ဟဒီးဆ်: ငါကိုယ်တော်သည် အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် အမိန့်ပေးခြင်းခံခဲ့ရသည်။
«أُمِرْتُ أَنْ أَسْجُدَ عَلَى سَبْعَةِ أَعْظُمٍ: عَلَى الْجَبْهَةِ وَأَشَارَ بِيَدِهِ عَلَى أَنْفِهِ، وَالْيَدَيْنِ، وَالرُّكْبَتَيْنِ، وَأَطْرَافِ الْقَدَمَيْنِ، وَلَا نَكْفِتَ الثِّيَابَ وَالشَّعَرَ».
[صحيح] - [متفق عليه] - [صحيح البخاري: 812]
المزيــد ...
အစ်ဗ်နုအဗ္ဗာစ် (ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။
ငါကိုယ်တော်သည် အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် အမိန့်ပေးခြင်းခံခဲ့ရသည်။ နဖူး၊ (ကိုယ်တော်သည် မိမိ၏လက်ဖြင့် မိမိနှာခေါင်းအား ညွှန်ပြခဲ့သည်။) လက်နှစ်ဖက်၊ ဒူးနှစ်ဖက်နှင့် ခြေထောက်နှစ်ဖက်၏ ခြေချောင်းများဖြစ်သည်။ ထို့နောက် ကျွန်တော်တို့သည် အဝတ်များ၊ ဆံပင်များကို စုပြီးကိုင်မထားရန် အမိန့်ပေးခြင်းခံရသည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။] - [صحيح البخاري - 812]
ဆွလာသ်ဝတ်ပြုသည့်အခါ ခန္ဓာကိုယ်၏အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် အလ္လာဟ်အရှင်မြတ်က မိမိအား အမိန့်ပေးထားကြောင်းကို တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က ရှင်းပြတော်မူခဲ့သည်။ ၎င်းတို့မှာ-
ပထမ - နဖူးဖြစ်သည်။ ၎င်းသည် နှာခေါင်းနှင့် မျက်လုံးအထက် မျက်နှာအပေါ်ပိုင်းနေရာဖြစ်သည်။ ထို့နောက် ကိုယ်တော်မြတ် (ဆွလ္လလ္လာဟုအလိုင်းဟိဝစလ္လမ်)က နဖူးနှင့် နှာခါင်းသည် အရိုးအဆစ်ခုနှစ်အနက် တစ်ခုသာဖြစ်ကြောင်းကို ရှင်းပြရန်နှင့် စဂ်ျဒဟ်ဦးချသူသည် မိမိနှာခါင်းကို မြေကြီးဖြင့်ထိထားရန် လိုအပ်ကြောင်းကို အလေးထားမိစေရန်အတွက် မိမိ၏လက်ဖြင့် မိမိနှာခေါင်းအား ညွှန်ပြတော်မူခဲ့သည်။
ဒုတိယနှင့် တတိယအဆစ်အပိုင်းမှာ လက်နှစ်ဖက်ဖြစ်သည်။
စတုတ္ထနှင့် ပဉ္စမမှာ ဒူးနှစ်ဖက်ဖြစ်သည်။
ဆဌမနှင့် သတ္တမမှာ ခြေထောက်နှစ်ဖက်၏ ခြေချောင်းများဖြစ်သည်။
ထို့နောက် ဦးချသည့်အခါ မြေပေါ်မကျစေရန်အတွက် ဆံပင်ကိုစု၍ ချည်ထားခြင်း၊ အဝတ်များကိုစု၍ကိုင်ထားခြင်း မပြုရန်နှင့် ထိုအစား ဦးချသည့်အခါ ခန္ဓာကိုယ်အစိတ်ပိုင်းများနှင့်အတူ ၎င်းတို့ပါမြေပေါ်ကျနေစေရန်အတွက် လွှတ်ထားရန် ကိုယ်တော်က ကျွန်တော်တို့အား အမိန့်ပေးတော်မူခဲ့သည်။
ဟဒီးဆ်မှ သိမှတ်ဖွယ်ရာများ
- ဆွလာသ်၌ အရိုးအဆစ်ခုနှစ်ခုပေါ်တွင် စဂ်ျဒဟ်ဦးချရန် “ဝါဂျိဗ်”တာဝန်ဖြစ်သည်။
- ဆွလာသ်အတွင်း၌ အဝတ်အစားနှင့် ဆံပင်ကို စု၍ကိုင်ထားခြင်း ‘မက္ကရူဟ်’မနှစ်မြို့ဖွယ်ရာဖြစ်သည်။
- ဆွလာသ်ဝတ်ပြုသူသည် ဆွလာသ်ကို တည်ငြိမ်အေးချမ်းစွာ ဝတ်ပြုရမည်။ ထို့ကြောင့် စဂ်ျဒဟ်ပြုရမည့်အစိတ်အပိုင်း ခုနှစ်ခုစလုံးကို မြေပေါ်တွင်ချကာ တည်ငြိမ်စွာဖြင့် သတ်မှတ်ထားသည့် ဇိက်ရ်ကို ရွတ်ဆိုရမည်ဖြစ်သည်။
- ဆံပင်ကို စု၍ထုံးခြင်းအား တားမြစ်ခြင်းသည်အမျိုးသားများအတွက်သာဖြစ်ပြီး အမျိုးသမီးများအတွက် မဟုတ်ပါ။ အဘယ်ကြောင့်ဆိုသော် အမျိုးသမီးများသည် ဆွလာသ်၌ ဖုံးအုပ်ထားရန် အမိန့်ပေးခြင်းခံထားရသည်။
كراهية جَمْعِ وضَمِّ الثَّوب والشَّعَر في الصلاة.ماحكمها
كراهية جَمْعِ وضَمِّ الثَّوب والشَّعَر في الصلاة.ماحكمها
كراهية جَمْعِ وضَمِّ الثَّوب والشَّعَر في الصلاة.ماحكمها
كراهية جَمْعِ وضَمِّ الثَّوب والشَّعَر في الصلاة.ماحكمها
ထပ်၍
- ဟဒီးဆ်: မည်သူမဆိုဟဂ်ျပြုရာတွင် ကာမဂုဏ်နှင့်သက်ဆိုင်သည့် ညစ်ညမ်းသောစကားကိုလည်းမပြောဆို၊ အပြစ်ကျူးလွန်ခြင်းလည်း မရှိခဲ့သော် ၎င်းသည် သူ၏မိခင်က သူ့အား မွေးဖွားခဲ့သည့်နေ့ကအတိုင်း (အပြစ်ကင်းစင်သူအဖြစ်)ပြန်ရောက်လာမည်။
- ဟဒီးဆ်: ငါကိုယ်တော်သည် အသင်တို့အား အလွန်ကြီးလေးသော ပြစ်မှုကြီးများနှင့် ပတ်သက်ပြီး သတင်းမပေးရဘူးလား။
- ဟဒီးဆ်: အကယ်၍ လူတစ်ဦးသည် မိမိ၏ ညီနောင်အား ချစ်ခင်ပါက ၎င်းအား ချစ်ခင်ကြောင်း အသိပေးပါ။
- ဟဒီးဆ်: (ကဗီရဟ်)ပြစ်မှုကြီးများမှာ (၁) အလ္လာဟ်အရှင်မြတ်နှင့် ရှိရ်က်ပြုခြင်း (၂) မိဘနှစ်ပါး၏ အမိန့်ကို ဖီဆန်ခြင်း (၃) အသက်ဇီဝိန်ကို သတ်ဖြတ်ခြင်း (၄) မုသားကျိန်ဆိုခြင်း တို့ဖြစ်သည်။
- ဟဒီးဆ်: ကျွန်ုပ်တို့သည် ခက်ခဲသည့်အခါတွင်ဖြစ်စေ၊ လွယ်ကူသည့်အခါတွင်ဖြစ်စေ၊နှစ်သက်သည်ဖြစ်စေ၊ မနှစ်သက်သည်ဖြစ်စေ၊ ကျွန်တို့ထက်ပိုပြီး ဦးစားပေးခံရသည်ဖြစ်စေ နာခံမည်ဖြစ်ကြောင်းနှင့် အာဏာပိုင်တို့အား ပုန်ကန်မည်မဟုတ်ကြောင်း အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)ထံ၌ ပဋိညာဉ်ပြုခဲ့ကြသည်။
- ဟဒီးဆ်: အစားအသောက် အသင့်ရောက်ရှိနေသောအခါ ဆွလာသ်မဆောက်တည်ရ၊ကျင်ကြီး၊ ကျင်ငယ်ကို ချုပ်တည်း၍ ဆွလာသ် မဆောက်တည်ရ။
- ဟဒီးဆ်: သောကြာနေ့ အိမာမ်ခုသ်ဗဟ် မိန့်ခွန်းပြောနေစဉ် သင့်နံဘေးတွင်ရှိသော သူကိုဆိတ်ဆိတ်နေပါဟု အသင်ပြောဆိုလျှင် အမှန်တကယ် အသင်သည် အချည်းနှီးအပြုအမူတစ်ခုကို ပြုလုပ်လိုက်ခြင်းဖြစ်သည်။