فەرموودە: خواى گەورە بەهۆی ئەو کردەوەیە بەهەشتی بۆی واجبکرد، یان بەهۆی ئەو کردەوەیە لە دۆزەخ ڕزگاری کرد

عن عائشة رضي الله عنها قالت: جَاءَتنِي مِسْكِينَة تَحمِل ابنَتَين لها، فَأَطْعَمْتُها ثَلاثَ تَمَرَات، فَأَعْطَت كُلَّ وَاحِدَة مِنْهُما تَمْرَة وَرَفَعت إِلَى فِيهَا تَمْرَة لِتَأكُلَها، فَاسْتَطْعَمَتْها ابْنَتَاهَا، فَشَقَّت التَّمْرَة التي كانت تريد أن تَأْكُلَها بينهما، فَأَعْجَبَنِي شَأْنُهَا، فَذَكَرت الذي صَنَعَتْ لرسول الله صلى الله عليه وسلم فقال: «إِنَّ الله قَدْ أَوجَبَ لَهَا بِهَا الجَنَّة، أَو أَعْتَقَهَا بِهَا مِنَ النَّار».
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عائیشەوە -ڕەزای خوای لێبێت- دەڵێت: «ئافرەتێکی هەژار هات بۆ لام کە دوو کچی لە باوەشدا بوو، منیش سێ خورمام پێی بەخشی، یەک خورمای دا بە هەریەکیان وسێیەم خورمای بەرز کردەوە بۆ ئەوەى بیخوات، بەڵام کچەکانى داواى خورماکەى ئەویشیان کرد؛ بۆیە (ئافرەتەکە) ئەو خورمایەی کە دەیویست بیخوات لە نێوانیان کردی بە دوو لەتەوە، ئەم کردەوەیە تووشی سەرسوڕمانی کردم (بە لامەوە جوان بوو)، بۆیە باسی کردەوەى ئەو ئافرەتەم کرد بۆ پێغەمبەر -صلى اللە علیە وسلم-، ئەویش فەرمووی:«خواى گەورە بەهۆی ئەو کردەوەیە بەهەشتی بۆی واجبکرد، یان بەهۆی ئەو کردەوەیە لە دۆزەخ ڕزگاری کرد».
[صەحیحە] - [موسلیم گێڕاویەتیەوە]

شیکردنەوە

ئەم فەرموودەیە دیمەنێکی تری ڕەحمەت وبەزەیی گەورە بەرامبەر بە بچووک پیشاندەدات، عائیشە -ڕەزای خوای لێبێت- دەڵێت: ئافرەتێکی هەژار هات بۆ لام دوو منداڵی کچی لە باوەشدا بوو ومنیش سێ خورمام پێیدا، وئافرەتەکە بە هەر منداڵێکی خورمایەکی بەخشی وسێیەمی بەرەو دەمی بەرزەوە کرد بۆ ئەوەى بیخوات بەڵام منداڵەکانى سەیریانکرد داوایانکرد، ئافرەتەکە خورماکەى نەخوارد بەڵام کردی بە دوو لەتەوە و هەرلەتێکی بەخشی بە منداڵێک وئەوانیش خواردیان، ودایکەکە هیچی نەخوارد، وعائیشە -ڕەزای خوای لێبێت- باسی ئەم ئافرەتەى بۆ پێغەمبەر -صلى اللە علیە وسلم- گێڕایەوە، وئەویش -صلى اللە علیە وسلم- فەرمووی: (خواى گەورە بەهۆی ئەو کردەوەیە بەهەشتی بۆی واجبکرد، یان بەهۆی ئەو کردەوەیە لە دۆزەخ ڕزگاری کرد) بەهۆی ئەوەى ئەوەندە بە بەزەیی وبە ڕەحم بوو بەرامبەریان وخۆی هیچی نەخوارد تەنها بۆ ئەوەى ئەوان ڕازی بن؛ بەهۆی ئەم کردەوە مەزنەوە خواى گەورە چوونە بەهەشتی بۆی واجب کرد.