حدیث: الله - جل جلاله - غیرت کوي، او د الله -جل جلاله- غیرت دا دی چې یو څوک هغه څه وکړي چې الله تعالی ترې منع کړی دی.
عن أبي هريرة رضي الله عنه مرفوعًا: «إِنَّ الله -تَعَالى- يَغَارُ، وغَيرَةُ الله -تَعَالَى-، أَنْ يَأْتِيَ المَرء ما حرَّم الله عليه».
[صحيح] - [متفق عليه]
المزيــد ...
له ابوهریره - رضي الله عنه - څخه مرفوع روایت دی: «الله - جل جلاله - غیرت کوي، او د الله -جل جلاله- غیرت دا دی چې یو څوک هغه څه وکړي چې الله تعالی ترې منع کړی دی».
صحيح - متفق علیه دی ( بخاري اومسلم دواړو روایت کړی دی)
په حدیث کې راغلي چې الله جل جلاله په خپلو محرماتو باندې غیرت کوي، د هغه د حدودو څخه له سرغړونې کرکه لري او پرې غصه کیږي؛ له - هغو محرماتو څخه - زنا ده، چې هغه یوه هلاکېدونکي او ناوړه لاره ده، له همدې امله الله تعالی په خپلو بندګانو باندې زنا او د زنا ټول وسایل حرام کړي دي، کله چې یو بنده زنا وکړي، نو الله تعالی ته سخت غیرت ورځي، او د نورو ټېټو ګناهونو په پرتله یې په زنا کولو سره غیرت زیات په جوش راځي، همدا رنګه لواطت، چې هغه د نارینه سره جنسي اړیکي نیول دي، دا هم لویه او ډیره ستره - ګناه ده - له دې امله الله تعالی - د لواطت جرم - د زنا په پرتله په بې حیایۍ کې زیات بد ګڼلی . همدا ډول غلا، شراب څښل او دا ټول هغه حرام څیزونه دي چې الله تعالی ورباندې غیرت کوي، خو جرم ته په لیدو ځینې محرمات د ځینو نورو په پرتله سخت وي، البته هغه ضرر ته په کتلو چې پرې مرتیږي.
د حديث له ګټو څخه
- د حرامو کړنو له تر سره کولو څخه ویرول؛ ځکه چې د الله تعالی د غضب سبب ګرځي.
- الله تعالی لره د غیرت صفت ثابتېدل؛ لکه څرنګه چې د هغه د شان سره مناسب وي.
- د الله تعالی څارنه؛ او د هغه له غضب او عذاب څخه ویره کله چې د هغه له محرماتو څخه سرغړونه وشي.
ډلبندیانې
نور
- حدیث: چا چې - پدې خبره - ګواهي ورکړه چې نشته دی په حقه سره معبود مګر یوازې الله دی، شریک نه لري او محمد د الله بنده او رسول دی، او عیسی د الله بنده او رسول دی، او د هغه - کلمه - (په کلمه د کن سره پیدا شو)، او د هغه له روح ( د الله تعالی د طرفه) څخه دی، او دا چې جنت حق او اور(دوزخ) حق دی، الله به یې جنت ته ننباسي که هر عمل یې کړی وي.
- حدیث: الله تعالی نیکۍ او بدۍ لیکلي دي، بیا یې د دې په اړه وضاحت ورکړ، چا چې د نیک عمل اراده وکړه خو ویې نه کړ، الله تعالی یې خپل ځان سره پوره نیکي لیکي، او که چیرته یې اراده وکړه او بیا یې پرې عمل وکړ الله تعالی یې ورته لس چنده تر اوه سوه چنده او څو چنده زیات - ثواب - لیکي.
- حدیث: الله تعالی ستاسو بدنونو او شکلونو ته نه ګوري، بلکې ستاسو زړونو او عملونو ته ګوري.
- حدیث: په داسې حال کې چې یوه ورځ مونږ د رسول الله صلی الله علیه وسلم سره ناست وو، ناڅاپه پر مونږ یو سړی راڅرګند شو چې تکې سپینې جامې او تک تور ویښتان یې درلودل او د سفر هیڅ نښه پرې نه لیدل کیده. او زموږ څخه هیچا هم نه پیژانده.
- حدیث: اې زما بندګانو، ما پر ځان ظلم حرام کړی او ستاسو تر منځه مې هم حرام ګرځولی نو یو پر بل ظلم مه کوئ، ای زما بنده ګانو تاسو ټول ګمراه یاست مګر هغه څوک چې ما ورته هدایت کړی، نو زما څخه هدایت وغواړئ زه به تاسو ته هدایت وکړم.
- حدیث: الله تعالی ظالم ته مهلت ورکوي، کله یې چې راونیسي بیا یې نه پریږدي.
- حدیث: په رحم کوونکو - انسانانو - رحم کوونکی - ذات - رحم کوي، تاسو دځمکې په خلکو رحم وکړئ، نو په اسمان کې - ذات - به پر تاسو رحم وکړي.