Hadith: “ប្រសិនបើនាងចង់ សូមនាងអត់ធ្មត់ នាងនឹងបានចូលឋានសួគ៌។ តែប្រសិនបើនាងចង់(ជាសះស្បើយ) ខ្ញុំនឹងបួងសួងសុំពីអល់ឡោះឲ្យនាងបានជាសះស្បើយ”

عَنِ ابْنِ عَبَّاسٍ رضيَ اللهُ عنهما:
أنَّهُ قَالَ لعَطَاءِ بْنِ أَبِي رَبَاحٍ: أَلَا أُرِيكَ امْرَأَةً مِنْ أَهْلِ الْجَنَّةِ؟ قُلْتُ: بَلَى، قَالَ: هَذِهِ الْمَرْأَةُ السَّوْدَاءُ، أَتَتِ النَّبِيَّ صَلَّى اللهُ عَلَيْهِ وَسَلَّمَ، قَالَتْ: إِنِّي أُصْرَعُ وَإِنِّي أَتَكَشَّفُ، فَادْعُ اللهَ لِي، قَالَ: «إِنْ شِئْتِ صَبَرْتِ وَلَكِ الْجَنَّةُ، وَإِنْ شِئْتِ دَعَوْتُ اللهَ أَنْ يُعَافِيَكِ» قَالَتْ: أَصْبِرُ، قَالَتْ: فَإِنِّي أَتَكَشَّفُ فَادْعُ اللهَ أَنْ لَا أَتَكَشَّفَ، فَدَعَا لَهَا.
[صحيح] - [متفق عليه] - [صحيح مسلم: 2576]

អំពី អ៊ិពនូអាប់ហ្ពាស رضي الله عنهما ពិតណាស់ គាត់បាននិយាយទៅកាន់ អាតក ពិន អាពូរ៉ហ្ពាហ ថា៖
តើអ្នកចង់ឲ្យខ្ញុំបង្ហាញពីស្ត្រីម្នាក់ក្នុងចំណោមស្ត្រីនៅក្នុងឋានសួគ៌ឬទេ? ខ្ញុំបានឆ្លើយថា៖ ពិតមែនហើយ។ គាត់ក៏និយាយថា៖ គឺស្ត្រីខ្មៅម្នាក់នេះ។ នាងបានមកជួបណាពី ﷺ ហើយនិយាយថា៖ ខ្ញុំមានជំងឺឆ្កួតជ្រូក ហើយ(ពេលវាកើតឡើងម្តងៗ)ខ្ញុំតែងធ្វើឲ្យរាងកាយរបស់ខ្ញុំលេចចេញក្រៅ។ ហេតុនេះ សូមលោកសុំពីអល់ឡោះឲ្យខ្ញុំ(បានជាសះស្បើយ)ផង។ រ៉ស៊ូលុលឡោះបានមានប្រសាសន៍ថា៖ “ប្រសិនបើនាងចង់ សូមនាងអត់ធ្មត់ នាងនឹងបានចូលឋានសួគ៌។ តែប្រសិនបើនាងចង់(ជាសះស្បើយ) ខ្ញុំនឹងបួងសួងសុំពីអល់ឡោះឲ្យនាងបានជាសះស្បើយ”។ ស្ត្រីនោះនិយាយថា៖ ខ្ញុំនឹងអត់ធ្មត់។ នាងបានបន្តថា៖ ប៉ុន្តែ(ពេលវាកើតឡើងម្តងៗ)ខ្ញុំធ្វើឲ្យរាងកាយរបស់ខ្ញុំលេចចេញក្រៅ។ ហេតុនេះ សូមលោកបួងសួងសុំពីអល់ឡោះកុំឲ្យខ្ញុំធ្វើឲ្យរាងកាយរបស់ខ្ញុំលេចចេញក្រៅផង។ ពេលនោះ លោកក៏បានបួងសួងពីអល់ឡោះឲ្យនាង។
[صحيح] - [متفق عليه] - [صحيح مسلم - 2576]

Explanation

អ៊ិពនូអាប់ហ្ពាស رضي الله عنهما បាននិយាយទៅកាន់ អាតក ពិន អាពូរ៉ហ្ពាហ ថា៖ តើអ្នកចង់ឲ្យខ្ញុំបង្ហាញពីស្ត្រីម្នាក់ក្នុងចំណោមស្ត្រីឋានសួគ៌ឬទេ? អាតកបានឆ្លើយថា៖ បាទចង់។ អ៊ិពនូអាប់ហ្ពាសក៏និយាយថា៖ គឺស្ត្រីស្បែកខ្មៅជនជាតិអេត្យូពីម្នាក់នេះ។ នាងបានមកជួបណាពី ﷺ ហើយនិយាយថា៖ ពិតណាស់ ខ្ញុំមានជំងឺឆ្កួតជ្រូក ហើយពេលវាកើតឡើងម្តងៗ ខ្ញុំតែងធ្វើឲ្យរាងកាយរបស់ខ្ញុំលេចចេញក្រៅដោយមិនដឹងខ្លួនឡើយ។ ហេតុនេះ សូមលោកសុំពីអល់ឡោះឲ្យខ្ញុំបានជាសះស្បើយផង។ រ៉ស៊ូលុលឡោះបានមានប្រសាសន៍ថា៖ ប្រសិនបើនាងអត់ធ្មត់ នាងនឹងបានចូលឋានសួគ៌។ តែបើនាងមិនចង់បានដូចនោះទេ ខ្ញុំនឹងបួងសួងសុំពីអល់ឡោះឲ្យនាងបានជាសះស្បើយ។ ស្ត្រីនោះបានតបថា៖ បើដូច្នេះ ខ្ញុំនឹងអត់ធ្មត់។ បន្ទាប់មក នាងបាននិយាយថា៖ ប៉ុន្តែសូមលោកបួងសួងសុំពីអល់ឡោះកុំឲ្យខ្ញុំធ្វើឲ្យរាងកាយរបស់ខ្ញុំលេចចេញក្រៅពេលវាកើតឡើងម្តងៗផង។ ពេលនោះ លោកក៏បានបួងសួងពីអល់ឡោះឲ្យនាង។

Benefits from the Hadith

1. ការអត់ធ្មត់ចំពោះគ្រោះដែលខ្លួនជួបប្រទះក្នុងលោកិយនាំឲ្យបានចូលឋានសួគ៌។
2. អាន់ណាវ៉ាវី បាននិយាយថា៖ ក្នុងហាទីស្ហនេះបង្ហាញថា អ្នកដែលកើតជំងឺឆ្កួតជ្រូក គឺគេនឹងផ្តល់ផលបុណ្យយ៉ាងពេញលេញដល់ជននោះ។
3. ភាពបរិសុទ្ធ និងការខ្មាសអៀនរបស់បណ្តាសហាហ្ពាត់ដែលជាស្ត្រី رضي الله عنهن និងការយកចិត្តទុកដាក់របស់ពួកនាងលើការបិទបាំងរាងកាយ។ ជាការពិតណាស់ ចំពោះស្ត្រីខាងលើ អ្វីដែលនាងបារម្ភខ្លាចជាងគេបំផុត គឺការលេចចេញផ្នែកណាមួយនៃរាងកាយរបស់នាងមកខាងក្រៅ។
4. អ៊ិពនូហាជើរ បាននិយាយថា៖ ការទទួលយកវិធីសាស្រ្តដ៏តឹងរ៉ឹងគឺប្រសើរជាងការទទួលយកវិធីសាស្រ្តធូររលុង សម្រាប់អ្នកដែលដឹងថាគេមានសមត្ថភាព និងមិនខ្សោយពេកក្នុងការប្រកាន់ខ្ជាប់ចំពោះវិធីសាស្រ្តដេលតឹងរឹង។
5. អ៊ិពនូហាជើរ បាននិយាយថា៖ ហាទីស្ហនេះបញ្ជាក់ថា ការព្យាបាលជំងឺទាំងឡាយតាមរយៈការបួងសួង និងការសុំជ្រកកោនទៅកាន់អល់ឡោះ គឺមានប្រសិទ្ធិភាព និងផលប្រយោជន៍ជាងការប្រើថ្នាំ ហើយឥទ្ធិពល និងប្រតិកម្មរបស់រាងកាយចំពោះវាគឺធំជាងឥទ្ធិពលនៃថ្នាំផងដែរ។ ហើយវាមានប្រសិទ្ធភាពទៅបានគឺទាល់តែមានពីរយ៉ាង៖ ទីមួយ ចំពោះមូលហេតុគឺត្រូវមានចេតនាពិតប្រាកដក្នុងការយកវាជាមូលហេតុ និងទីពីរ សម្រាប់អ្នកជំងឺគឺត្រូវប្រគល់ខ្លួន និងកម្លាំងចិត្តរបស់គេ ដោយការគោរព និងការជឿទុកចិត្តឲ្យមុតមាំ ទៅចំពោះអល់ឡោះ។ والله أعلم
6. អ៊ិពនូហាជើរ បាននិយាយថា៖ ហាទីស្ហនេះជាភស្តុតាងនៃការអនុញ្ញាតឲ្យបោះបង់ការព្យាបាល។