ჰადისი: უფრთხილდით ეჭვს. ჭეშმარიტად ეჭვით საუბარი ყველაზე მატყუარა სიტყვებია

عَنْ أَبِي هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ:
«إِيَّاكُمْ وَالظَّنَّ؛ فَإِنَّ الظَّنَّ أَكْذَبُ الْحَدِيثِ، وَلَا تَحَسَّسُوا، وَلَا تَجَسَّسُوا، وَلَا تَحَاسَدُوا، وَلَا تَدَابَرُوا، وَلَا تَبَاغَضُوا، وَكُونُوا عِبَادَ اللهِ إِخْوَانًا».
[صحيح] - [متفق عليه] - [صحيح البخاري: 6064]

გადმოცემულია აბუ ჰურაირასგან (ალლაჰი იყოს მისით კმაყოფილი), რომ მოციქულმა (ალლაჰის ლოცვა და მშვიდობა მას) თქვა:
«უფრთხილდით ეჭვს. ჭეშმარიტად ეჭვით საუბარი ყველაზე მატყუარა სიტყვებია, ერთმანეთის ნაკლი არ მოძებნოთ, ერთმანეთი არ დააბეზღოთ, ერთმანეთის არ შეგშურდეთ, ერთმანეთს ზურგი არ აქციოთ, ერთმანეთი არ შეიძულოთ, იყავით ალლაჰის მსახურნო, ძმები».
[სანდო (საჰიჰ)] - [შეთანხმებული] - [საჰიჰ ალ-ბუხარი - 6064]

განმარტება

შუამავალი (ალლაჰის ლოცვა და მშვიდობა მას) კრძალავს და აფრთხილებს ზოგიერთი რამისგან, რაც მუსლიმების დაყოფას და მათი ერთმანეთის მიმართ სიძულვილს გამოიწვევს. მათ შორისაა:
(ეჭვი) - ეს არის ბრალდება, რომელიც წარმოიქმნება გულში არგუმენტის გარეშე, და შუამავალმა განმარტა, რომ ის არის ყველაზე მატყუარა სიტყვა.
(ნაკლის გამოძებნა) - ეს არის ადამიანებში ნაკლოვანებების ძიება ნანახით ან გაგონილით.
(დაბეზღება) - ეს არის დაფარული საქმეების გამოძებნა, ხშირ შემთხვევაში ცუდ რაამებზე ხდება საუბარი.
(შური) - ეს არის სხვისი წყალობის მიმართ სიძულვილი.
(ზურგშექცევა) - ეს არის, როდესაც ადამიანები ერიდებიან ერთმანეთს ისე, რომ არ ესალმებიან და არ სტუმრობენ თავიანთ ძმებს-მუსლიმებს.
(ერთმანეთის სიძულვილი) - ეს არის სიძულვილი და ზიზღი, სხვებზე ზარალის მიყენება, უხეშობა და ცუდი შეხვედრა.
შემდეგ მან წარმოთქვა ყოვლისმომცველი შეგონება, რომელიც მოუწოდებს მუსლიმებს ურთიერთობების გაუმჯობესებისკენ: (მაშ, იყავით ალლაჰის მსახურნო ძმები). ძმობა არის მტკიცე კავშირი, რომლითაც იკვრება ადამიანებს შორის კავშირი და ჰმატებს მათ სიყვარულსა და ჰარმონიას ერთმანეთს შორის.