Xaddiis: waxaan ahaa nin Madi badan Nabigana scw waan ka xishoon jiray, waayo gabadhiisaan qabay, waxaan faray Miqdaad Binu Aswad, wuuna su`aalay wuxuuna yiri: xubintiisa taranka ha dhaqo hana wayso qaato
عَنْ عَلِيٍّ رضي الله عنه قَالَ:
كُنْتُ رَجُلًا مَذَّاءً وَكُنْتُ أَسْتَحْيِي أَنْ أَسْأَلَ النَّبِيَّ صَلَّى اللهُ عَلَيْهِ وَسَلَّمَ لِمَكَانِ ابْنَتِهِ فَأَمَرْتُ الْمِقْدَادَ بْنَ الْأَسْوَدِ فَسَأَلَهُ فَقَالَ: «يَغْسِلُ ذَكَرَهُ وَيَتَوَضَّأُ».
وَلِلبُخَاريِّ: فَقَالَ: «تَوَضَّأْ وَاغْسِلْ ذَكَرَكَ».
[صحيح] - [متفق عليه] - [صحيح مسلم: 303]
المزيــد ...
Cali Binu Abii Daalib -Allaha ka raali ahaadee- wuxuu yiri:
waxaan ahaa nin Madi badan Nabigana scw waan ka xishoon jiray, waayo gabadhiisaan qabay, waxaan faray Miqdaad Binu Aswad, wuuna su`aalay wuxuuna yiri: xubintiisa taranka ha dhaqo hana wayso qaato.Bukhaarina waxaa ka sugnaaday: wuxuu yiri:
"waysayso oo dhaq xubintaada taranka."
[Xadiis Saxiix ah] - [Xadiis la isku waafaqay] - [Saxiix Muslim - 303]
Cali Binu abii Daalib -Allaha ka raali ahaadee- ayaa sheegay in Madi badani ka imaan jirtay - Madidu waa biyo cad oo khafiif ah is jiidanaya, oo xubinta taranka kasoo baxa marka dareenka qofku jiro ama galmada ka hor-, mana garan waxa uu samaynayo marka ay kasoo baxdo madidu, wuxuuna ka xishooday inuu waydiiyo Nabiga-naxariis iyo nabadi korkiisa ha ahaatee-, waayo waa sayga Faadumo oo inanta Nabiga ah-naxariis iyo nabadi korkiisa ha ahaate. wuxuu waydiistay Miqdaad Binu Aswad inuu Nabiga waydiiyo arinkaa. Wuxuuna ugu jawaabay Nabigu-naxariis iyo nabadi korkiisa ah ahaate- inuu dhaqo xubintiisa taranka ka dibna waysaysto.
Faa'iidooyinka xaddiiska laga faa'iideysanayo waxaa kamid ah.
- Xaddiiska waxaa ku cad fadliga Cali Binu Abii Daalib-Allaha ka raali ahaadee-, xishoodku umadiidin su'aasha uu Suubanaha waydiin lahaa, oo qof kaluu u adeegsaday si uu u helo jawaabta Nabiga-naxariis iyo nabadi korkiisa ha ahaate-.
- way banaan tahay in qof kale loo wakiisho su'aal cilmiyeedka fatwada ah.
- Way banaan tahay inuu qofku iska waramo oo u sheegto qof kale wax uu ka xishoonayo oo ay danta iyo maslaxadu keentay.
- waa nijaas madidu, waxaana waajib ah in laga dhaqo jirka iyo dharkaba.
- madida oo qofka ka timaada waa wax yaabaha waysada buriya.
- waxaa waajib ah in ladhaqo xubinta taranka iyo xiniinyaha sida xaddiis kale kusoo aroortay.