فەرموودە: هەرکەسێک بەردەوام بێت لە ئەنجامدانى چوار ڕکاتی سوننەت لە پێش نوێژی نیوەڕۆ وچوار ڕکاتی سوننەت لە دوای نوێژی نیوەڕۆ؛ ئەوا خواى گەورە حەرامی دەکات لەسەر دۆزەخ

عَنْ أُمِّ حَبِيبَةَ رضي الله عنها زَوْجِ النَّبِيِّ صَلَّى اللَّهُ عَلَيْهِ وَسَلَّمَ قَالت: سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:

«مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ وَأَرْبَعٍ بَعْدَهَا حَرَّمَهُ اللَّهُ عَلَى النَّارِ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 428]

لە ئوم حەبیبەوە -ڕەزای خوای لێبێت- (خێزانی پێغەمبەر -صلى اللە علیە وسلم-) دەڵێت: گوێم لە پێغەمبەری خودا بوو -صلى اللە علیە وسلم- كە دەیفەرموو:
«هەرکەسێک بەردەوام بێت لە ئەنجامدانى چوار ڕکاتی سوننەت لە پێش نوێژی نیوەڕۆ وچوار ڕکاتی سوننەت لە دوای نوێژی نیوەڕۆ؛ ئەوا خواى گەورە حەرامی دەکات لەسەر دۆزەخ».
[صەحیحە] - - [سنن الترمذي - 428]

شیکردنەوە

پێغەمبەر -صلى اللە علیە وسلم- موژدەی داوە بە ئەو كەسەی چوار ڕكات نوێژی سوننەت دەكات لەپێش و لە دووای نوێژی نیوەڕۆ، وبەردەوام دەبێت لەسەر ئەنجامدانیان بەم شێوەیە؛ ئەوا خوای گەورە ئەم كەسە حەرام دەكات لەسەر ئاگری دۆزەخ.

لە سوودەکانی فەرموودەکە

1. سوننەتە بەردەوامبوون لەسەر ئەنجامدانی چوار ڕکات لە پێش نوێژی نیوەڕۆ وچوار ڕکات لە دووایەوە.
2. نوێژە سوننەتە راتیبەکان -پێش نوێژی فەرز-؛ چەند حیکمەتێکی تێدایە لەوانەیش: ئامادەکردنی نەفسی نوێژخوێن بۆ پەرستنی خواى گەورە پێش ئەنجامدانى نوێژی فەرز، بەڵام نوێژە سوننەتە راتیبەکانى -پاش نوێژی فەرز- لە حیکمەتەکانى: شوێنی ئەو کەموکورتیانە پڕ دەکاتەوە کە لە ئەنجامدانى نوێژی فەرزدا ڕوویداوە.
3. نوێژە سوننەتە راتیبەکان سوودی زۆر ومەزنیان هەیە، لە زیادبوونی چاکەکان، وسڕینەوەی گوناهەکان، وبەرزبوونەوەى پلە وپایە.
4. ئەسڵ وبنەما لەلای ئەهلی سوننە سەبارەت بەو فەرموودانەی وەعد وپەیمانیان لە خۆگرتووە؛ وەكو ئەم فەرموودەیە: وا لێكدەدرێتەوە كە لەسەر تەوحید -یەك خوا پەرستی- مردووە، ومەبەست ئەوەیە لە دۆزەخ نامێنێتەوە بۆ هەتاهەتایی، چونكە هەر موەحیدێك -یەك خوا پەرستێك- گوناهێك بكات ئەوا شایستەی سزادانە بەڵام ئەگەر سزا بدرێت ئەوا بۆ هەتاهەتایی لە دۆزەخدا نامێنێتەوە.