Ḥadīth: Allāhumma innī a`ūdhu bika min zawāli ni`matika, wa-taḥawwuli `āfiyatika, wa-fujā'ati niqmatika, wa-jamī`i sakhaṭik. (O Allāh, tunay na ako ay nagpapakupkop sa Iyo laban sa paglaho ng biyaya Mo, pagbabagong-anyo ng kagalingang dulot Mo, pambibigla ng higanti Mo, at lahat ng inis Mo.)"}

عَنْ عَبْدِ اللهِ بْنِ عُمَرَ رضي الله عنهما قَالَ: كَانَ مِنْ دُعَاءِ رَسُولِ اللهِ صَلَّى اللهُ عَلَيْهِ وَسَلَّمَ:
«اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ».
[صحيح] - [رواه مسلم] - [صحيح مسلم: 2739]

Ayon kay `Abdullāh bin `Umar (malugod si Allāh sa kanilang dalawa) na nagsabi: {Kabilang sa panalangin ng Sugo ni Allāh (basbasan siya ni Allāh at pangalagaan):
"Allāhumma innī a`ūdhu bika min zawāli ni`matika, wa-taḥawwuli `āfiyatika, wa-fujā'ati niqmatika, wa-jamī`i sakhaṭik. (O Allāh, tunay na ako ay nagpapakupkop sa Iyo laban sa paglaho ng biyaya Mo, pagbabagong-anyo ng kagalingang dulot Mo, pambibigla ng higanti Mo, at lahat ng inis Mo.)"}
[Tumpak] - [Nagsalaysay nito si Imām Muslim] - [Ṣaḥīḥ Muslim - 2739]

Ang Pagbibigay-linaw

Humiling ng pagkupkop ang Propeta (basbasan siya ni Allāh at pangalagaan) laban sa apat na bagay:
1. "Allāhumma innī a`ūdhu bika min zawāl ni`matika (O Allāh, tunay na ako ay nagpapakupkop sa Iyo laban sa paglaho ng biyaya Mo)" na panrelihiyon at pangmundo, at na tumatag ako sa Islām at malayo ako sa pagkasadlak sa mga pagsuway na nag-aalis ng mga biyaya.
2. "wa-taḥawwuli `āfiyatika" (pagbabagong-anyo ng kagalingang dulot Mo)" sa pamamagitan ng pagpapalit nito para maging pagsubok, kaya humihiling ako sa Iyo ng pamamalagi ng kagalingan at kaligtasan mula sa mga hapdi at mga karamdaman.
3. "wa-fujā'ati niqmatika (pambibigla ng higanti Mo) na pagsubok o kasawiang-palad sapagkat ang higanti at kaparusahan, kapag dumating nang biglaan at nang agaran, ay hindi magkakaroon ng isang panahon para sa pagbabalik-loob. Ang tinamaan nito ay naging higit na mabigat at higit na matindi.
4. "wa-jamī`i sakhaṭik (at lahat ng inis Mo)" at mga kadahilanang nag-oobliga ng galit Mo sapagkat tunay na ang sinumang kinainisan Mo ay nabigo at nalugi nga.
Bumanggit nga ang Propeta (basbasan siya ni Allāh at pangalagaan) ng salitang panlahat upang sumaklaw ito sa lahat ng mga kadahilanan ng pagkainis ni Allāh (kaluwalhatian sa Kanya at napakataas Siya) na mga sabi, mga gawa, at mga paniniwala.

Ang mga Katuturan ng Ḥadīth

1. Ang pangangailangan ng Propeta (basbasan siya ni Allāh at pangalagaan) kay Allāh (napakataas Siya).
2. Naglaman ang pinagpalang paghiling ng pagkupkop na ito ng pagtutuon sa pagpapasalamat sa mga biyaya at pag-iingat laban sa pagkasadlak sa mga pagsuway dahil ang mga ito ay nag-aalis ng mga biyaya.
3. Ang pagsisigasig sa paglayo sa mga lugar ng pagkainis ni Allāh (napakataas Siya).
4. Humiling ng pagkupkop ang Popeta (basbasan siya ni Allāh at pangalagaan) laban sa pamimigla ng higanti ni Allāh (napakataas Siya) dahil Siya, kapag naghiganti sa tao, ay nagpapadapo nga rito ng pagsubok na hindi makakakaya ito sa pagtulak niyon at hindi mahihilingan pagtulak sa nalalabi sa mga nilikha kahit pa nagkaisa sila sa kalahatan.
5. Humiling ng pagkupkop ang Popeta (basbasan siya ni Allāh at pangalagaan) laban sa pagkabagong-anyo ng kagalingang dulot ni Allāh (kaluwalhatian sa Kanya) dahil kapag nagtangi nga sa kanya si Allāh ng kagalingang dulot Niya, nagtamo nga siya ng isang kabutihan sa Mundo at Kabilang-buhay; sapagkat kung nagbagong-anyo ito sa kanya, dinapuan nga siya ng kasamaan sa Mundo at Kabilang-buhay sapagkat tunay na ang kagalingan dito ay ang kaayusan ng buhay panrelihiyonh at buhay pangmundo.