ਗੱਲ ਜਾਂ ਬਾਤਾਂ: ਅੱਲਾਹ ਦੇ ਨਬੀ ﷺ ਜਦੋਂ ਪਖਾਨੇ (ਬਾਥਰੂਮ) ਵਿੱਚ ਦਾਖਲ ਹੁੰਦੇ, ਤਾਂ ਇਹ ਦੁਆ ਪੜ੍ਹਦੇ: "ਅੱਲਾਹੁੱਮਾ ਇੱਨੀ ਆਉਜ਼ੁ ਬਿਕਾ ਮਿਨਲ ਖੁਬੁਸੀ ਵਲ ਖਬਾਇਸ।" (ਹੇ ਅੱਲਾਹ! ਮੈਂ ਨਾਪਾਕ ਜਿੰਨਾਂ ਅਤੇ ਨਾਪਾਕ ਜਿੰਨਣੀਆਂ ਤੋਂ ਤੇਰੀ ਪਨਾਹ (ਸ਼ਰਨ) ਮੰਗਦਾ ਹਾਂ।)

عَنْ أَنَسٍ رضي الله عنه قَألَ:
كَانَ النَّبِيُّ صَلَّى اللهُ عَلَيْهِ وَسَلَّمَ إِذَا دَخَلَ الخَلاَءَ قَالَ: «اللَّهُمَّ إِنِّي أَعُوذُ بِكَ مِنَ الخُبُثِ وَالخَبَائِثِ».
[صحيح] - [متفق عليه] - [صحيح البخاري: 142]

ਅਨਸ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ, ਉਹ ਕਹਿੰਦੇ ਹਨ:
ਅੱਲਾਹ ਦੇ ਨਬੀ ﷺ ਜਦੋਂ ਪਖਾਨੇ (ਬਾਥਰੂਮ) ਵਿੱਚ ਦਾਖਲ ਹੁੰਦੇ, ਤਾਂ ਇਹ ਦੁਆ ਪੜ੍ਹਦੇ: "ਅੱਲਾਹੁੱਮਾ ਇੱਨੀ ਆਉਜ਼ੁ ਬਿਕਾ ਮਿਨਲ ਖੁਬੁਸੀ ਵਲ ਖਬਾਇਸ।" (ਹੇ ਅੱਲਾਹ! ਮੈਂ ਨਾਪਾਕ ਜਿੰਨਾਂ ਅਤੇ ਨਾਪਾਕ ਜਿੰਨਣੀਆਂ ਤੋਂ ਤੇਰੀ ਪਨਾਹ (ਸ਼ਰਨ) ਮੰਗਦਾ ਹਾਂ।)
[صحيح] - [متفق عليه] - [صحيح البخاري - 142]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਜਦੋਂ ਕਿਸੇ ਅਜਿਹੀ ਥਾਂ ਵਿੱਚ ਦਾਖਲ ਹੋਣ ਦਾ ਇਰਾਦਾ ਕਰਦੇ, ਜਿਥੇ ਆਪ ﷺ ਨੇ ਆਪਣੀ ਹਾਜਤ (ਪਿਸ਼ਾਬ ਜਾਂ ਟੱਟੀ) ਪੂਰੀ ਕਰਨੀ ਹੁੰਦੀ, ਤਾਂ ਅੱਲਾਹ ਦੀ ਪਨਾਹ ਮੰਗਦੇ ਅਤੇ ਉਸ ਕੋਲੋਂ ਇਹ ਦੁਆ ਕਰਦੇ ਕਿ ਆਪ ﷺ ਨੂੰ ਪੁਰਸ਼ ਅਤੇ ਇਸਤਰੀ ਜਿੰਨਾਂ ਦੀ ਬੁਰਾਈ ਤੋਂ ਬਚਾਵੇ। ਇਸ ਦੁਆ ਵਿੱਚ ਆਏ ਸ਼ਬਦ "الخبث-ਖੁਬੁਸ" ਅਤੇ "الخبائث-ਖਬਾਇਸ" ਦੀ ਵਿਆਖਿਆ ਬੁਰਾਈ ਤੇ ਨਾਪਾਕੀਆਂ (ਗੰਦਗੀਆਂ) ਨਾਲ ਵੀ ਕੀਤੀ ਗਈ ਹੈ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਸ਼ੌਚਾਲਾ (ਪਖਾਨੇ) ਵਿੱਚ ਦਾਖਲ ਹੋਣ ਦਾ ਇਰਾਦਾ ਕਰਦੇ ਸਮੇਂ ਇਸ ਦੁਆ ਨੂੰ ਪੜ੍ਹਨਾ ਮੁਸਤਹੱਬ (ਪਸੰਦੀਦਾ) ਹੈ।
2. ਸਾਰੀਆਂ ਮਖਲੂਕਾਂ (ਜੀਵਾਂ) ਹਰ ਹਾਲਤ ਵਿੱਚ ਦਰਦਨਾਕ ਜਾਂ ਨੁਕਸਾਨਦਾਇਕ ਚੀਜ਼ਾਂ ਤੋਂ ਬਚਣ ਲਈ ਆਪਣੇ ਰੱਬ (ਅੱਲਾਹ) ਦੀ ਮੁਥਾਜ ਹਨ।