ھەدىس: قىيامەت كۈنى تۈنجى بولۇپ قان – قىساس مەسىلىلىرىگە ھۆكۈم قىلىنىدۇ

عَنْ عَبْدِ اللهِ بنِ مَسْعُودٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:

«أَوَّلُ مَا يُقْضَى بَيْنَ النَّاسِ يَوْمَ الْقِيَامَةِ فِي الدِّمَاءِ».
[صحيح] - [متفق عليه]

ئابدۇللاھ ئىبنى مەسئۇد رەزىيەللاھۇ ئەنھۇدىن رىۋايەت قىلىنغان ھەدىستە، رەسۇلۇللاھ مۇنداق دەيدۇ: قىيامەت كۈنى تۈنجى بولۇپ قان – قىساس مەسىلىلىرىگە ھۆكۈم قىلىنىدۇ
سەھىھ(بەش شەرت تولۇق بولغادا ھەدىس سەھىھ بولىدۇ) - ھەدىسنى بۇخارى ۋە مۇسلىم بىردەك قوبۇل قىلغان، ھەدىسنىڭ لەپزى مۇسلىمغا ئائىتتۇر

شەرھىسى

قىيامەت كۈنى ئاللاھ سۇبھانەھۇ ۋەتەئالا مەخلۇقاتلاردىن ھېساب ئالىدۇ. ئاندىن ئۇلارنىڭ ئوتتۇرىسىدا ئۆزىنىڭ ئادىللىقى بىلەن ھۆكۈم قىلىپ، ئۇلار ئارىسىدا بارلىققا كەلگەن زۇلۇملارنىڭ ئەڭ مۇھىمىدىن باشلايدۇ. قان - قىساس مەسىلىلىرى ئەڭ چوڭ زۇلۇملارنىڭ قاتارىدىن بولغاچقا، ئۇ دەھشەت كۈندە تۇنجى بولۇپ ھۆكۈم قىلىنىدىغىنى كىشىلەر ئارىسىدا سادىر بولغان قان قىساسىدۇر. ئەمما بەندىنىڭ ئەمەل- ئىبادەتلىرىدىن تۇنجى بولۇپ قاراپ چىقىلىدىغىنى، نامازدۇر