Hadith: “អល់ឡោះជាម្ចាស់ទ្រង់បានមានបន្ទូលថា៖ ចូរអ្នកធ្វើការបរិច្ចាគចុះ ឱកូនចៅអាហ្ទាំ នោះយើងនឹងបរិច្ចាគឲ្យអ្នកវិញ”។

عن أبي هريرة رضي الله عنه أن رسول الله صلى الله عليه وسلم قال:
«قَالَ اللهُ: أَنْفِقْ يَا ابْنَ آدَمَ أُنْفِقْ عَلَيْكَ».
[صحيح] - [متفق عليه] - [صحيح البخاري: 5352]

អំពី អាពូហ៊ូរ៉យរ៉ោះ رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“អល់ឡោះជាម្ចាស់ទ្រង់បានមានបន្ទូលថា៖ ចូរអ្នកធ្វើការបរិច្ចាគចុះ ឱកូនចៅអាហ្ទាំ នោះយើងនឹងបរិច្ចាគឲ្យអ្នកវិញ”។
[صحيح] - [متفق عليه] - [صحيح البخاري - 5352]

Explanation

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់ទ្រង់បានមានបន្ទូលថា៖ ចូរអ្នកធ្វើការបរិច្ចាគចុះ ឱកូនចៅអាហ្ទាំ(ទាំងការបរិច្ចាគដែលជាកាតព្វកិច្ច និងការបរិច្ចាគដែលស្ម័គ្រចិត្ត) នោះយើងនឹងផ្តល់ភាពទូលំទូលាយ(ធូរធារ)ដល់អ្នក ប្រទានដល់អ្នកនូវរបស់ជំនួស ព្រមទាំងផ្តល់នូវពរជ័យដល់អ្នកចំពោះវា។

Benefits from the Hadith

1. ជំរុញឲ្យធ្វើការបរិច្ចាគ និងចំណាយក្នុងមាគ៌ាអល់ឡោះ។
2. ការបរិច្ចាគទានក្នុងផ្លូវសប្បុរសស្ថិតក្នុងចំណោមមូលហេតុដ៏ចម្បងមួយដែលនាំឲ្យទទួលបាននូវពរជ័យនៅក្នុងលាភសក្ការៈ ធ្វើឲ្យលាភសក្ការៈកាន់តែកើនឡើងទ្វេដង ព្រមទាំងទទួលបាននូវការជំនួសពីអល់ឡោះចំពោះអ្វីដែលគេបានបរិច្ចាគនោះ។
3. ហាទីស្ហនេះ ស្ថិតក្នុងចំណោមហាទីស្ហដែលណាពី ﷺ លោករាយការណ៍ពីម្ចាស់របស់លោក ដែលគេឲ្យឈ្មោះថា ហាទីស្ហគុតស៊ីយ៍ ឬ ហាទីស្ហអ៊ីឡើហ៊ីយ៍។ វាជាហាទីស្ហដែលពាក្យពេចន៍ និងអត្ថន័យរបស់វា គឺមកពីអល់ឡោះជាម្ចាស់ គ្រាន់តែវាពុំមានលក្ខណៈពិសេសណាមួយដូចគម្ពីរគួរអានដែលអល់ឡោះជាម្ចាស់ទ្រង់ផ្តល់ដល់វាលើសពីពាក្យពេចន៍ដទៃនោះឡើយ ដូចជាការសូត្រវាទទួលបាននូវផលបុណ្យ ការជម្រះសម្អាតមុនប៉ះពាល់វា ភាពអច្ឆរិយៈ និងលក្ខណៈពិសេសផ្សេងៗទៀត។