عن عبد الله بن عباس رضي الله عنهما أنه قال لعطاء بن أبي رباح: ألاَ أُريكَ امرأةً مِن أَهلِ الجَنَّة؟ قال عطاء: فَقُلت: بَلَى، قال: هذه المرأة السَّوداء أَتَت النَّبي صلى الله عليه وسلم فقالت: إِنِّي أُصرَع، وإِنِّي أَتَكَشَّف، فَادعُ الله تعالى لِي، قال: «إِن شِئتِ صَبَرتِ ولَكِ الجَنَّةُ، وَإِن شِئْتِ دَعَوتُ الله تعالى أنْ يُعَافِيك» فقالت: أَصبِرُ، فقالت: إِنِّي أَتَكَشَّف فَادعُ الله أَن لاَ أَتَكَشَّف، فَدَعَا لَهَا.
[صحيح] - [متفق عليه]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عبداللەی کوڕی عەباسەوە -ڕەزای خوایان لێبێت- کە بە عەتائی کوڕی ڕەباحی ووت: «ئایا ئافرەتێکی ئەهلی بەهەشتت پێ نیشان بدەم؟». (عەتائیش) ووتی: بەڵێ (پێمی نیشان بدە)، ئەویش (ئیبن عەباس) ووتی: «ئەم ئافرەتە پێست ڕەشە هات بۆ لای پێغەمبەر -صلى اللە علیە وسلم-، و ووتی: من تووشی فێ (پەڕکەم) دەبم، ولاشەم دەردەکەوێت، داوا لە خواى گەورە بکە شیفام بدات، ئەویش -صلى اللە علیە وسلم- فەرمووی: «ئەگەر دەتەوێت ئارام بگریت؛ ئەوا دەچیتە بەهەشتەوە، وئەگەر دەتەوێت نزات بۆ دەکەم بۆ ئەوەى خوای گەورە شیفات بۆ بنێرێت»، ئەویش (ئافرەتەکە) ووتی: ئارام دەگرم، بەڵام لاشەم دەردەکەوێت (لە کاتی ڕوودانی ئەو نەخۆشییە) بۆیە داوام لە خودا بکە بۆ ئەوەى لاشەم دەرنەکەوێت. (ئیبن عەباس) دەڵێت: ئەویش (پێغەمبەر -صلى اللە علیە وسلم-) نزای بۆ کرد.
صەحیحە - بوخاری و موسلیم هاوڕان لەسەری

شیکردنەوە

لەم فەرموودەیەدا ئیبن عەباس -ڕەزای خوایان لێبێت- بە قوتابیەکی بە ناوى عەتائی کوڕی ڕەباحی ووت: (ئایا ئافرەتێکی ئەهلی بەهەشتت پێ نیشان بدەم؟) ئەویش ووتی: بەڵێ، (پێمی نیشان بدە)، ئیبن عەباس ووتی: (ئەم ئافرەتە پێست ڕەشە): ئافرەتێکی نەناسراوە کە تووشی فێ (پەڕکەم) دەبوو وهەندێک بەشی لاشەی دەردەکەوت، بۆیە ئافرەتەکە ئەمەى بۆ پێغەمبەر -صلى اللە علیە وسلم- باسکرد وداواى لێکرد کە نزای بۆ بکات بۆ ئەوەى خودا شیفای بدات لەم نەخۆشییە، ئەویش -صلى اللە علیە وسلم- پێی فەرموو: (ئەگەر دەتەوێت ئارام بگریت؛ ئەوا دەچیتە بەهەشتەوە، وئەگەر دەتەوێت نزات بۆ دەکەم بۆ ئەوەی خوای گەورە شیفات بۆ بنێرێت)، ئەویش (ئافرەتەکە) ووتی: ئارام دەگرم، ئەگەرچیش تووشی ناڕەحەتی وئازار دەبێت بەهۆی ئەم نەخۆشیەوە بۆ ئەوەى چوونە بەهەشت بەدەست بهێنێت، بەڵام ووتی: ئەی پێغەمبەری خودا، لە کاتی ئەم نەخۆشیەدا من هەندێک لاشەم دەردەکەوێت -چونکە کاتێک دەکەوێت بەسەر زەویدا ئاگای لە خۆی نامێنێت-، بۆیە نزام بۆ بکە کە لاشەم دەرنەکەوێت، بۆیە نزای بۆی کرد بۆ ئەوەى لاشەی دەرنەکەوێت لە کاتى ئەم نەخۆشیەدا، بۆیە کاتێک تووشی فێ بووایە لاشەی دەرنەدەکەوت.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی فارسی تاگالۆگ هیندی ڤێتنامی
پیشاندانی وەرگێڕانەکان
زیاتر