فەرموودە: پێغەمبەر -صلى اللە علیە وسلم- سوور نەبوو لەسەر پارێزگاری کردن لە ئەنجامدانى هیچ یەکێک لە نوێژە سونەتەکان وەکو سوور بوونی لەسەر پارێزگاری کردن لە ئەنجامدانى دوو ڕکاتی سونەتی پێش نوێژی بەیانی

عن عائشة بنت أبي بكر الصديق رضي الله عنهما قالت: «لم يَكُن النبي صلى الله عليه وسلم على شيء من النَّوَافل أشد تَعاهُدَاً منْهُ على ركْعَتَي الفَجْرِ». وفي رواية: «رَكْعَتا الفَجْرِ خيرٌ منَ الدُّنيا وما فيها».
[صحيح] - [الرواية الأولى: متفق عليها. والرواية الثانية: رواها مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عائیشەی کچی ئەبوبەکری سدیقەوە -ڕەزای خوایان لێبێت- دەڵێت: «پێغەمبەر -صلى اللە علیە وسلم- سوور نەبوو لەسەر پارێزگاری کردن لە ئەنجامدانى هیچ یەکێک لە نوێژە سونەتەکان وەکو سوور بوونی لەسەر پارێزگاری کردن لە ئەنجامدانى دوو ڕکاتی سونەتی پێش نوێژی بەیانی». ولە گێڕانەوەیەکدا: «دوو ڕکاتی سونەتی پێش نوێژی بەیانی خێرتر وباشترە لە دونیا وئەوەى تێیدایە».
[صەحیحە] - [موسلیم گێڕاویەتیەوە - بوخاری و موسلیم هاوڕان لەسەری]

شیکردنەوە

ئەم فەرموودەیە گرنگی دوو ڕکاتى سونەتی پێش نوێژی بەیانی دەردەخات، عائیشە -ڕەزای خوای لێبێت- باسی ئەوە دەکات کە پێغەمبەر -صلى اللە علیە وسلم- زۆر جەختی کردووەتەوە لەسەر ئەم دوو ڕکاتە وگرنگی پێداوە و باسیانی بە مەزن داناوە ئەمیش لە ڕێگەى کردەوەکانیەوە، وزۆر پێداگیر بوو لەسەر پاراستنی ئەنجامدانى ئەم دوو ڕکاتە لە پێش نوێژی بەیانی بە بەردەوامى، وبە وتە باسیکردووە کە فەرموویەتی ئەنجامدانیان خێرترە لە دونیا وئەوەى تێیدایە.