Хадис: „Секој кој ќе ги сокрие недостатоците на друг роб во овој свет, Аллах ќе ги сокрие неговите на Судниот ден.“

عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لَا يَسْتُرُ عَبْدٌ عَبْدًا فِي الدُّنْيَا إِلَّا سَتَرَهُ اللهُ يَوْمَ الْقِيَامَةِ».
[صحيح] - [رواه مسلم] - [صحيح مسلم: 2590]

Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„Секој кој ќе ги сокрие недостатоците на друг роб во овој свет, Аллах ќе ги сокрие неговите на Судниот ден.“
[صحيح] - [رواه مسلم] - [صحيح مسلم - 2590]

Објаснување

Божјиот пратеник, салаллаху алејхи ве селем, објаснува дека нема муслиман кој ќе прикрие некој недостаток на неговиот брат, а на истиот Аллах да не му ги покрие недостатоците на Судниот ден, бидејќи, наградата е од ист вид како и делото. Аллаховото покривање може да значи сокривање на неговите недостатоци и гревови, без да ги обзнани пред луѓето на Судниот ден, а може и така што нема да го повика на одговорност за нив, ниту да го потсети на нив.

من فوائد الحديث

1. Пропишаноста на прикривањето на муслиманот ако направи грев, но со истовремено негодување на неговото дело, советување и потсетување да се плаши од Аллах. Сепак, ако се работи за човек кој е познат по расипаност и кој јавно прави гревови, тогаш не треба да се сокрива неговото дело, бидејќи тоа само ќе го охрабри да продолжи. Наместо тоа, неговиот случај треба да се пријави кај надлежните органи, дури и ако е потребно да се спомне неговото име, бидејќи тој отворено ги покажува своите гревови и расипништво.
2. Поттик за сокривање на грешките на другите.
3. Од користите на покривањето е да му се даде можност на грешникот да се преиспита и да се покае пред Аллах. Објавувањето на недостатоците и срамните дела доведува до ширење на гревовите, нарушување на јавниот ред и поттикнување на другите да ги следат тие постапки.