Ҳадис: Токи сизлардан бирингиз мени отаси, фарзанди ва бошқалардан ҳам кўпроқ яхши кўрмагунича иймонли бўлмайди», дедилар

عن أنس رضي الله عنه قال: قال النبي صلى الله عليه وسلم:
«لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ».
[صحيح] - [متفق عليه] - [صحيح البخاري: 15]

Анас разияллоҳу анҳудан ривоят қилинади: «Набий соллаллоҳу алайҳи ва саллам:
«Токи сизлардан бирингиз мени отаси, фарзанди ва бошқалардан ҳам кўпроқ яхши кўрмагунича иймонли бўлмайди», дедилар».
[Тўғри матн] - [Муттафақун алайҳ] - [Саҳиҳул Бухорий - 15]

Изоҳ

Расулуллоҳ соллаллоҳу алайҳи ва саллам бу ҳадиси шарифда мусулмон банда У кишини онаси, отаси, боласи, қизи ва бошқа барча инсонлардан кўпроқ яхши кўрмагунча тўлиқ иймонли бўлмаслигини хабар бердилар. Бу муҳаббат У кишига итоатни, ёрдам беришни ва осийлик қилмасликни ўз ичига олади.

Ҳадиснинг фойдалари

1. Расулуллоҳ соллаллоҳу алайҳи ва салламни яхши кўриш ва барча махлуқларни муҳаббатидан устун қўйиш вожиблиги.
2. Муҳаббат комиллигининг аломатларидан: Расулуллоҳнинг суннатларига ёрдам бериш ва молу жонни шунинг йўлида сарфлаш.
3. Расулуллоҳ соллаллоҳу алайҳи ва салламга муҳаббат – буюрган нарсаларига итоат, хабарларини тасдиқлаш, қайтарган нарсаларидан четланиш ва у кишига эргашиб бидъатларни тарк этишдир.
4. Набий соллаллоҳу алайҳи ва салламнинг ҳақлари барча инсонлар ҳаққидан улуғроқдир. Чунки У зот залолатдан ҳидоятга чиқишимизга ва дўзахдан қутилиб жаннатга киришимизга сабабчи бўлган кишидирлар.