हदीस: नबी (सल्लल्लाहु अलैहि वसल्लम) ले दुःखको समयमा चिच्याउने, कपाल खौरने र लुगा च्यात्नेहरूसँग सम्बन्ध तोडेको घोषणा गर्नुभएको छ।

عَن أَبِي بُرْدَةَ بْنِ أَبِي مُوسَى رَضِيَ اللَّهُ عَنْهُ قَالَ:
وَجِعَ أَبُو مُوسَى وَجَعًا شَدِيدًا، فَغُشِيَ عَلَيْهِ وَرَأْسُهُ فِي حَجْرِ امْرَأَةٍ مِنْ أَهْلِهِ، فَلَمْ يَسْتَطِعْ أَنْ يَرُدَّ عَلَيْهَا شَيْئًا، فَلَمَّا أَفَاقَ، قَالَ: أَنَا بَرِيءٌ مِمَّنْ بَرِئَ مِنْهُ رَسُولُ اللَّهِ صَلَّى اللهُ عَلَيْهِ وَسَلَّمَ، إِنَّ رَسُولَ اللَّهِ صَلَّى اللهُ عَلَيْهِ وَسَلَّمَ بَرِئَ مِنَ الصَّالِقَةِ وَالحَالِقَةِ وَالشَّاقَّةِ.
[صحيح] - [متفق عليه] - [صحيح البخاري: 1296]

अबू बुरदा बिन अबू मूसा (रजियल्लाहु अन्हु) ले बयान गरेका छन्,
अबू मूसा अल-अशअरी (रजियल्लाहु अन्हु) धेरै बिरामी परे। रोग यति गम्भीर थियो कि उनी बेहोस भए। उनको टाउको उनको घरकी एक महिलाको काखमा थियो, जो ठूलो स्वरले रोइरहेकी थिइन् र उनी बेहोस भएका कारणले उनलाई जवाफ दिन सकेनन्। त्यसैले जब उनी होसमा आए, उनले भने: "म ती सबैसँग सम्बन्ध नरहेको घोषणा गर्दछु, जससँग नबी (सल्लल्लाहु अलैहि वसल्लम) ले सम्बन्ध नरहेको घोषणा गर्नुभएको छ। नबी (सल्लल्लाहु अलैहि वसल्लम) ले दुःखको समयमा चिच्याउने, कपाल खौरने र लुगा च्यात्नेहरूसँग सम्बन्ध तोडेको घोषणा गर्नुभएको छ।"
[सही] - [मुत्तफकुन अलैहि] - [सही बुखारी - 1296]

व्याख्या

अबू बुर्दा (रजियल्लाहु अन्हु) ले बयान गरेका छन्, अबू मुसा (रजियल्लाहु अन्हु) एक पटक धेरै बिरामी परे। रोग यति गम्भीर थियो कि उहाँले होस गुमाउनुभयो। त्यस समयमा, उनको टाउको उनको घरको एक महिलाको काखमा थियो, जसले उनको रोग देखेर रुन र विलाप गर्न थालिन्। तर बेहोसीको कारणले गर्दा अबू मुसाले केही जवाफ दिन सकेनन्। त्यसैले जब उनी होसमा आए, उनले भने: म ती सबैबाट असम्बद्ध छु जसलाई नबी (सल्लल्लाहु अलैहि वसल्लम) ले असम्बद्ध घोषित गर्नुभएको छ। नबी (सल्लल्लाहु अलैहि वसल्लम) ले निम्न महिलाहरूबाट असम्बन्धित छु भनेर घोषणा गर्नुभएको छ: सालिका: दुःखको समयमा कराउने महिला। हालिका: समस्याको समयमा आफ्नो कपाल खौरने महिला। शाक्का: दुःखको समयमा आफ्नो लुगा च्यात्ने महिला। किनभने यी अज्ञानताको युगका कार्यहरू हुन्। इस्लामले हामीलाई कठिनाइको समयमा धैर्य गर्न र अल्लाहबाट प्रतिफलको आशा गर्न आदेश दिएको छ।

हदीसका केही फाइदाहरू

1. दुःखको समयमा लुगा च्यात्नु, कपाल खौरनु र ठूलो स्वरले रुनु निषेध हो। र यी ठूलो पापहरू मध्ये हुन्।
2. रुवाबासी र चिच्याहट बिनाको शोक मनाउनु वा रुनु निषेध छैन, किनभने यसले अल्लाहको निर्णय प्रति धैर्यता गुमाएको ठहरिँदैन, बरु सामान्य रोदन त (मानवीय) करुणा र दयाको प्रतीक हो।
3. अल्लाहका तर्फबाट हुने पीडादायी निर्णयहरूप्रति असन्तुष्टि व्यक्त गर्न निषेध गरिएको छ, चाहे त्यो असन्तुष्टि शब्दद्वारा होस् वा कार्यद्वारा।
4. विपत्ति आउँदा धैर्य गर्नु अनिवार्य छ।