ဟဒီးဆ်: ယဟူဒီ(ဂျူး)များသည် အလ္လာဟ်အရှင်မြတ်၏အမျက်တော်ရှခြင်းခံရသူများဖြစ်ပြီး နဆ်ွရာနီ(ခရစ်ယာန်)များသည် လမ်းလွဲနေသူများဖြစ်ကြသည်။

عن عدي بن حاتم عن النبي صلى الله عليه وسلم قال: (اليهود مغضوب عليهم، والنصارى ضُلَّال).
[صحيح] - [رواه الترمذي]

အဒီဗင်န်ဟာသင်မ်(ရဿွိယလ္လာဟုအန်ဟု)က ဆင့်ပြန်ပြောကြားခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)မိန့်တော်မူသည်။ ယဟူဒီ(ဂျူး)များသည် အလ္လာဟ်အရှင်မြတ်၏အမျက်တော်ရှခြင်းခံရသူများဖြစ်ပြီး နဆ်ွရာနီ(ခရစ်ယာန်)များသည် လမ်းလွဲနေသူများဖြစ်ကြသည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [သိရ်မိဇီကျမ်း။]

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)မိန့်တော်မူသည်။ယဟူဒီ(ဂျူး)များသည် အလ္လာဟ်အရှင်မြတ်၏အမျက်တော်ရှခြင်းခံရသူများဖြစ်ကြပြီး ၎င်းတို့သည်နဗီတမန်တော်များ၊ မုအ်မင်န် သက်ဝင်ယုံကြည်သူများ၊ မလာအိကဟ်(ကောင်းကင်တမန်) များ၏ အမျက်ထွက်ခြင်းခံရသူများလည်းဖြစ်ကြသည်။ နဆ်ွရာနီ(ခရစ်ယာန်)များသည် လမ်းမှားသူများဖြစ်ကြသည်။ ဤသည် အလ္လာဟ်အရှင်မြတ်၏ မိန့်ကြားတော်မူထားသည့် ‘စူရဟ်ဖာသိဟဟ်’တွင်ပါရှိသော {.غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ }၏ သဖ်စီးရ်အကျယ်ဖွင့်ဆိုချက်ဖြစ်သည်။ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က အမျက်တော်ရှခြင်းခံရသူများသည် ယဟူဒီ(ဂျူး)များဖြစ်ပြီး လမ်းလွဲနေသူများသည် နဆ်ွရာနီ(ခရစ်ယာန်)များဖြစ်ကြောင်း ရှင်းပြတော်မူခဲ့သည်။ ကျွန်တော်တို့သည်နေ့စဉ်နေ့တိုင်း ဆွလာသ်ထဲ၌ ကျွန်တော်တို့အား ဖြောင့်မတ်မှန်ကန်သည့် တရားလမ်းမှန်ကို ညွှန်ကြားပြသတော်မူရန်နှင့် ယဟူဒီများ၊ နဆွ်ရာနီများ၏ လမ်းစဉ်အတိုင်းနောက်လိုက်သူများမဖြစ်စေရန် အလ္လာဟ်အရှင်မြတ်ထံတော်တွင် တောင်းခံကြသည်။သို့ဖြစ်၍ မည်သည့်မွတ်စ်လင်မ်မဆို အသိပညာရှိပြီးထိုပညာနှင့်ဆန့်ကျင်ဘက်လျှောက်လှမ်းပါက ၎င်းသည် ယဟူဒီနှင့်တူပြီး မည်သည့်မွတ်စ်လင်မ်မဆို အသိပညာမရှိဘဲ ခဝပ်ကိုးကွယ်မှုပြုပါက ၎င်းသည် နဆ်ွရာနီနှင့်တူမည်ဖြစ်သည်။