ஹதீஸ்: அல்லாஹ் யாருக்கு நலவு நாடுகின்றானோ அவனை சோதிப்பான்.
عن أبي هريرة رضي الله عنه قال: قال رسول الله صلى الله عليه وسلم : «من يُرِدِ الله به خيرا يُصِبْ مِنه».
[صحيح] - [رواه البخاري]
المزيــد ...
நபி (ஸல்) அவர்கள் கூறியதாக அபூ ஹுரைரா (ரலி) கூறுகின்றார்கள் :"அல்லாஹ் யாருக்கு நலவு நாடுகின்றானோ அவனை சோதிப்பான்".
[ஸஹீஹானது-சரியானது] - [இதனை புஹாரி பதிவு செய்திருக்கிறார்]
அல்லாஹ் தன் அடியார்களுக்கு ஏதேனும் நலனைத் தர நாடினால் அவர்களின் பாவ காரியங்களின் குற்றப் பரிகாரத்துக்கும், அவர்களின் அந்தஸ்த்தின் உயர்வுக்கும் உரிய காரணமாக ஆகுவதற்காக அவர்களின் உயிர், செல்வம், பிள்ளைகள் விடயத்தில் அவர்களைச் சோதிப்பான். சோதனைகளின் முடிவை ஓர் அறிவாளி உன்னிப்பாக அவதானித்தால் ஈருலகிலும் அது அவனுக்கு நலவாகவே இருக்கும். அவனுக்கு சோதனைகள் வரும் போது அல்லாஹ்விடம் தன் தேவைகளை வெளிப்படுத்தி அவனிடம் அடிபணிந்து பிரார்த்தனை செய்து மன்றாடும் சந்தர்ப்பம் வாய்ப்பதே இவ்வுலகில் அவனுக்குக் கிடைக்கும் நலவாகும். மேலும் அதன் மூலம் அவனின் பாவங்கள் அழிக்கப்பட்டு அவனின் அந்தஸ்து உயர்த்தப்படுவதானது அவனுக்கு மறு உலகில் கிடைக்கும் நன்மையாக அமையும். எனவேதான் "பயம், பசி மேலும் பொருள்கள், உயிர்கள், கனிவர்க்கங்கள் ஆகியவைகளில் குறைவை எற்படுத்துவதைக் கொண்டு நிச்சயமாக நாம் உங்களைச் சோதிப்போம். அதனைச் சகித்துக் கொண்டிருப்பவர்களுக்கு நீங்கள் நற்செய்தி கூறுங்கள்."(2:151) என்று அல்லாஹ் கூறுகிறான்.மேலும் சோதனைகள் மனிதனுக்கு நல்லதாக அமையும் என ஹதீஸில் பொதுவாக குறிப்பிடப்பட்டுள்ள போதிலும், ஏற்படும் துன்பங்களையும்,துயரங்களையும் சகிப்புடனும் பொறுமையுடனும் ஏற்றுக் கொள்ள வேண்டுமென வேறு ஹதீஸ்களின் மூலம் நிபந்தனை இடப்பட்டுள்ளது. எனவே சில வேளை மனிதனுக்குப் பல சோதனைகள் ஏற்படுகின்றன. எனினும் அதன் போது அவன் பொறுமையாக இருக்கவில்லையெனில் அது அவனுக்கு நல்லதாக இருக்காது. மேலும் அது அவனுக்கு அல்லாஹ் நலனை நாடிய சோதனையாகவும் இருக்காது. ஏனெனில் காபிர்களை பல் வகையான துயரங்கள் பிடித்துக் கொண்ட போதிலும் அவர்கள் மரணிக்கும் வரையில் குப்ரில்-இறை நிராகரிப்பில்- இருந்து வருகின்றபடியால் அவர்களைப் பீடித்துள்ள துயரங்களைக் கொண்டு அல்லாஹ் நன்மையை நாட வில்லை என்பதில் ஐயமில்லை. எனவே "அல்லாஹ் யாருக்கு நலவு நாடுகின்றானோ அவனை சோதிப்பான்" என்பதன் கருத்தாவது அவன் தனக்கேற்பட்டுள்ள துன்பங்களைப் பொறுமையுடன் ஏற்றுக் கொள்ளும் பட்சத்தில் அது அவனுக்கு நல்லதாக அமையும் என்பதே.
ஹதீஸிலிருந்து பெறப்பட்ட சில பயன்கள்
- விசுவாசி தனது மார்க்கத்திலோ, பொருளாதாரத்திலோ பல விதமான சோதனைகளுக்கு உட்படுத்தப்படுவான்.
- இங்கு முஸ்லிமுக்குப் பாரிய நற்செய்தி உண்டு, ஏனெனில் எந்த முஸ்லிமும் நோவினைப்படாமல் இருப்பதில்லை.
- சிலவேளை தனது அடியானின் அந்தஸ்த்தை உயர்த்தி, தரத்தையும் உயர்த்தி, பாவத்திற்குப் பரிகாரமாக ஆக்குவதற்காக, சோதனை அல்லாஹ் தன் அடியானை நேசிப்பதற்கான அடையாளமாகக் கூட இருக்கலாம்.
மேலதிக விபரங்களுக்கு
- ஹதீஸ்: சோதனையின் பரப்புக்கேற்ப்பவே கூலியின் பரப்பும் இருக்கும். அல்லாஹ் ஒரு கூட்டத்தை நேசித்தால் அவர்களை சோதிப்பான், அதனைப் பொருந்திக் கொண்டவருக்குப் பொருத்தமுள்ளது, கோபித்தவருக்குக் கோபமுள்ளது.
- ஹதீஸ்: ஒரு நாள் நாங்கள் எல்லோரும் நபி (ஸல்) அவர்களுடன் உட்கார்ந்திருந்தோம். அப்போது எங்கள் முன் ஒருவர் வந்து நின்றார். அவருடைய ஆடைகள் மிகைத்த வெளுமையுடன் காணப்பட்டன. அவருடைய தலைமுடி மிகைத்த கருமை நிறத்துடன் காணப்பட்டது. பயணம் செய்ததற்கான அறிகுறிகள் எதுவும் அவரிடம் காணப்படவில்லை. எங்களில் யாருக்கும் அவரைத் தெரியாது.
- ஹதீஸ்: எனது அடியார்களே, மக்களுக்கு அநீதி இழைப்பதை எனக்கு நானே தடை செய்திருக்கின்றேன். (அதுபோலவே) அதை உங்களுக்கும் தடை செய்திருக்கின்றேன். எனவே நீங்கள் அநீதி இழைத்துக் கொள்ளாதீர். எனது அடியார்களே, நான் நேர்வழி காட்டியவர்களைத் தவிர, நீங்கள் அனைவரும் வழி தவறியவர்கள். எனவே, என்னிடம் நேர்வழிகாட்டக் கோருங்கள், நான் நேர்வழி காட்டுவேன்.
- ஹதீஸ்: நிச்சயமாக அல்லாஹ் அநியாக்காரனை தண்டிப்பதில் அவகாசம் வழங்குகிறான்.அவனை தண்டித்தால் அவனை விடவும் மாட்டான்