ਗੱਲ ਜਾਂ ਬਾਤਾਂ: ਜਿਸਨੇ ਕਿਸੇ 'ਮੁਆਹਦ' (ਉਹ ਗੈਰ-ਮੁਸਲਮਾਨ ਜਿਸ ਨਾਲ ਮੁਸਲਮਾਨਾਂ ਦਾ ਸ਼ਾਂਤੀ ਸਮਝੌਤਾ ਹੋਵੇ) ਦਾ ਕਤਲ ਕੀਤਾ, ਉਹ ਜੰਨਤ ਦੀ ਖੁਸ਼ਬੂ ਤੱਕ ਨਾ ਲੈ ਸਕੇਗਾ, ਜਦਕਿ ਜੰਨਤ ਦੀ ਖੁਸ਼ਬੂ ਚਾਲੀ ਸਾਲ ਦੀ ਦੂਰੀ ਤੱਕ ਮਹਿਸੂਸ ਹੋ ਜਾਂਦੀ ਹੈ।

عن عبد الله بن عمرو رضي الله عنهما عن النبي صلى الله عليه وسلم قال:
«مَنْ قَتَلَ مُعَاهَدًا ‌لَمْ ‌يَرَحْ ‌رَائِحَةَ الْجَنَّةِ، وَإِنَّ رِيحَهَا تُوجَدُ مِنْ مَسِيرَةِ أَرْبَعِينَ عَامًا».
[صحيح] - [رواه البخاري] - [صحيح البخاري: 3166]

ਅਬਦੁੱਲਾਹ ਇਬਨ ਅਮਰ (ਰਜ਼ੀਅੱਲਾਹੁ ਅਨਹੁਮਾ) ਤੋਂ ਰਿਵਾਇਤ ਹੈ ਕਿ ਅੱਲਾਹ ਦੇ ਨਬੀ ﷺ ਨੇ ਫਰਮਾਇਆ:
«ਜਿਸਨੇ ਕਿਸੇ 'ਮੁਆਹਦ' (ਉਹ ਗੈਰ-ਮੁਸਲਮਾਨ ਜਿਸ ਨਾਲ ਮੁਸਲਮਾਨਾਂ ਦਾ ਸ਼ਾਂਤੀ ਸਮਝੌਤਾ ਹੋਵੇ) ਦਾ ਕਤਲ ਕੀਤਾ, ਉਹ ਜੰਨਤ ਦੀ ਖੁਸ਼ਬੂ ਤੱਕ ਨਾ ਲੈ ਸਕੇਗਾ, ਜਦਕਿ ਜੰਨਤ ਦੀ ਖੁਸ਼ਬੂ ਚਾਲੀ ਸਾਲ ਦੀ ਦੂਰੀ ਤੱਕ ਮਹਿਸੂਸ ਹੋ ਜਾਂਦੀ ਹੈ।»
[صحيح] - [رواه البخاري] - [صحيح البخاري - 3166]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਉਸ ਵਿਅਕਤੀ ਨੂੰ ਸਖਤ ਚੇਤਾਵਨੀ ਦਿੰਦੇ ਹਨ ਕਿ ਜਿਸਨੇ ਕਿਸੇ ਮੁਆਹਦ (ਉਹ ਗੈਰ-ਮੁਸਲਮਾਨ ਵਿਅਕਤੀ ਜੋ ਸ਼ਾਂਤੀ ਤੇ ਸੁਰੱਖਿਆ ਦਾ ਹੁਕਮਨਾਮਾ ਲੈ ਕੇ ਇਸਲਾਮੀ ਦੇਸ਼ ਵਿੱਚ ਦਾਖਲ ਹੋਵੇ) ਨੂੰ ਕਤਲ ਕੀਤਾ, ਉਹ ਜੰਨਤ ਦੀ ਖੁਸ਼ਬੂ ਤੱਕ ਨਹੀਂ ਲੈ ਸਕੇਗਾ। ਜਦਕਿ ਉਸ ਦੀ ਖੁਸ਼ਬੂ ਚਾਲੀ ਸਾਲ ਦੀ ਦੂਰੀ ਤੋਂ ਮਹਿਸੂਸ ਹੋ ਜਾਂਦੀ ਹੈ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਮੁਆਹਦ, ਜ਼ਿੰਮੀ ਅਤੇ ਮੁਸਤਅਮਨ ਵਿਅਕਤੀ ਨੂੰ ਕਤਲ ਕਰਨਾ ਹਰਾਮ ਅਤੇ ਕਬੀਰਾ (ਵੱਡਾ) ਗੁਨਾਹ ਹੈ।
2. ਮੁਆਹਦ: ਮੁਸਲਮਾਨ ਦੇਸ਼ ਵਿੱਚ ਰਹਿਣ ਵਾਲੇ ਉਸ ਗੈਰ-ਮੁਸਲਮਾਨ ਨੂੰ ਕਹਿੰਦੇ ਹਨ, ਜਿਸ ਨਾਲ ਇਸ ਗੱਲ 'ਤੇ ਸਮਝੌਤਾ ਹੋਇਆ ਹੋਵੇ ਕਿ ਨਾ ਉਹ ਮੁਸਲਮਾਨਾਂ ਨਾਲ ਜੰਗ ਕਰੇਗਾ ਅਤੇ ਨਾ ਹੀ ਮੁਸਲਮਾਨ ਉਸ ਨਾਲ ਜੰਗ ਕਰਨਗੇ। ਜ਼ਿੰਮੀ: ਉਸ ਗੈਰ-ਮੁਸਲਮਾਨ ਨੂੰ ਕਹਿੰਦੇ ਹਨ ਜੋ ਜਜ਼ੀਆ (ਸੁਰੱਖਿਆ ਕਰ/ਟੈਕਸ) ਦੇ ਕੇ ਕਿਸੇ ਮੁਸਲਮਾਨ ਦੇਸ਼ ਵਿੱਚ ਰਹਿੰਦਾ ਹੋਵੇ। ਮੁਸਤਅਮਨ: ਉਸ ਗੈਰ-ਮੁਸਲਮਾਨ ਨੂੰ ਕਹਿੰਦੇ ਹਨ ਜੋ ਇੱਕ ਨਿਰਧਾਰਤ ਸਮੇਂ ਲਈ ਕਿਸੇ ਅਮਨ-ਸ਼ਾਂਤੀ ਦੇ ਸਮਝੌਤੇ ਤੇ ਸੰਧੀ ਦੇ ਅਧਾਰ 'ਤੇ ਕਿਸੇ ਮੁਸਲਮਾਨ ਦੇਸ਼ ਵਿੱਚ ਦਾਖਲ ਹੋਵੇ।
3. ਇਸ ਹਦੀਸ ਵਿੱਚ ਗੈਰ-ਮੁਸਲਮਾਨਾਂ ਨਾਲ ਕੀਤੇ ਗਏ ਵਾਅਦੇ ਨੂੰ ਤੋੜਨ ਤੋਂ ਖ਼ਬਰਦਾਰ ਕੀਤਾ ਗਿਆ ਹੈ।