عن تميم الداري رضي الله عنه أن النبي صلى الله عليه وسلم قال: «الدِّينُ النَّصِيحَةُ» قُلْنَا: لِمَنْ؟ قَالَ:«لِلهِ وَلِكِتَابِهِ وَلِرَسُولِهِ وَلِأَئِمَّةِ الْمُسْلِمِينَ وَعَامَّتِهِمْ».المزيد
...
Ittaama e Tamiim Addaarii yo Alla wele mbo (yo allah yardo
he makko) wonde Annabi yo jam e kisal ngon e makko maaki:(o wii) " Diine ko laaɓal reedu" Min mbi'i : ko ngam hombo? O maaki(owii):" ko ngam Alla e deftere makko nde e Nelaaɗo makko o e ardiiɓe juulɓe e ardaaɓe ɓe'.
Faccito (Sarhu)
Annabi yo jam e kisal ngon e makko habrii wonde diine fawii ko e laɓɓinde e gooŋɗude, haa mba waawa tottireede no Alla waɗɗiniri nih, tawa hombo timmi ko aldah e raɓɓiɗinaade wollo fuuntude.
Nelaaɗo yo jam e kisal ngon e mum wi'aa: Hombo laaɓaneede reedu wonanta?
Gadanel ngel: Laaɓirande Alla Ceniiɗo Toowɗo reedu: Laɓɓinande mbo golle, e waasde renndinde mbo e goɗɗo, o gooŋɗina Allayan-kaagal makko e wonde mbo dewateeɗo e inɗe makko e sifaaji makko, e mawninde fiyaaku Makko, e noddude faade e gooŋɗinde mbo.
Ɗimmel ngel: Laaɓande deftere makko nde ndeen woni Quraana tedduɗo o: Ɗuum woni fiɓde konde haala Alla, e sakket defte makko, e wonde kombo momtuɗo denndaangal sariyaaji gadiiɗi, mawninende nde, njanngennde no haaniri nih, ngolliren aayeeje laaɓtuɗe firo, njaɓen ɗe laaɓtaani firo, ndiiwten taawiilaaji wooñiiɓe, teskoɗen waajuuji mammbo, e sarde gannde mammbo, e noddude faade e mammbo.
Tataɓel ngel: Laavande (labaabande) Nelaaɗo Makko Muhamadu yo o his: Ɗuum woni nde piɓaten ko kaŋko woni cakkatiiɗo e Nelaaɓe, ngooŋɗinen ko o addi ko, ciinen ko o yamiri ko, ngoɗɗoɗen ko o haɗi ko, mbaasen rewirde Alla si wonah ko o addi ko, mawninen fodde makko, teddinen mbo, caren noddaandu makko e sariya makko, ndiiwtanen mbo tuumo.
Nayaɓel: Laaɓande almameeɓe juulɓe:(yesobe alsilambe) Ɗuum woni walludeɓe e goongo, e waasde fooɗondir- de e maɓɓe, e nande e ɗoftaadeɓe sabu ɗuum ko e ɗoftaade Alla jeya,
Joyaɓel ngel: Laaɓande juulɓe: Ɗuum woni moƴƴude e maɓɓe e noddaandu maɓɓe, e waasde ɓe lorde ( torrude), e yiɗandeɓe jam, e wallandir- de e maɓɓe ka ɗiggere e kulol Alla.
Ina jeyaa e nafooje Hadiis
Yamirde laaɓande reedu fof en.
Mawnude daraja laaɓal reedu nder diine.
Diine ina soomi piɓle e bolle e golle.
Ina jeyaa e laaɓal reedu laɓɓinde fittaandu(yonki) e puunti wonande laaɓanteeɓe reedu e yiɗde moƴƴere wonande mbo.
Moƴƴude ganndingol Nelaaɗo sabu fuɗɗorde ko muma refti o feñciti.
Fuɗɗororde ko himmi e ko ɓuri himmude, ɗuum saabi Nelaaɗo yo jam e kisal won e makko fuɗɗori laaɓal wonande Alla, refti deftere makko refti Nelaaɗo makko refti Almameeɓe juulɓe refti juulɓe heynaaɓe ɓe.
