ਗੱਲ ਜਾਂ ਬਾਤਾਂ: ਮੇਰਾ ਹੌਜ਼ (ਤਲਾਬ) ਇੰਨਾ ਵੱਡਾ ਹੋਵੇਗਾ ਕਿ ਉਸਨੂੰ ਪਾਰ ਕਰਨ ਲਈ ਇੱਕ ਮਹੀਨੇ ਦਾ ਸਮਾਂ ਲੱਗੇਗਾ। ਉਸ ਦਾ ਪਾਣੀ ਦੁੱਧ ਤੋਂ ਜ਼ਿਆਦਾ ਸਫ਼ੈਦ ਹੋਵੇਗਾ, ਉਸ ਦੀ ਖੁਸ਼ਬੂ ਕਸਤੂਰੀ ਤੋਂ ਵੱਧ ਸੋਹਣੀ ਹੋਵੇਗੀ

عَنْ عَبْدِ اللَّهِ بْنِ عَمْرٍو رضي الله عنهما قَالَ: قالَ النَّبِيُّ صَلَّى اللهُ عَلَيْهِ وَسَلَّمَ:
«حَوْضِي مَسِيرَةُ شَهْرٍ، مَاؤُهُ أَبْيَضُ مِنَ اللَّبَنِ، وَرِيحُهُ أَطْيَبُ مِنَ المِسْكِ، وَكِيزَانُهُ كَنُجُومِ السَّمَاءِ، مَنْ شَرِبَ مِنْهَا فَلاَ يَظْمَأُ أَبَدًا».
[صحيح] - [متفق عليه] - [صحيح البخاري: 6579]

ਅਬਦੁੱਲਾਹ ਬਿਨ ਅਮਰ (ਰਜ਼ੀਅੱਲਾਹੁ ਅਨਹੁਮਾ) ਤੋਂ ਰਿਵਾਇਤ ਹੈ ਕਿ ਅੱਲਾਹ ਦੇ ਨਬੀ ﷺ ਨੇ ਫਰਮਾਇਆ:
"ਮੇਰਾ ਹੌਜ਼ (ਤਲਾਬ) ਇੰਨਾ ਵੱਡਾ ਹੋਵੇਗਾ ਕਿ ਉਸਨੂੰ ਪਾਰ ਕਰਨ ਲਈ ਇੱਕ ਮਹੀਨੇ ਦਾ ਸਮਾਂ ਲੱਗੇਗਾ। ਉਸ ਦਾ ਪਾਣੀ ਦੁੱਧ ਤੋਂ ਜ਼ਿਆਦਾ ਸਫ਼ੈਦ ਹੋਵੇਗਾ, ਉਸ ਦੀ ਖੁਸ਼ਬੂ ਕਸਤੂਰੀ ਤੋਂ ਵੱਧ ਸੋਹਣੀ ਹੋਵੇਗੀ ਅਤੇ ਉਸ ਦੇ ਪਿਆਲੇ ਆਸਮਾਨ ਦੇ ਤਾਰਿਆਂ ਵਾਂਗ ਹੋਵਣਗੇ। ਜੋ ਕੋਈ ਵੀ ਉਸ ਪਾਣੀ ਪੀ ਲਵੇਗਾ, ਉਹ ਕਦੀ ਪਿਆਸਾ ਨਹੀਂ ਰਹੇਗਾ।"
[صحيح] - [متفق عليه] - [صحيح البخاري - 6579]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਨੇ ਦੱਸਿਆ ਹੈ ਕਿ ਆਪ ਨੂੰ ਕਿਆਮਤ ਦੇ ਦਿਨ ਇੱਕ ਹੌਜ਼ (ਤਲਾਬ) ਦਿੱਤਾ ਜਾਵੇਗਾ, ਜਿਸ ਦੀ ਲੰਬਾਈ ਇੱਕ ਮਹੀਨੇ ਦੀ ਯਾਤਰਾ ਦੇ ਬਰਾਬਰ ਹੋਵੇਗੀ ਅਤੇ ਉਸ ਦੀ ਚੌੜਾਈ ਵੀ ਇੰਨੀ ਹੀ ਹੋਵੇਗੀ। ਉਸ ਦਾ ਪਾਣੀ ਦੁੱਧ ਨਾਲੋਂ ਵੱਧ ਸਫ਼ੈਦ ਹੋਵੇਗਾ; ਉਸ ਦੀ ਖੁਸ਼ਬੂ ਕਸਤੂਰੀ ਨਾਲੋਂ ਵੱਧ ਮਨਮੋਹਕ ਹੋਵੇਗੀ; ਅਤੇ ਉਸ ਦੇ ਪਿਆਲਿਆਂ ਦੀ ਗਿਣਤੀ ਆਸਮਾਨ ਦੇ ਤਾਰਿਆਂ ਵਾਂਗ ਬੇਹਿਸਾਬ ਹੋਵੇਗੀ। ਜੋ ਕੋਈ ਵੀ ਉਨ੍ਹਾਂ ਪਿਆਲਿਆਂ ਨਾਲ ਉਸ ਹੌਜ਼ ਦਾ ਪਾਣੀ ਪੀਏਗਾ, ਉਸਨੂੰ ਕਦੀ ਵੀ ਪਿਆਸ ਨਹੀਂ ਲੱਗੇਗੀ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਅੱਲਾਹ ਦੇ ਨਬੀ ﷺ ਦਾ ਹੌਜ਼ ਅਸਲ ਵਿੱਚ ਪਾਣੀ ਦਾ ਇੱਕ ਵੱਡਾ ਭੰਡਾਰਾ ਹੋਵੇਗਾ, ਜਿਸ ਦਾ ਪਾਣੀ ਆਪ ਦੀ ਉੱਮਤ ਦੇ ਮੋਮਿਨ (ਈਮਾਨ ਵਾਲੇ) ਕਿਆਮਤ ਦੇ ਦਿਨ ਪੀਣਗੇ।
2. ਉਸ ਹੌਜ਼ ਦੇ ਪਾਣੀ ਦੀ ਖਾਸੀਅਤ (ਵਿਸ਼ੇਸ਼ਤਾ) ਇਹ ਹੋਵੇਗੀ ਕਿ ਜੋ ਵੀ ਉਸਨੂੰ ਪੀਏਗਾ, ਉਸ ਨੂੰ ਫਿਰ ਕਦੀ ਪਿਆਸ ਨਹੀਂ ਲੱਗੇਗੀ।