حدیث: ”بہت زیادہ لعنت کرنے والے قیامت کے دن گواہی دینے والے نہیں ہوں گے اور نہ ہی شفاعت کرنے والے ہوں گے“۔
«إِنَّ اللَّعَّانِينَ لَا يَكُونُونَ شُهَدَاءَ وَلَا شُفَعَاءَ يَوْمَ الْقِيَامَةِ».
[صحيح] - [رواه مسلم] - [صحيح مسلم: 2598]
المزيــد ...
ابو ہریرہ رضی اللہ عنہ سے روایت ہے، وہ کہتے ہیں کہ میں نے اللہ کے رسول صلی اللہ علیہ و سلم کو فرماتے ہوئے سنا:
”بہت زیادہ لعنت کرنے والے قیامت کے دن گواہی دینے والے نہیں ہوں گے اور نہ ہی شفاعت کرنے والے ہوں گے“۔
[صحیح] - [اسے امام مسلم نے روایت کیا ہے۔] - [صحيح مسلم - 2598]
اللہ کے نبی صلی اللہ علیہ و سلم نے بتایا کہ غیر مستحق شخص پر بہت زیادہ لعنت کرنے والا دو سزاؤں کا مستحق ہے: پہلی : وہ قیامت کے دن اس بات کی گواہی نہیں دے گا کہ پچھلی امتوں کو ان کے رسولوں نے اللہ کا پیغام پہنچایا تھا، دنیا میں اس فسق کی وجہ سے اس کی قبول نہیں کی جائے گی اور اسے اللہ کی راہ میں شہادت نصیب نہیں ہوگی۔ دوسری : وہ قیامت کے دن، جب دوسرے مومن جہنم کے حق دار بن چکے اپنے مومن بھائیوں کے بارے میں سفارش کریں گے، سفارش نہیں کر سکے گا۔
حدیث کے کچھ فوائد
- لعنت وملامت کرنا حرام ہے اور کثرت سے لعنت کرنا کبیرہ گناہ ہے۔
- اس حدیث میں بیان کی گئی سزا اس شخص کے بارے میں ہے، جو بہ کثرت لعنت کرتا ہو۔ ایک دو بار لعنت کرنے والے کے بارے میں نہیں۔ پھر لعنت کبھی کبھی مباح بھی ہو سکتی ہے۔ یعنی بلا تعیین مذموم اوصاف کے حامل لوگوں پر لعنت، جن پر شرعی طور پر لعنت کی گئی ہے۔ جیسے یہود و نصاری پر اللہ کی لعنت ہو، ظالموں پر اللہ کی لعنت ہو، تصویر بنانے والوں پر اللہ کی لعنت ہو، قوم لوط والے عمل میں ملوث ہونے والے پر اللہ کی لعنت ہو، غیراللہ کے لیے جانور ذبح کرنے والے پر اللہ کی لعنت ہو، عورتوں کی مشابہت اختیار کرنے والے مردوں پر اور مردوں کی مشابہت اختیار کرنے والی عورتوں پر اللہ کی لعنت ہو، وغیرہ کہنا۔
- قیامت کے دن مومنوں کی شفاعت کا اثبات۔
مزید ۔ ۔ ۔
- حدیث: کیا میں تمھیں سب سے بڑا گناہ نہ بتاؤں؟
- حدیث: سات ہلاک کرنے والی چيزوں (گناہوں) سے بچو
- حدیث: پانچوں نمازیں، ایک جمعہ دوسرے جمعہ تک اور ایک رمضان دوسرے رمضان تک اپنے مابین سرزد ہونے والے گناہوں کا کفارہ بن جاتے ہیں، بشرطے کہ کبیرہ گناہوں سے اجتناب کیا جائے۔
- حدیث: کچھ لوگ اللہ کے مال میں ناحق تصرف کرتے ہیں۔ چنانچہ ایسے لوگوں کے لیے قیامت کے دن جہنم ہے۔
- حدیث: بدگمانی سے بچو کیونکہ بدگمانی سب سے جھوٹی بات ہے۔
- حدیث: مرنے والوں کو برا مت کہو؛ کیوں کہ جو اعمال انھوں نے آگے بھیجے، وہ ان تک پہنچ چکے ہیں۔
- حدیث: کسی مسلمان کے لیے جائز نہیں کہ وہ تین راتوں سےزیادہ اپنے بھائی سے قطعِ تعلقی رکھے بایں طور کہ ان کا آمنا سامنا ہو تو وہ ایک دوسرے سے منہ موڑ لیں۔ ان میں سے بہتر وہ ہے جو سلام میں پہل کر لے۔