فەرموودە: هەرکەسێک بڕوات بۆ لای فاڵگرەوەیەک وپرسیاری شتێکی لێبکات ئەوا چل ڕۆژ نوێژی قبوڵ ناکرێت
«مَنْ أَتَى عَرَّافًا فَسَأَلَهُ عَنْ شَيْءٍ لَمْ تُقْبَلْ لَهُ صَلَاةٌ أَرْبَعِينَ لَيْلَةً».
[صحيح] - [رواه مسلم] - [صحيح مسلم: 2230]
المزيــد ...
لە یەکێک لە هاوسەرەکانى پێغەمبەرەوە کە پێغەمبەر -صلى اللە علیە وسلم- دەفەرموێت:
«هەرکەسێک بڕوات بۆ لای فاڵگرەوەیەک وپرسیاری شتێکی لێبکات ئەوا چل ڕۆژ نوێژی قبوڵ ناکرێت».
[صەحیحە] - [موسلیم گێڕاویەتیەوە] - [صحيح مسلم - 2230] شیکردنەوە
پێغەمبەر -صلى اللە علیە وسلم- هۆشداری دەدات سەبارەت بەچوون بۆ لای فاڵگرەوەکان - ئەمیش هەموو کاهین وئەستێرەناس وهتد دەگرێتەوە ؛ لەئەوانەى بانگەشەی زاینی غەیب دەکەن بەهۆی ئەو شتانەى بەکاریدەهێنن-، وتەنها داواکردنی شتێک لێیان سەبارەت بە غەیب ؛ خواى گەورە لە پاداشتی نوێژکردنی چل ڕۆژ بێبەشی دەکات، وئەمە سزای ئەم تاوانە گەورەیە.
لە سوودەکانی فەرموودەکە
- حەرامبوونی فاڵگرتنەوە، وچوون بۆ لایان وپرسیارکردن لێیان سەبارەت بە غەیب ؛ هەمووی حەرامە.
- لەوەیە مرۆڤ بێبەش بکرێت لە پاداشتی پەرستنەکان وەکو سزایەک بۆی لەسەر کردنی تاوان.
- فەرموودەکە ؛ تێڕوانینی ئەستێرەکان وکوپیش دەگرێتەوە -ئەگەرچیش تەنها بۆ خوێندنەوە بێت- ؛ چونکە هەموو ئەمانە فاڵگرتنەوە وکیهانەتن وبانگەشەکردنی زانینی غەیبە.
- ئەگەر ئەمە سزای ئەو کەسە بێت کە دەچێت بۆ لای فاڵگرەوەکان، ئەی دەبێت سزای فاڵگرەوەکە چۆن بێت ؟!
- ئەگەر ئەو چل ڕۆژە نوێژ ئەنجامبدات ؛ فەرزێتی ئەم نوێژانەى لەسەر لادەچێت و واجب نیە لەسەری قەزایان بکاتەوە، بەڵام هیچ پاداشتێکی دەستناکەوێت لەسەر ئەنجامدانیان.