ஹதீஸ்: நிச்சயம் அல்லாஹ் ரோஷம் கொள்கிறான். அல்லாஹ்வின் ரோஷம் என்பது, அவன் தடைவிதித்துள்ள ஒன்றை (தடையை மீறி) இறைநம்பிக்கையாளர் செய்வதுதான்.
عن أبي هريرة رضي الله عنه مرفوعًا: «إِنَّ الله -تَعَالى- يَغَارُ، وغَيرَةُ الله -تَعَالَى-، أَنْ يَأْتِيَ المَرء ما حرَّم الله عليه».
[صحيح] - [متفق عليه]
المزيــد ...
நபி (ஸல்) அவர்கள் கூறியதாக அபூஹுரைரா (ரலி) அவர்கள் கூறினார்கள் : "நிச்சயம் அல்லாஹ் ரோஷம் கொள்கிறான். அல்லாஹ்வின் ரோஷம் என்பது, அவன் தடைவிதித்துள்ள ஒன்றை (தடையை மீறி) இறைநம்பிக்கையாளர் செய்வதுதான்".
[ஸஹீஹானது-சரியானது] - [இருவரும் (இமாம் புஹாரியும் முஸ்லிமும்) ஒன்று பட்டது]
அல்லாஹ் தான் ஹராமாக்கியவற்றின் மீது ரோசப்படுகின்றான், தனது வரம்புகள் மீறப்படுவதை வெறுக்கின்றான் என்பதை இந்நபிமொழி தெளிவுபடுத்துகின்றது. விபச்சாரமும் இதில் ஒன்றாகும். இது மிக மோசமான கீழ்த்தரமான ஒரு செயலாகும். அதனால்தான் அல்லாஹ் தனது அடியார்கள் மீது விபச்சாரம், மற்றும் அதன் அனைத்து வழிகளையும் தடைசெய்துள்ளான். ஓர் அடியான் விபச்சாரத்தில் ஈடுபட்டால் ஏனைய பாவங்களுக்காக ரோசப்படுவதை விடக் கடுமையாகப் பன்மடங்கு இதற்காக ரோசப்படுகின்றான், அது போன்றுதான் ஒரு பால் புணர்ச்சியும். இது மிக மிகக் கொடூரமானதாகும், இதனால்தான் விபச்சாரத்தை விடக் கொடிய பாவமாக அல்லாஹ் அதனை ஆக்கியுள்ளான். அது போலவே திருட்டு, மது அருந்துதல் மற்றும் அனைத்து ஹராமானவைகள் மீதும் அல்லாஹ் ரோசப்படுகின்றான். இருப்பினும் பாவத்தின் கொடூரம், அதனால் ஏற்படும் விபரீதத்திற்கேற்ப சில பாவங்களை விட சில பாவங்கள் மீதான ரோசம் கடுமையாக இருக்கின்றது.
ஹதீஸிலிருந்து பெறப்பட்ட சில பயன்கள்
- தடுக்கப்பட்ட பாவங்களை விட்டும் தூர விலகி நிற்றல் அவசியமாகும், ஏனெனில் இவை அல்லாஹ்வின் கோபத்தை ஏற்படுத்துகின்றது.
- அல்லாஹ்வின் கண்ணியத்திற்கும், தகுதிக்கும் ஏற்றவாறு அவன் ரோசப்படுகின்றான்.
- அல்லாஹ்வின் தடைகள் மீறப்படும் போது அவனது கோபம், தண்டனையை அஞ்சி அவதானமாக செயற்படல்.
பிரிவுகள்
மேலதிக விபரங்களுக்கு
- ஹதீஸ்: வணக்கத்திற்குரியவன் அல்லாஹ்வைத் தவிர வேறெவருமில்லை' என்றும் 'முஹம்மது அல்லாஹ்வின் அடியாரும் அவனுடைய தூதரும் ஆவார்' என்றும் 'ஈஸா(அலை) அவர்கள் அல்லாஹ்வின் அடியாரும அவனுடைய தூதரும் ஆவார்' என்றும், 'அல்லாஹ் மர்யமை நோக்கிச் சொன்ன ('ஆகுக!' என்னும்) ஒரு வார்ததை(யால் பிறந்தவர்)' என்றும், 'அவனிடமிருந்து (ஊதப்பட்ட) ஓர் உயிர்' என்றும், சொர்க்கம், நரகம் (இருப்பது) உண்மை தான்' என்றும், (சொல்லால் உரைத்து, உள்ளத்தால் நம்பி) உறுதிமொழி கூறுகிறவரை அல்லாஹ் அவரின் செயல்களுக்கேற்ப சொர்க்கத்தில் புகுத்துவான்'
- ஹதீஸ்: அல்லாஹ் (ஒருவர் செய்யும்) நல்ல செயல்களையும், தீய செயல்களையும் எழுதிக் கொள்கிறான். அதற்கு மேல் அவன் அதனை விளக்கியும் இருக்கிறான். ஒருவர் நல்ல செயலை செய்ய நினைத்து அதை செய்து முடிக்க முடியாவிட்டாலும் அல்லாஹ் அதை ஒரு முழுமையான நல்ல செயலாக எழுதிக் கொள்கின்றான். ஒருவர் ஒரு நல்ல செயலைச் செய்ய நினைத்து, அதைச் செய்தும் முடிப்பாரேயானால் அல்லாஹ் அதை பத்து முதல் எழுநூறு தடவை அல்லது அதற்கும் பன்மடங்கு அதிகமானதாக குறித்துக் கொள்கிறான்.
- ஹதீஸ்: நிச்சயமாக அல்லாஹ் உங்களது உடலையோ, தோற்றத்தையோ பார்ப்பதில்லை, இருப்பினும் உங்களது உள்ளங்களையும், செயல்களையுமே பார்க்கின்றான்.
- ஹதீஸ்: ஒரு நாள் நாங்கள் எல்லோரும் நபி (ஸல்) அவர்களுடன் உட்கார்ந்திருந்தோம். அப்போது எங்கள் முன் ஒருவர் வந்து நின்றார். அவருடைய ஆடைகள் மிகைத்த வெளுமையுடன் காணப்பட்டன. அவருடைய தலைமுடி மிகைத்த கருமை நிறத்துடன் காணப்பட்டது. பயணம் செய்ததற்கான அறிகுறிகள் எதுவும் அவரிடம் காணப்படவில்லை. எங்களில் யாருக்கும் அவரைத் தெரியாது.
- ஹதீஸ்: எனது அடியார்களே, மக்களுக்கு அநீதி இழைப்பதை எனக்கு நானே தடை செய்திருக்கின்றேன். (அதுபோலவே) அதை உங்களுக்கும் தடை செய்திருக்கின்றேன். எனவே நீங்கள் அநீதி இழைத்துக் கொள்ளாதீர். எனது அடியார்களே, நான் நேர்வழி காட்டியவர்களைத் தவிர, நீங்கள் அனைவரும் வழி தவறியவர்கள். எனவே, என்னிடம் நேர்வழிகாட்டக் கோருங்கள், நான் நேர்வழி காட்டுவேன்.
- ஹதீஸ்: நிச்சயமாக அல்லாஹ் அநியாக்காரனை தண்டிப்பதில் அவகாசம் வழங்குகிறான்.அவனை தண்டித்தால் அவனை விடவும் மாட்டான்
- ஹதீஸ்: இரக்கமுள்ளவர்களுக்கு ரஹ்மானாகிய அல்லாஹ் இரக்கம் காட்டுவான், பூமியிலுள்ளவர்களுக்கு இரக்கம் காட்டுங்கள், வானிலுள்ளவன் உங்களுக்கு இரக்கம் காட்டுவான்.