1. Дома
  2. Категории
  3. Акида (исламско верување)

Хадис ,Ако сакаш, биди трпелива, и ќе го добиеш Џенетот. А ако сакаш, ќе се помолам Аллах да те излекува.‘

عَنِ ابْنِ عَبَّاسٍ رضيَ اللهُ عنهما:
أنَّهُ قَالَ لعَطَاءِ بْنِ أَبِي رَبَاحٍ: أَلَا أُرِيكَ امْرَأَةً مِنْ أَهْلِ الْجَنَّةِ؟ قُلْتُ: بَلَى، قَالَ: هَذِهِ الْمَرْأَةُ السَّوْدَاءُ، أَتَتِ النَّبِيَّ صَلَّى اللهُ عَلَيْهِ وَسَلَّمَ، قَالَتْ: إِنِّي أُصْرَعُ وَإِنِّي أَتَكَشَّفُ، فَادْعُ اللهَ لِي، قَالَ: «إِنْ شِئْتِ صَبَرْتِ وَلَكِ الْجَنَّةُ، وَإِنْ شِئْتِ دَعَوْتُ اللهَ أَنْ يُعَافِيَكِ» قَالَتْ: أَصْبِرُ، قَالَتْ: فَإِنِّي أَتَكَشَّفُ فَادْعُ اللهَ أَنْ لَا أَتَكَشَّفَ، فَدَعَا لَهَا.

Ибн Абас, Аллах нека е задоволен со него и со неговиот татко, раскажува:
Му реков на Ата бин ебу Рабах: „Сакаш ли да ти покажам една жена од жителите на Џенетот?“ Тој рече: „Сакам.“ Ибн Абас рече: „Оваа црна жена. Таа дојде кај Божјиот пратеник, салаллаху алејхи ве селем, и рече: ,Ми се случуваат напади (паѓам во бесвест), и тогаш ми се открива телото. Замоли Го Аллах за мене.‘ Пратеникот, салаллаху алејхи ве селем, ѝ рече: ,Ако сакаш, биди трпелива, и ќе го добиеш Џенетот. А ако сакаш, ќе се помолам Аллах да те излекува.‘ Таа рече: ,Ќе бидам трпелива. Но, кога ќе имам напад, телото ми се открива – замоли Го Аллах да не се откривам.‘ Тогаш Божјиот пратеник, салаллаху алејхи ве селем, се помоли за неа.“

صحيح متفق عليه صحيح مسلم - 2576

Објаснување

Ибн Абас, Аллах нека е задоволен со него и со неговиот татко, му рекол на Ата бин ебу Рабах: „Сакаш ли да ти покажам жена од жителите на Џенетот?“ Ата одговорил: „Сакам.“ Ибн Абас рекол: „Оваа црна жена од Абесинија. Таа дојде кај Божјиот пратеник, салаллаху алејхи ве селем, и рече: ,Имам болест и добивам напади при кои паѓам во безсознание, па ми се открива дел од телото. Замоли Го Аллах да ме излечи.‘
Пратеникот, салаллаху алејхи ве селем, ѝ рече: ,Ако сакаш – биди трпелива, и ќе го добиеш Џенетот. А ако сакаш – ќе Му се помолам на Аллах да те излечи.‘ Таа одговори: ,Ќе бидам трпелива.‘ Потоа таа додаде: ,Но замоли Го Аллах, кога ќе добијам напад, да не ми се открива телото.‘ Тогаш Божјиот пратеник, салаллаху алејхи ве селем, се помоли за неа.

Од придобивките на хадисот

  1. Трпението при искушенијата на овој свет водат во Џенет.
  2. Ен-Невеви рекол: „Овој хадис е доказ дека за нападите на епилепсија (паѓањето во несвест) човекот добива најпотполна награда.“
  3. Скромноста и срамежливоста на жените од асхабите, Аллах нека е задоволен со нив, и нивната голема грижа за покриеност се очигледни – оваа жена најмногу се плашела да не ѝ се открие дел од телото.
  4. Ибн Хаџер рекол: „Придржувањето кон построгата опција е подобро од земањето олеснување, за оној кој знае дека има сила и нема да ослаби од тоа.“
  5. Ибн Хаџер рекол: „Овој хадис укажува дека лечењето на сите болести преку дова и барање прибежиште кај Аллах е посигурно и покорисно од лекувањето со лекарства, а неговото влијание врз телото е посилно од влијанието на материјалните лекови. Но, тоа дава плод само со исполнување на овие два услови: 1. од страна на болниот – искрена намера и вистинско потпирање на Аллах; 2. од страна на оној што прави рукја – силно обраќање кон Аллах, цврсто срце, богобојазливост и искрено потпирање на Аллах.“
  6. Ибн Хаџер рекол: „Хадисот е доказ дека е дозволено човекот да го остави лечењето.“

Преглед на преводи

36 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية