హదీస్: “మమ్మల్ని (స్త్రీలను) జనాజాను అనుసరించకుండా (జనాజా వెంట వెళ్ళడం) నిషేధించారు, కానీ, దానిని కఠినంగా మాపై నిషేధించలేదు”

عَنْ أُمِّ عَطِيَّةَ رَضِيَ اللَّهُ عَنْهَا قَالَتْ:
نُهِينَا عَنِ اتِّبَاعِ الجَنَائِزِ، وَلَمْ يُعْزَمْ عَلَيْنَا.
[صحيح] - [متفق عليه] - [صحيح البخاري: 1278]

ఉమ్మె అతియ్యహ్ రదియల్లాహు అన్హా ఉల్లేఖన:
“మమ్మల్ని (స్త్రీలను) జనాజాను అనుసరించకుండా (జనాజా వెంట వెళ్ళడం) నిషేధించారు, కానీ, దానిని కఠినంగా మాపై నిషేధించలేదు”.
[ప్రామాణికమైన హదీథు] - [అల్ బుఖారీ మరియు ముస్లిం నమోదు చేసినారు] - [సహీహ్ అల్ బుఖారీ - 1278]

వివరణ

ఉమ్ అతియా అల్-అన్సారియహ్ రదియల్లాహు అన్హా ఉల్లేఖన ప్రకారం, ప్రవక్త సల్లల్లాహు అలైహి వ సల్లం స్త్రీలు జనాజా తీసుకు వెళుతున్న జమఆతును అనుసరించడాన్ని నిషేధించారు; కారణం మృత్యువు కారణంగా తమ వారిలోని ఒకరు దూరమై పోవడం అనే విషయాన్ని తేలికగా జీర్ణించు కోలేని వారి సున్నితత్వం, వారి పరిమితమైన ఓర్పు మొదలైనవి. ఆమె ఇంకా ఇలా అన్నారు: అయితే ఇతర నిషేధిత విషయాలలో కఠినంగా నొక్కి చెప్పినట్లుగా ప్రవక్త సల్లల్లాహు అలైహి వసల్లం ఈ విషయంలోని నిషేధాన్ని నొక్కి చెప్పలేదు.

من فوائد الحديث

1. మహిళలు జనాజాను అనుసరించడంపై నిషేధం అనేది సాధారణత్వం కలిగిన ఆదేశం, అంటే ఈ నిషేధము మృతదేహానికి గుసుల్ (ఇస్లామీయ పద్ధతిలో స్నానం) చేయించి ఖననం కొరకు సిద్ధం చేయబడే ప్రదేశం, అంత్యక్రియల నమాజు నిర్వహించబడే ప్రదేశం మరియు మృతదేహం ఖననం చేయబడే ఖబరస్తాను వరకు జనాజాను అనుసరించడం అన్నీ ఈ నిషేధములో ఉన్నాయి.
2. ఈ నిషేధానికి కారణం స్త్రీలు అలాంటి విచారకరమైన దృశ్యాలను మరియు భావోద్వేగ పరిస్థితులను భరించలేరు; వారు అటువంటి పరిస్థితులలో అవసరమైన సహనానికి విరుద్ధంగా అసంతృప్తి, అసహనం మరియు భావోద్వేగాలను ప్రదర్శించవచ్చు.
3. స్త్రీలు జనాజాను అనుసరించరాదు అనే నిషేధం వెనుక ఉన్న ప్రాథమిక సూత్రం ఏమిటంటే – అది నిషేధము. అయితే ఉమ్మె అతియా రదియల్లాహు అన్హా, ఆ సందర్భాన్ని బట్టి, జనాజా అనుసరించకుండా విధించబడిన నిషేధం ఖచ్చితమైనది కాదని మరియు ధృవీకరించబడలేదని అర్థం చేసుకున్నారు. అయితే ఈ హదీథులో సూచించిన దాని కంటే, స్త్రీలు జనాజాను అనుసరించడంపై నిషేధానికి సంబంధించిన ఇతర హదీథులలో ఈ నిషేధము చాలా తీవ్రంగా సూచించబడినది.