Hadiisi: Ẹni ti o ba ṣe aluwala gẹgẹ bi mo ṣe ṣe aluwala mi yii lẹyin naa o wa ki rakah meji ti ko ba ẹmi rẹ sọrọ nibi mejeeji, Ọlọhun yoo fori nnkan ti o ṣíwájú ninu ẹṣẹ rẹ jin in

عَنْ ‌حُمْرَانَ مَوْلَى عُثْمَانَ بْنِ عَفَّانَ رضي الله عنه:
أَنَّهُ رَأَى عُثْمَانَ بْنَ عَفَّانَ دَعَا بِوَضُوءٍ، فَأَفْرَغَ عَلَى يَدَيْهِ مِنْ إِنَائِهِ، فَغَسَلَهُمَا ثَلَاثَ مَرَّاتٍ، ثُمَّ أَدْخَلَ يَمِينَهُ فِي الْوَضُوءِ، ثُمَّ تَمَضْمَضَ وَاسْتَنْشَقَ وَاسْتَنْثَرَ، ثُمَّ غَسَلَ وَجْهَهُ ثَلَاثًا، وَيَدَيْهِ إِلَى الْمِرْفَقَيْنِ ثَلَاثًا، ثُمَّ مَسَحَ بِرَأْسِهِ، ثُمَّ غَسَلَ كُلَّ رِجْلٍ ثَلَاثًا، ثُمَّ قَالَ: رَأَيْتُ النَّبِيَّ صَلَّى اللهُ عَلَيْهِ وَسَلَّمَ يَتَوَضَّأُ نَحْوَ وُضُوئِي هَذَا، وَقَالَ: «مَنْ تَوَضَّأَ نَحْوَ وُضُوئِي هَذَا ثُمَّ صَلَّى رَكْعَتَيْنِ لَا يُحَدِّثُ فِيهِمَا نَفْسَهُ غَفَرَ اللهُ لَهُ مَا تَقَدَّمَ مِنْ ذَنْبِهِ».
[صحيح] - [متفق عليه] - [صحيح البخاري: 164]

Lati ọdọ Humraan ẹru Uthman ọmọ ‘Affan pé o ri Uthman ọmọ ‘Affan ti o beere fun omi aluwala, o ti ọwọ rẹ mejeeji bọ inu igba rẹ, o fọ mejeeji lẹẹmẹta, lẹyin naa o ti ọwọ rẹ ọtun bọ inu omi aluwala, lẹyin naa o fi omi yọ ẹnu rẹ o si fin in simu o si fin in síta, lẹyin naa o fọ oju rẹ lẹẹmẹta, ati ọwọ rẹ mejeeji titi de igunpa rẹ mejeeji lẹẹmẹta, lẹyin naa o pa ori rẹ, lẹyin naa o fọ gbogbo ẹsẹ rẹ lẹẹmẹta, lẹyin naa o sọ pe: Mo ri Anabi- ki ikẹ Ọlọhun ati ọla Rẹ maa ba a- ti o n ṣe aluwala gẹgẹ bi mo ṣe ṣe aluwala mi yìí, o wa sọ pe: “Ẹni ti o ba ṣe aluwala gẹgẹ bi mo ṣe ṣe aluwala mi yii lẹyin naa o wa ki rakah meji ti ko ba ẹmi rẹ sọrọ nibi mejeeji, Ọlọhun yoo fori nnkan ti o ṣíwájú ninu ẹṣẹ rẹ jin in”.
[O ni alaafia] - [Ohun ti wọ́n fi ẹnu kò lé lórí ni] - [Sọhiihu ti Bukhaariy - 164]

Àlàyé

Uthman- ki Ọlọhun yọnu si i- kọ wa ni bi Anabi- ki ikẹ Ọlọhun ati ọla Rẹ maa ba a- ṣe maa n ṣe aluwala pẹlu oju ọna fifi ṣe iṣẹ ṣe; ki o le baa kun ni alaye, lẹyin naa o beere fun omi ninu igba, o wa da a si ọwọ rẹ mejeeji lẹẹmẹta, lẹyin naa o ti ọwọ rẹ ọtun bọ inu igba, o fi bu omi o si da a si ẹnu rẹ o si mu u jáde, lẹyin naa o fin omi fun ara rẹ sinu imu rẹ, lẹyin naa o mu u sita o si fin in síta, lẹyin naa o fọ oju rẹ lẹẹmẹta, lẹyin naa o fọ ọwọ rẹ mejeeji pẹlu igunpa rẹ mejeeji lẹẹmẹta, lẹyin naa o mu ọwọ rẹ re kọja lori ori rẹ ni nnkan ti o tutu fun omi lẹẹkan, lẹyin naa o fọ ẹsẹ rẹ mejeeji pẹlu kokosẹ rẹ mejeeji lẹẹmẹta.
Nigba ti Uthman- ki Ọlọhun yọnu si i- pari o sọ fun wọn pe dajudaju oun ri Anabi- ki ikẹ Ọlọhun ati ọla Rẹ maa ba a- ti o ṣe aluwala gẹgẹ bii aluwala yii, Anabi- ki ikẹ Ọlọhun ati ọla Rẹ maa ba a- wa fun wọn ni iro idunnu pe dajudaju ẹni ti o ba ṣe aluwala gẹgẹ bii aluwala rẹ, ti o wa ki rakah meji, ni ẹni ti o n wa ni irẹlẹ ti ọkan rẹ si wa lori irun niwaju Oluwa rẹ- Alagbara ti O gbọnngbọn- nibi mejeeji, dajudaju Ọlọhun yoo san an lẹsan lori aluwala ti o pe yii ati irun ti o mọ kanga yii pẹlu aforijin nnkan ti o ṣíwájú ninu awọn ẹṣẹ rẹ.