. أحمد روایت کړی دی او الباني صحیح ګڼلی.