فەرموودە: پێغەمبەر -صلى اللە علیە وسلم- بەپەرۆش نەبوو لەسەر ئەنجامدانى هیچ یەکێک لە نوێژە سونەتەکان هێندەی بەپەرۆش بوونی لەسەر ئەنجامدانى دوو ڕکاتی سونەتی پێش نوێژی بەیانی

عن عائشةَ أمِّ المؤْمنِين رضي الله عنها قالت:
لَمْ يَكُنِ النَّبِيُّ صَلَّى اللهُ عَلَيْهِ وَسَلَّمَ عَلَى شَيْءٍ مِنَ النَّوَافِلِ أَشَدَّ مِنْهُ تَعَاهُدًا عَلَى رَكْعَتَيِ الفَجْرِ.
[صحيح] - [متفق عليه] - [صحيح البخاري: 1169]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عائیشەوە (دایكی ئیمانداران) -ڕەزای خوای لێبێت- دەڵێت:
«پێغەمبەر -صلى اللە علیە وسلم- بەپەرۆش نەبوو لەسەر ئەنجامدانى هیچ یەکێک لە نوێژە سونەتەکان هێندەی بەپەرۆش بوونی لەسەر ئەنجامدانى دوو ڕکاتی سونەتی پێش نوێژی بەیانی».
[صەحیحە] - [بوخاری و موسلیم هاوڕان لەسەری] - [صحيح البخاري - 1169]

شیکردنەوە

عائیشەوە (دایكی ئیمانداران) -ڕەزای خوای لێبێت- دەیگێڕێتەوە بۆمان كە پێغەمبەر -صلى اللە علیە وسلم- بەردەوام وبەپەرۆش نەبوو لەسەر ئەنجامدانی هیچ یەکێک لە نوێژە سونەتەکان هێندەی بەردەوامی وبەپەرۆش بوونی لەسەر ئەنجامدانى دوو ڕکاتی سونەتی پێش نوێژی بەیانی.

لە سوودەکانی فەرموودەکە

1. نوێژە نافیلەكان -سونەتەكان- هەموو نوێژەكانی تر دەگرێتەوە جگە لە نوێژە فەرزەكان، ومەبەست لە نوێژە نافیلەكان لێرەدا: نوێژە سونەتە راتیبەكانە كە لە پێشی وپاشی نوێژە فەرزەكان ئەنجامدەدرێن.
2. نوێژە سونەتە راتیبەكان ئەمانەن: دوو ڕكات لە پێش نوێژی بەیانی، چوار ڕكات لە پێش نوێژی نیوەڕۆ ودوو ڕكات لە پاشی، ودوو ڕكات لە پاش نوێژی مەغریب، ودوو ڕكات لە پاش نوێژی عیشا.
3. دوو ڕکاتی سونەتی راتیبەی پێش نوێژی بەیانی لەکاتى نیشتەجێبوون وسەفەر ئەنجامدەدرێت، بەپێچەوانەى سونەتە راتیبەکانى نیوەڕۆ ومەغریب وعیشا تەنها لەکاتى نیشتەجێبووندا ئەنجامدەدرێن.
4. دوو ڕکاتی سونەتی راتیبەی پێش نوێژی بەیانی؛ سونەتە وزۆر جەختی لەسەر کراوەتەوە، بۆیە نابێت مسوڵمان پشتگوێی بخات.